100 தோல்விகள்
ராயல் சேலஞ்சர்ஸ் பெங்களூர் அணி 100 டி20 போட்டிகளில் தோல்வி அடைந்து பரிதாபத்தை சந்தித்துள்ளது. இதில், மேலும் சோகம் என்னவென்றால் அந்த நூறு தோல்விகளில், கோலி 90 போட்டிகளில் பங்கேற்றுள்ளார்.
கோலி காரணமா?
அப்படி என்றால் கோலி அந்த தோல்விகளுக்கு காரணமா? என்றால் ஒரு வீரராக கோலி காரணம் இல்லை. ஐபிஎல் தொடரில் அதிக ரன்கள் அடித்தவர்கள் பட்டியலில் முதல் இடத்தில் இருக்கிறார் அவர். அப்படி இருக்கும் போது ஒரு வீரராக அவர் எந்த வகையிலும் இந்த தோல்விகளுக்கு காரணம் இல்லை.
பலவித முயற்சி
அவரது கேப்டன்சி விமர்சனத்துக்கு உள்ளனாலும், அவர் பலவித முயற்சிகளையும் செய்து பார்த்துவிட்டார். பெங்களூர் அணி பல சீசன்களில் பல்வேறு வீரர்களை மாற்றிப் பார்த்தும் ஒன்றும் வேலைக்கு ஆகவில்லை.
பிளே-ஆஃப்பில் டெல்லி
இதில் மற்றொரு சோகம் என்னவென்றால், கடந்த ஆறு ஆண்டுகளாக பிளே-ஆஃப் செல்லாத டெல்லி அணி கூட தேவையான மாற்றங்களை செய்து, இந்த ஆண்டு பிளே-ஆஃப் சென்று காட்டிவிட்டது. இதனால், "டெல்லிக்கு நாங்க எவ்வளவோ பரவாயில்லை" என கடந்த சீசன்கள் போல மனதை தேற்றிக் கொள்ளும் வாய்ப்பும் பெங்களூர் ரசிகர்களுக்கு இப்போது இல்லை.
விரக்தியில் ரசிகர்கள்
அதனால், கடும் விரக்தியில் இருக்கும் கோலி ரசிகர்கள், விராட் கோலி பேசாமல் பெங்களூர் அணியை விட்டு விலகி விடலாம் என கூறி வருகிறார்கள். ஆனால், இது நடக்க வாய்ப்பில்லை என்பதே உண்மை. ஒரு மாறுதலுக்கு கேப்டனை மாற்றிப் பார்க்கலாம்.