“அத எடுத்துட்டு வாங்க”.. முக்கிய பயிற்சியை கையில் எடுத்த தோனி.. மும்பை அணியை சமாளிக்க வியூகம்!

பழிவாங்குமா மும்பை அணி

எனினும் இவர்களுக்குள் இருக்கும் கணக்கு இன்னும் தீரவில்லை. லீக் சுற்றில் நடைபெற்ற முதல் போட்டியில் மும்பை இந்தியன்ஸ் அணியை சென்னை அணி 3 விக்கெட்கள் வித்தியாசத்தில் வீழ்த்தியது. கடைசி ஓவரில் கேப்டன் தோனி 17 ரன்களை அடித்து தோனி ரசிகர்களுக்கு இன்ப அதிர்ச்சி கொடுத்திருந்தார்.

பதற்றத்தில் சிஎஸ்கே

எனவே இன்று அதற்கு மும்பை அணி பதிலடி கொடுக்க காத்துள்ளது. அதுவும் இன்றைய போட்டி மும்பை அணியின் கோட்டையாக பார்க்கப்படும் மும்பை வான்கடே மைதானத்தில் நடைபெறுகிறது. இங்கு இதுவரை நடந்த போட்டிகளின் போது 2வது இன்னிங்ஸில் பனிப்பொழிவு அதிகமாக இருந்துள்ளது. இந்த களத்தில் ரோகித் சர்மா, இஷான் கிஷான், பொல்லார்ட் ஆகியோர் சுலபமாக கையாள்வார்கள். ஆனால் சிஎஸ்கே சமாளிப்பது சிரமம்.

ஸ்பெஷல் வகுப்பு

இதனையடுத்து சென்னை அணியின் வீரர்களுக்கு கேப்டன் தோனி ஸ்பெஷலாக ஈரமான பந்தில் பயிற்சி கொடுத்துள்ளார். பேட்டிங், பவுலிங் என இரண்டிற்குமே இதில் பயிற்சி கொடுக்கப்பட்டுள்ளது. இதில் தோனியும் பேட்டிங்கில் அதிரடி சிக்ஸர்களை அடிக்கும் வீடியோ வெளியாகியுள்ளது. இரு அணிகளும் இதுவரை 33 போட்டிகளில் மோதியுள்ளன. இதில் மும்பை 19 முறையும் சிஎஸ்கே 14 முறையும் வெற்றி பெற்றுள்ளது.

Recommended Video

MI vs CSK MS Dhoni வியூகத்தை கணித்த Rohit என்ன நடந்தது? | OneindiaTamil

ப்ளே ஆஃப் கனவு

மும்பை அணியின் ப்ளே ஆஃப் கனவுகள் முடிந்துவிட்டாலும், சிஎஸ்கேவுக்கு கணக்குகளின் அடிப்படையில் இன்னும் கொஞ்சம் வாய்ப்புள்ளது. ஆனால் இன்று தோற்றுவிட்டால் அந்த நம்பிக்கையும் உடைந்துவிடும். எனவே குறைந்தது மும்பை அணியை வீழ்த்தி பெருமை பெற சிஎஸ்கே முனைப்பு காட்டும் என எதிர்பார்க்கப்படுகிறது.