“கொஞ்சம் கவலை தான்” 2 ஸ்டார் வீரர்களின் நிலை என்ன?.. சிஎஸ்கேவின் காசி விஸ்வநாதன் முக்கிய அப்டேட்!

தீபக் சஹாருக்கு சோகம்

மெகா ஏலத்தில் வேகப்பந்துவீச்சாளர் தீபக் சஹாரை ரூ. 14 கோடி செலவழித்து வாங்கியது சென்னை அணி. அவர் மீது அந்த அளவிற்கு தோனி நம்பிக்கை வைத்திருந்தார். ஆனால் வெஸ்ட் இண்டீஸ் தொடரின் போது சஹாருக்கு காலில் தசை நார்கிழிவு ஏற்பட்டு, சிகிச்சை பெற்று வருகிறார். அவர் ஐபிஎல் தொடரின் முதல் பாதியில் பங்கேற்கவே முடியாது என்ற சூழல் உருவாகியுள்ளது.

2வது பிரச்சினை

இதே போல சிஎஸ்கேவின் எதிர்காலமான பார்க்கப்பட்ட ருதுராஜ் கெயிக்வாட்டிற்கும் காயம் ஏற்பட்டது. அவரை ரூ. 6 கோடிக்கு தக்கவைத்திருந்தது சென்னை அணி. ஆனால் தற்போது அவரும் முதல் பாதி போட்டிகளில் விளையாடுவாரா என்பது தெரியவில்லை. இருவரும் தற்போது தேசிய கிரிக்கெட் அகாடமியில் பயிற்சி பெற்று வருகின்றனர்.

காசி விஸ்வநாதன் தகவல்

இந்நிலையில் இதுகுறித்து சிஎஸ்கே அணி சிஇஓ காசி விஸ்வநாதன் புலம்பியுள்ளார். இதுகுறித்து பேசிய அவர், எங்களின் 2 வீரர்களின் நிலை குறித்து எங்களுக்கு எதுவுமே இதுவரை தெரியவில்லை. அவர்கள் என்சிஏவில் பயிற்சி பெற்று வருகிறார்கள் என்பது மட்டுமே தெரியும். பிசிசிஐ எந்தவித முன்னேற்றத்தையும் கூறவில்லை. ஆனால் அவர்கள் முழு உடற்தகுதி பெற்றுவிட்டால், தகவல் கொடுப்பதாக உறுதியளித்துள்ளது எனத்தெரிவித்துள்ளார்.

சிஎஸ்கே நடவடிக்கை

தோனி தலைமையிலான சென்னை அணி தற்போது சூரத்தில் உள்ள லால்பாய் மைதானத்தில் தீவிர பயிற்சியில் ஈடுபட்டு வருகிறது. வரும் மார்ச் 26ம் தேதி முதல் போட்டியில் கொல்கத்தா அணியை எதிர்கொள்ளவுள்ளது. ஒருவேளை ருதுராஜ் மற்றும் தீபக் சஹார் இல்லையென்றால் பெரும் பின்னடைவாக இருக்கும்.