Click it and Unblock the Notifications
பவுலர்களுக்கு நெருக்கடி
தொடக்க வீரராக களமிறங்கிய கான்வே, ருத்துராஜ் ஜோடி வழக்கம் போல் அதிரடியாக விளையாடி ரன்களை குவித்தனர். இந்த ஜோடி , டெல்லி அணி பந்துவீச்சாளர்களை செட்டில் ஆக விடவே இல்லை. எப்போதும் பந்துவீச்சாளர்கள் நெருக்கடி தருவார்கள் அல்லவா, இம்முறை கொஞ்சம் மாற்றமாக சிஎஸ்கே பேட்ஸ்மேன்களுக்கு அவர்களுக்கு நெருக்கடி அளித்தனர்.
கான்வே சிக்சர்
குறிப்பாக டிவோன் கான்வே அடித்த ஷாட், சுழற்பந்துவீச்சாளர் குல்தீப் யாதவை எதிர்கொண்ட விதம் அப்படியே, நம்ம மைக்கேல் ஹஸியை பார்த்தது போல் இருந்தது. கான்வே 29 பந்துகள் அடித்திருக்கும் போதே அரைசதம் அடித்தார். அப்போதே 4 சிக்சர்களை கான்வே விளாசினார். கான்வே அதிரடியை காட்டியதால் நம்ம ருத்துராஜ் கொஞ்சம் அமைதி காத்தார்.
110 ரன்கள் பார்ட்னர்ஷிப்
குல்தீப் யாதவின் 8 பந்துகளை எதிர்கொண்ட கான்வே 30 ரன்களை விளாசினார். இதே போன்று வேகப்பந்துவீச்சாளர் நோக்கியா ஓவரில் இறங்கி வந்து சிக்சர் அடித்தார். ருத்துராஜ் 41 ரன்களில் ஆட்டமிழக்க , முதல் விக்கெட்டுக்கு இந்த ஜோடி 110 ரன்களை சேர்த்தது. நடப்பு சீசனில் 2வது முறையாக இந்த ஜோடி 100 ரன்களை சேர்த்துள்ளது.
சிஎஸ்கே 208 ரன்கள் இலக்கு
கான்வே 49 பந்துகளில் 87 ரன்கள் அடித்த நிலையில் கலில் அகமது பந்துவீச்சில் ரிஷப் பண்டிடம் பிடிப்பட்டார். சிவம் துபேவும் 19 பந்துகளில் 32 ரன்களை குவித்தார். கேப்டன் தோனியும் எதிர்கொண்ட 2வது பந்திலேயே சிக்சர் விளாசினார். 8 பந்தில் அவர் 21 ரன்கள் எடுக்க சிஎஸ்கே அணி 20 ஓவர் முடிவில் 208 ரன்களை எடுத்துள்ளது.
Continue with Google