அடேங்கப்பா.. சச்சின், கோலி என ஒருசிலர் மட்டுமே செய்த சாதனை.. இன்று சாதித்து காட்டிய குல்தீப் யாதவ்!

குல்தீப்பின் கலக்கல்

இதில் மிகவும் கவனிக்கப்பட வேண்டிய ஒரு வீரராக சுழற்பந்துவீச்சாளர் குல்தீப் யாதவ் உள்ளார். கடந்த 2 ஆண்டுகளாக கொல்கத்தா அணியில் இருந்த அவருக்கு வாய்ப்புகளே தரப்படவில்லை. ஜூஸ் பாட்டில் கொடுக்க மட்டும் தான் சென்றார் என குற்றம்சாட்டப்பட்டது. ஆனால் இந்தாண்டு டெல்லி அணிக்காக களமிறங்கி அடுத்தடுத்து விக்கெட்களை குவித்து வருகிறார்.

தரமான பதிலடி

அதுவும் கொல்கத்தா அணிக்கு எதிரான 2 போட்டிகளிலும் தலா 4 விக்கெட்களை கைப்பற்றி பழித்தீர்த்துக் கொண்டார். நடப்பு தொடரில் இதுவரை வெறும் 7 போட்டிகளில் விளையாடி 13 விக்கெட்களை அள்ளியுள்ள குல்தீப், அதிக விக்கெட்களை எடுத்தவர்கள் பட்டியலில் 2வது இடத்தில் உள்ளார். முதலிடத்தில் குல்தீப்பின் நண்பர் யுவேந்திர சாஹல் 17 விக்கெட்களுடன் உள்ளார்.

மிகப்பெரும் சாதனை

இந்நிலையில் ஐபிஎல்-ல் மிகப்பெரிய சாதனையை குல்தீப் படைத்துள்ளார். அவர் இதுவரை ஆடிய 7 போட்டிகளில் 4 முறை ஆட்ட நாயகன் விருதை வென்றுள்ளார். ஐபிஎல்-ல் ஒரே சீசனில் அதிக ஆட்டநாயகன் விருது வென்றவர்கள் ஒரு சிலர் மட்டுமே. அதில் இவரும் இணைந்துள்ளார்.

வீரர்களின் பட்டியல்

விராட் கோலி - 5 முறை ( 2016 )

குல்தீப் யாதவ் - 4 முறை ( 2022 )

ருதுராஜ் கெயிக்வாட் - 4 முறை ( 2021 )

ரோகித் சர்மா - 4 முறை ( 2016 )

அமித் மிஷ்ரா - 4 முறை ( 2013 )

சச்சின் டெண்டுல்கர் - 4 முறை ( 2010 )

யூசஃப் பதான் - 4 முறை ( 2008 )

மேலும் ஒரு வாய்ப்பு

டெல்லி அணிக்கு இன்னும் மீதம் 7 போட்டிகள் உள்ளன. இதிலும் குல்தீப் யாதவ் சிறப்பாக செயல்பட்டு ஆட்ட நாயகன் விருதை வென்றால், ஐபிஎல் வரலாற்றில் எந்தவொரு வீரரும் படைக்காத பிரமாண்ட சாதனையை அவர் சொந்தமாக்குவார் என்பது குறிப்பிடத்தக்கது.