ஐபிஎல் பிளே ஆப் சுற்று- 10 அணிகளும் எத்தனை வெற்றி பெற்றால் வாய்ப்பு.. முழு விவரம் இதோ

பிளே ஆப் சுற்று

இந்த நிலையில், ஐபிஎல் 15வது சீசனில் பிளே ஆப் சுற்றுக்கு தகுதி பெற 10 அணிகளும் எஞ்சிய போட்டியில் எத்தனை வெற்றி பெற வேண்டும் என்பதை தற்போது காணலாம். முதலிடத்தில் உள்ள குஜராத், எஞ்சிய 8 போட்டியில் மூன்றில் வென்றால் கூட பிளே ஆப் சுற்றுக்கு தகுதி பெற்று விடலாம். இதே போன்று 2வது இடத்தில் உள்ள பெங்களூரு அணியும் எஞ்சிய 7 போட்டியில் மூன்றில் வெல்ல வேண்டும்.

தேவைப்படும் வெற்றி

ராஜஸ்தான் அணி எஞ்சிய 8 போட்டியில் குறைந்தது 4 போட்டியிலாவது வெல்ல வேண்டும். 4வது இடத்தில் உள்ள லக்னோ எஞ்சிய 7 போட்டியில் 4 போட்டியிலாவது வெல்ல வேண்டும். ஐதராபாத் அணி எஞ்சிய 8 போட்டியில் 4 போட்டியிலாவது குறைந்தபட்சம் வென்று இருக்க வேண்டும். கொல்கத்தா அணி எஞ்சிய 7 போட்டியில் குறைந்தபட்சம் ஐந்தில் வெல்ல வேண்டும்.

சிஎஸ்கேக்கு 7

இதே போன்று பஞ்சாப் அணி எஞ்சிய 8 போட்டியில் குறைந்தபட்சம் 5 போட்டியில் வெற்றி பெற வேண்டும். டெல்லி அணி விளையாட வேண்டிய 9 போட்டியில் 6 ஆட்டங்களில் வென்று இருக்க வேண்டும். நடப்பு சாம்பியனான சென்னை சூப்பர் கிங்ஸ் 8 போட்டியில் 7 ஆட்டங்களில் வென்று இருக்க வேண்டும்.

Recommended Video

IPL 2022: Kris Srikkanth Slams Umpires on Stoinis Wicket Controversy | OneIndia Tamil

மும்பைக்கு 8

5 முறை சாம்பியனான மும்பை அணி எஞ்சியுள்ள 8 போட்டியில் எட்டிலும் வென்று இருக்க வேண்டும். இதில் முதல் 2 இடங்களை பிடிக்கும் அணி 9 அல்லது 10 போட்டிக்கு மேல் வென்று இருந்தால், மூன்றாவது மற்றும் 4வது இடத்தை பிடிக்கும் அணி குறைந்தபட்சம் 7 போட்டியில் வென்று இருந்தாலுடம பிளே ஆப் வாய்ப்பு கிட்டும். இதனால் நடப்பு சீசன் இந்த கதையை நோக்கியே நகர்கிறது.