சிங்கம் களமிறங்கிடுச்சி.. ருத்துராஜின் மெர்சல் ஆட்டம்.. மாஸ் காட்டிய சிஎஸ்கே.. ஆனால் ரன்கள் போதுமா ?

சொதப்பல் தொடக்கம்

இதனையடுத்து களமிறங்கிய ராபின் உத்தப்பா 3 ரன்களில் பெவிலியன் திரும்பினார். மொயின் அலியும் 1 ரன்னில் போல்ட் ஆனார். இதனால் சிஎஸ்கே தடுமாறியது. தொடர்ந்து சில போட்டிகளாக சொதப்பி வந்த ருத்துராஜ் கெய்க்வாட் , இன்றைய ஆட்டத்தில் அதிரடியாக விளையாடி ரன்களை குவித்தார்.

மாஸ் காட்டிய ருத்துராஜ்

ருத்துராஜ்க்கு , ராயுடுவும் துணை நின்று களத்தில் அதிரடியை காட்டினார். ருத்துராஜ் வழக்கம் போல் வேகப்பந்துவீச்சாளர்களை ஸ்விப் செய்து சிக்சருக்கு விரட்டினார். 37 பந்துகளில் அரைசதம் விளாசிய ருத்துராஜ் 4 பவுண்டரிகளும், 3 சிக்சர்களும் விரட்டினார். இதே போன்று ராயுடுவும் இறங்கி வந்து தனது முத்திரை ஷாட்களை ஆடினார்.

5 சிக்சர்கள்

31 பந்துகளில் 46 ரன்கள் விளாசிய ராயுடு, 4 பவுண்டரிகளும், 2 சிக்சர்களும் விளாசினர். மறுமுனையில், தொடர்ந்து அதிரடி காட்டிய ருத்துராஜ் 48 பந்துகளில் 73 ரன்கள் விளாசினார். இதில் 5 பவுண்டரிகளும், 5 சிக்சர்களும் அடங்கும். முக்கிய கட்டத்தில் ருத்துராஜ் வெளியேற, சிஎஸ்கே அணி கொஞ்சம் தடுமாறியது.

170 ரன்கள் இலக்கு

இறுதியில், சிவம் துபே 17 பந்துகளில் 19 ரன்களும் , ஜடேஜா 12 பந்தில் 22 ரன்கள் அடிக்க, சிஎஸ்கே அணி 20 ஓவர் முடிவில் 5 விக்கெட் இழப்பிற்கு 169 ரன்கள் எடுத்தது. குஜராத் அணிக்காக அறிமுக போட்டியில் விளையாடிய அல்சாரி ஜோசப் 2 விக்கெட்டுகளை வீழ்த்தினார். ரசித் கான் 4 ஓவருக்கு 29 ரன்களை மட்டுமே விட்டு கொடுத்தார். தோனி பேட்டிங் செய்ய வராதது ரசிகர்களை ஏமாற்றம் அடைய செய்தது.