“ஊ சொல்றியா மாமா”.. விராட் கோலி ‘தர லோக்கலாக’ போட்ட குத்தாட்டம்.. இணையத்தை கலக்கும் வீடியோ!

கோலி மீது விமர்சனங்கள்

ஆனால் விராட் கோலியின் நிலைமை தான் மிகவும் மோசமாக உள்ளது. இதுவரை அவர் விளையாடிய 9 போட்டிகளில் 128 ரன்களை மட்டுமே அடித்துள்ளார். அவரின் சராசரி என்பது 16 ரன்கள் மட்டும் தான். எனவே அவர் கிரிக்கெட்டில் இருந்து சற்று காலம் ஓய்வெடுக்க வேண்டும் என ரசிகர்கள் விமர்சித்து வருகின்றனர்.

மேக்ஸ்வெல் பார்டி

இந்த சூழ்நிலையில் விராட் கோலி எந்தவித கவலையும் இன்றி ஜாலியாக குத்தாட்டம் போட்ட வீடியோ இணையத்தை கலக்கி வருகிறது. ஆர்சிபி வீரர் க்ளென் மேக்ஸ்வெல் மற்றும் வினி ராமன் ஆகியோருக்கு சமீபத்தில் திருமணம் முடிந்தது. இவர்களின் திருமணத்திற்கான பார்ட்டி நேற்று ஆர்சிபி அணி சார்பில் ஏற்பாடு செய்திருந்தனர்.

கோலி குத்தாட்டம்

இதில் அனைத்து வீரர்களும் இந்திய பாரம்பரிய உடைகளில் ஜொலித்த புகைப்படங்கள் வெளியாகியுள்ளன. மற்றொரு புறம் புஷ்பா படத்தில் வரும் "ஊ அண்டாவா மாமா" பாடலுக்கு விராட் கோலி "தர லோக்கலாக" இறங்கி குத்தாட்டம் போட்டார். இந்த நிகழ்ச்சியில் நடிகையும், கோலியின் மனைவியுமான அனுஷ்கா சர்மாவும் பங்கேற்றிருந்தார்.

ஆர்சிபிக்கு சிக்கல்

ஆர்சிபி அணி விளையாடிய கடைசி 2 போட்டிகளிலும் படு மோசமான தோல்வியை பெற்றிருந்தது. எனவே கம்பேக் கொடுக்க வேண்டிய கட்டாயம் உள்ளது. அந்த அணி அடுத்ததாக வரும் ஏப்ரல் 30ம் தேதியன்று குஜராத் அணியுடன் மோதவுள்ளது. இந்த போட்டியில் விராட் கோலியும் கம்பேக் தர வேண்டிய கட்டாயத்தில் இருப்பது குறிப்பிடத்தக்கது.