ஐபிஎல் தொடரில் அதிக முறை பிளே-ஆஃப் போன டீம் எது? பட்டுன்னு சொல்லுங்க பார்ப்போம்!!

ராயல் சாலஞ்சர்ஸ் பெங்களூர்

பெங்களூர் அணி இதுவரை 11 ஐபிஎல் தொடர்களில் பங்கேற்று, அதில் ஐந்து முறை பிளே-ஆஃப் சென்றுள்ளது. எனினும், இது வரை இந்த அணி கோப்பை வென்றதில்லை என்ற மோசமான நிலைமையில் தான் உள்ளது. கடந்த இரண்டு தொடர்களாக மிகவும் பின்தங்கி இருக்கும் நிலையில், இந்த முறை பிளே-ஆஃப் சென்றே ஆக வேண்டிய நிலையில் உள்ளது.

கொல்கத்தா நைட் ரைடர்ஸ்

கொல்கத்தா அணியைப் பொறுத்தவரை முதல் தொடரில் இருந்தே எராளமான ரசிகர்களை கொண்ட அணி. இது வரை ஆறு முறை பிளே-ஆப் சென்றுள்ளது. அதில் இரண்டு முறை வெற்றியும் பெற்றுள்ளது.

மும்பை இந்தியன்ஸ்

மும்பை இந்தியன்ஸ் அணி 11 தொடர்களில் ஏழு முறை பிளே-ஆஃப் சென்றுள்ளது. மூன்று முறை கோப்பை வென்றுள்ளது. ஐபிஎல் தொடரில் சிறந்த அணிகளில் ஒன்றாக விளங்கி வருகிறது மும்பை இந்தியன்ஸ்.

சென்னை சூப்பர் கிங்ஸ்

சென்னை சூப்பர் கிங்ஸ் அணியை அடித்துக் கொள்ள ஆளே இல்லை எனும் அளவிற்கு, பங்கேற்ற 9 ஐபிஎல் தொடர்களில் 9 முறையும் பிளே-ஆஃப் அல்லது அரையிறுதிக்கு சென்ற ஒரே அணி என்ற பெருமையைப் பெற்றுள்ளது. அதிலும், மூன்று முறை கோப்பை வென்ற அணி. தோனி தலைமையின் கீழ் ஐபிஎல் தொடரின் சிறந்த அணியாக விளங்கி வருகிறது சிஎஸ்கே.