DC vs SRH : இளம் வீரர் நீக்கம்.. காரணம் இதுதான்.. டெல்லி அணியில் பரபர மாற்றம்!

டாஸ்

இந்தப் போட்டியில் டெல்லி கேபிடல்ஸ் அணி டாஸ் வென்றது. அந்த அணி பேட்டிங் தேர்வு செய்தது. கடந்த இரண்டு முறை ஹைதராபாத் அணிக்கு எதிராக சேஸிங் செய்து தோல்வி அடைந்து இருப்பதால் இந்த முடிவை எடுத்தார் ஸ்ரேயாஸ் ஐயர்.

ப்ரித்வி ஷா நீக்கம்

இந்தப் போட்டியில் டெல்லி அணியின் இளம் துவக்க வீரர் ப்ரித்வி ஷா அதிரடியாக நீக்கப்பட்டார். அவர் தொடர்ந்து ரன் குவிக்காமல் சொதப்பி வரும் நிலையில் அணியில் இருந்து நீக்கப்பட்டார். மேலும் அணியில் ஹெட்மயர், பிரவீண் துபே சேர்க்கப்பட்டனர்.

மூன்று ஸ்பின்னர்கள்

டெல்லி அணி அஸ்வின், அக்சர் பட்டேல், பிரவீண் துபே என மூன்று சுழற் பந்துவீச்சாளர்களுடன் களமிறங்கி உள்ளது. ஹைதராபாத் அணியின் மிடில் ஆர்டர் சுழற் பந்துவீச்சுக்கு தடுமாறி வரும் நிலையில் இந்த முடிவை எடுத்தது அந்த அணி.

ஹைதராபாத் அதே அணி

சன்ரைசர்ஸ் ஹைதராபாத் அணி கடந்த போட்டியில் வெற்றி பெற்ற அதே அணியுடன் களமிறங்கியது. டேவிட் வார்னர் டாஸ் நிகழ்வின் போது உற்சாகமாக காணப்பட்டார். அவர் டாஸில் தோல்வி அடைந்ததை குறித்து மகிழ்ச்சி தெரிவித்தார்.