அதிரடி பேட்டிங்
இந்தப் போட்டியில் முதலில் பேட்டிங் செய்த சன்ரைசர்ஸ் அணி துவக்கம் முதலே அதிரடி காட்டியது. வார்னர் பட்டையைக் கிளப்பி ஆடி வந்தார். அவருடன் மனிஷ் பாண்டேவும் இணைந்து அதிரடியாக ஆடி வந்தார். அப்போது தான் அந்த கேட்ச் வாய்பி கிடைத்தது.
ஒற்றைக் கையில்..
11வது ஓவரின் முதல் பந்தை மனிஷ் பாண்டே எதிர்கொண்டார். ஷமி பந்தை வீசினார். மிட்-ஆஃப் திசையில் அஸ்வின் பீல்டிங் நின்று இருந்த இடத்துக்கு மேலே பந்தை தூக்கி அடித்தார் மனிஷ். அஸ்வின் ஒரே குதியாக குதித்து பந்தை ஒற்றைக் கையில் பிடித்தார்.
நழுவிய பந்து
ஆனால், பிடித்துவிட்டு கீழே கால்களை வைப்பதற்குள், பந்து கை நழுவியது. எனினும், பந்து பவுண்டரி போவதை தடுத்து விட்டார் அஸ்வின். ஷமி கேட்ச் பிடித்துவிட்டார் என மகிழ்ச்சியில் இருந்து, அடுத்த நொடியில் ஏமாற்றம் அடைந்தார்.
பாண்டேவுக்கு கிடைத்த வாய்ப்பு
கேட்ச் நழுவியதால், மனிஷ் பாண்டே ஒரு வாய்ப்பு பெற்றார். அப்போது 20 ரன்கள் அடித்து இருந்த மனிஷ் பாண்டே பின்னர் 36 ரன்கள் வரை சேர்த்து ஆட்டமிழந்தார். இந்தப் போட்டியில் ஹைதராபாத் அணி அதிரடியாக ஆடி 212 ரன்கள் குவித்தது.