ஃபிளையிங் கிஸ் கொடுத்த வாட்சன்.. “சூப்பர் பேட்டிங்”.. பதில் சொன்ன ஜூனியர்.. வைரலாகும் புகைப்படம்!

டாப் ஆர்டர் நிலை

முதலில் பேட்டிங் செய்த ஹைதராபாத் அணி 175 ரன்கள் குவித்தது. சென்னை அணியின் டாப் ஆர்டர் கடந்த சில போட்டிகளில் மோசமாக செயல்பட்டு வந்த நிலையில், எப்படி பெரிய இலக்கை எட்டப் போகிறார்கள் என்ற எண்ணம் நிலவியது.

வாட்சன் அதிரடி

எனினும், இந்தப் போட்டியில் ஷேன் வாட்சன் தன் பழைய பார்முக்கு திரும்பினார். அதிரடியாக ஆடிய வாட்சன் 53 பந்துகளில் 96 ரன்கள் குவித்தார். சதம் அடிக்கும் வாய்ப்பை வெறும் 4 ரன்களில் தவறவிட்டார்.

ஃபிளையிங் கிஸ்

எனினும், நடப்பு ஐபிஎல் தொடரில் தான் பார்முக்கு திரும்பியதில் மகிழ்ச்சியுடன் காணப்பட்டார். ஆட்டமிழந்து வெளியே வந்த பின், பார்வையாளர்கள் பகுதியில் நின்றிருந்த தன் செல்ல மகனுக்கு "ஃபிளையிங் கிஸ்" கொடுத்தார் வாட்சன்.

ஜூனியர் வாட்சன்

பதிலுக்கு ஜூனியர் வாட்சன், கையை உயர்த்தி "சூப்பர் பேட்டிங்" என சைகை காட்டினார். இந்தப் புகைப்படங்களை சென்னை சூப்பர் கிங்ஸ் அணியின் ட்விட்டர் பக்கத்தில் பகிர்ந்துள்ளனர். இந்த புகைப்படங்கள் வைரல் ஆகி வருகிறது.