ஐபிஎல் தொடர்
2020 ஐபிஎல் தொடர் கொரோனா வைரஸ் பாதிப்பின் காரணமாக இந்தியாவில் இருந்து ஐக்கிய அரபு அமீரகத்துக்கு மாற்றப்பட்டது. அங்கே லீக் சுற்றுப் போட்டிகள் செப்டம்பர் 19 முதல் துவங்கி நடைபெற்று வருகிறது. கடைசி லீக் போட்டி நவம்பர் 3 அன்று நடைபெற உள்ளது.
பிளே-ஆஃப் சுற்று
முதல் தகுதிப் போட்டி நவம்பர் 5 அன்று துபாயில் நடைபெற உள்ளது. நவம்பர் 6 அன்று எலிமினேட்டர் போட்டி நடைபெற உள்ளது. நவம்பர் 8 அன்று இரண்டாவது தகுதிப் போட்டி நடைபெற உள்ளது. இந்த இரண்டு போட்டிகளும் அபுதாபியில் நடைபெற உள்ளது.
இறுதிப் போட்டி
இறுதிப் போட்டி நவம்பர் 10 அன்று துபாயில் நடைபெற உள்ளது. ஷார்ஜாவில் ஒரு போட்டி கூட நடைபெறப் போவதில்லை. ஐபிஎல் போட்டிகளுக்கு பதில் ஷார்ஜாவில் மகளிர் டி20 லீக் தொடர் நடைபெற உள்ளது.
மகளிர் டி20
நவம்பர் 4, 5 மற்றும் 7ஆம் தேதிகளில் மகளிர் டி20 லீக் போட்டிகள் ஷார்ஜாவில் நடைபெறும். அந்த தொடரின் இறுதிப் போட்டி நவம்பர் 9 அன்று அதே மைதானத்தில் நடைபெறும் என பிசிசிஐ அட்டவணையில் குறிப்பிடப்பட்டுள்ளது.