வெங்கடேஷ் ஐயருக்கு சர்பரைஸ் தந்த செத் லாரன்ஸ்.. சிஎஸ்கே போட்டிக்கு ஸ்பெஷல் வாழ்த்து.. காரணம் என்ன??

வெங்கடேஷ் ஐயர்

கொல்கத்தா அணியின் வெற்றியை உறுதி செய்வதற்கு உதவக்கூடிய முக்கிய வீரராக வெங்கடேஷ் ஐயர் இருக்கிறார். கடந்த சீசனின் முதல் பாதியில் தத்தளித்து வந்த கொல்கத்தா அணியை, 2வது பாதியில் காப்பாற்றியவர் இவர் தான். ஓப்பனிங்கே அதிரடி, பவுலிங்கில் முக்கிய விக்கெட் என ரசிகர்களின் கவனத்தை ஈர்த்தார். இதனையடுத்து இந்த சீசனில் இவர் மீதான எதிர்பார்ப்பு அதிகமாக உள்ளது.

Recommended Video

IPL 2022: Suresh Raina congratulates Ravindra Jadeja on becoming CSK captain | Oneindia Tamil

ஸ்பெஷல் வீடியோ வெளியீடு

இந்நிலையில் அவரை உற்சாகப்படுத்த WWE சூப்பர் ஸ்டார் செத் ரோலின்ஸ் சர்பரைஸ் கொடுத்துள்ளார். சமீபத்தில் நடந்த நேர்க்காணல் ஒன்றில் வெங்கடேஷ் ஐயர், தனக்கு WWE மல்யுத்தப்போட்டி மிகவும் பிடிக்கும் என்றும், அதில் செத் லாரன்ஸின் தீவிர ரசிகன் என்றும் தெரிவித்திருந்தார். இதனை அறிந்த செத் ரோலின்ஸ் வெங்கடேஷுக்காக ஸ்பெஷல் வீடியோ ஒன்றை வெளியிட்டுள்ளார்.

வீடியோவில் கூறியது என்ன?

அதில், வெங்கடேஷ் என் தோழா.. நீ எனது தீவிர ரசிகன் என்பது எனக்கு தெரியவந்தது. மிகவும் மகிழ்ச்சியாக உள்ளது. உனக்கு ஐபிஎல் தொடர் எதிரே உள்ளது. என்னுடைய ஆசிர்வாதமும், ஊக்குவிப்பும் உனக்கு எப்போதும் உண்டு. சிறப்பாக விளையாடி கோப்பையை வென்று வா என கூறியுள்ளார். இது தற்போது இணையத்தில் தீயாய் பரவி வருகிறது.

ஐபிஎல்-ல் உள்ள அதிர்ஷ்டம்

ஐபிஎல் தொடரில் வெங்கடேஷ் ஐயர் இதுவரை 10 போட்டிகளில் விளையாடியுள்ளார். அதில் 4 அரைசதங்களுடன் 370 ரன்களை குவித்துள்ளார். அவரின் சராசரி 41.11 ஆகும். ஐபிஎல் தொடர் மூலம் இந்திய அணியில் இடம்பிடித்த அவர் அடுத்த ஹர்திக் பாண்ட்யாவாக உருவாக்கப்பட்டு வருகிறார். எனவே இந்த சீசனிலும் நன்றாக விளையாடிவிட்டால், டி20 உலகக்கோப்பை அணியில் தவிர்க்க முடியாத இடத்தை பிடிப்பார்.