முதுகுப் பிடிப்பு
தோனி கடந்த இரு போட்டிகளாக முதுகுப் பிடிப்பால் அவதிப்பட்டு வந்துள்ளார். ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் போட்டியில் பேட்டிங்கின் போது தோனி சிரமப்பட்டார்.
தோனி ஓய்வு
இந்த நிலையில், ஹைதராபாத் அணிக்கு எதிரான போட்டியில் ஓய்வு எடுத்துக் கொண்டுள்ளார் தோனி. துணை கேப்டன் சுரேஷ் ரெய்னா இந்தப் போட்டிக்கு தலைமை ஏற்று அணியை வழிநடத்துகிறார்.
2010க்குப் பின்..
கடந்த 2010க்குப் பின் தற்போது தான் தோனி சென்னை அணிக்காக ஆடாமல் ஒரு போட்டியில் இருந்து விலகியுள்ளார். மேலும், சென்னை சூப்பர் கிங்ஸ் அணிக்காக தோனி ஆடாத நான்காவது போட்டி இதுதான்.
3வது விக்கெட் கீப்பர்
இந்தப் போட்டியில் தோனி இல்லாத நிலையில், விக்கெட் கீப்பிங் பணியை சாம் பில்லிங்க்ஸ் ஏற்றுள்ளார். இவர் சென்னை சூப்பர் கிங்ஸ் அணியின் மூன்றாவது விக்கெட் கீப்பர். இதுவரை சென்னை அணிக்கு 146 போட்டிகளில் தோனியும், 9 போட்டிகளில் பார்த்திவ் பட்டேலும் விக்கெட் கீப்பிங் பணியை செய்துள்ளனர்.