ஐபிஎல்- கேஎல் ராகுல் மாஸ் சாதனை.. கோலி, ரோகித் கூட செய்யல.. லெஜண்ட் கில்லர் ஆகும் ராகுல்

கேப்டன் பதவி

இதுவரை விளையாடிய 5 போட்டியில் லக்னோ அணி மூன்றில் வென்றுள்ளது. தற்போது மும்பையுடன் லக்னோ தனது 6வது போட்டியில் விளையாடுகிறது. இளம் வீரர்களுக்கு வாய்ப்பு வழங்குவது, பந்துவீச்சாளர்களை சுழற்சி முறையில் சூழலுக்கு ஏற்ப மாற்றுவது என்று ராகுல், தற்போது கேப்டன்சி திறனில் முன்னேறி வருகிறார்.

99 போட்டி முடிவில்..

இந்த நிலையில், கேஎல் ராகுலுக்கு இது 100வது ஐபிஎல் போட்டியாகும். இதற்கு முன்பு ஐபிஎல் தொடரில் 99 போட்டி முடிவில் அதிக ரன்கள் அடித்த வீரர்கள் பட்டியலில் கேஎல் ராகுல் 2வது இடத்தில் இருக்கிறார். இந்த பட்டியலில் கெயில் 3578 ரன்களுடன் முதலிடத்தில் உள்ளார். ராகுல் 3405 ரன்களுடன் 2வது இடத்தில் உள்ளார்.

நெருங்கும் ராகுல்

இந்த பட்டியலில் மூன்றாவது இடத்தில் வார்னர் 3304 ரன்களுடன் உள்ளார். டுபிளஸிஸ் 2849 ரன்களுடன் 4வது இடத்தில் உள்ளார். இந்த பட்டியலில் 5வது இடத்தில் சுரேஷ் ரெய்னா 2802 ரன்களுடன் உள்ளார். இந்த லிஸ்டில் கோலி மற்றும் ரோகித் சர்மா இருவருமே இல்லை. ஆனால் ராகுல் மட்டும் ஜாம்பவான் கெயிலை நெருங்கி இருக்கிறார்.

லெஜண்ட் கில்லர்

இதன் மூலம் ராகுல், ஐபிஎல் தொடரின் லெஜண்ட் கில்லர் என்ற அந்தஸ்தை பெற உள்ளதாக ரசிகர்கள் தெரிவித்துள்ளனர். அதாவது ஜாம்பவானின் சாதனைகளை உடைக்கும் நபர் என்ற பெருமையை ராகுல் பெறுகிறார். இதே போன்று இன்றைய 100வது போட்டியில் கூட சதம் விளாசிய முதல் வீரர் என்ற சாதனையை ராகுல் படைத்துள்ளார்.