பார்க்கவே பரிதாபமா இருக்கே.. எப்படி இருந்த கேன் வில்லியம்சன்.. இப்படி ஒண்ணுமே இல்லாம போயிட்டாரே!!

13 ரன்கள்

இந்த சீசனில் இதுவரை ஐந்து போட்டிகளில் மட்டுமே பங்கேற்றுள்ளார் கேன் வில்லியம்சன். ராஜஸ்தான் அணிக்கு எதிரான போட்டியில் துவக்க வீரராக களமிறங்கிய அவர் 13 ரன்கள் மட்டுமே எடுத்த நிலையில் ஆட்டமிழந்து வெளியேறினார்.

வில்லியம்சன் திணறல்

இந்தப் போட்டியில் ராஜஸ்தான் சுழற் பந்துவீச்சாளர் ஸ்ரேயாஸ் கோபால் வீசிய பந்தை கணிக்க முடியாமல் திணறிய வில்லியம்சன், பௌல்டு அவுட் முறையில் ஆட்டமிழந்தார். கடந்த சீசனில் 700 ரன்களுக்கும் மேல் குவித்த வில்லியாம்சனா இது என ஹைதராபாத் அணி ரசிகர்கள் அதிர்ச்சியில் ஆழ்ந்தனர்.

2018ஆம் ஆண்டு..

2018ஆம் ஆண்டு ஐபிஎல் தொடரில் 17 போட்டிகளில் 735 ரன்கள் குவித்தார் வில்லியம்சன். அப்போதைய சராசரி 52.50. அந்த ஒரு ஆண்டில் மட்டும் எட்டு அரைசதங்கள் அடித்து கலக்கி இருந்தார்.

படுமோசம்

ஆனால், இந்த ஆண்டு இதுவரை 5 போட்டிகளில் மட்டுமே ஆடியுள்ள அவர் 41 ரன்கள் மட்டுமே எடுத்துள்ளார். அவரது சராசரி 10.25 ஆகும். "எப்படி இருந்த கேன் வில்லியம்சன், இப்படி ஒண்ணுமே இல்லாம போயிட்டாரே" என ஹைதராபாத் ரசிகர்கள் புலம்பி வருகிறார்கள்.