IPL 2025: அப்ப 3 விக்கெட் போனா ரன் வராதா.. டம்மி பீஸா? பிரின்ஸ் கில் டீமை பொளந்த குபீர் மீம்ஸ்

அகமதாபாத்: 2025 ஐபிஎல் தொடரில் இதுவரை மொத்தம் 64 போட்டிகள் நடந்து முடிந்த நிலையில், நான்கு அணிகள் ஏற்கனவே பிளேஆஃப் சுற்றுக்கு முன்னேறிவிட்டன. ஆனால், பிளேஆஃப் சுற்றில் முதல் இரண்டு இடங்களில் இடம்பெறப் போகும் அணிகள் எவை என்ற கேள்வி உள்ளது.

குஜராத் டைட்டன்ஸ் அணி இதுவரை அசைக்க முடியாத அணியாக வலம் வந்தது. பேட்டிங்கில் முதல் மூன்று இடத்தில் சாய் சுதர்சன், சுப்மன் கில் மற்றும் ஜோஸ் பட்லர் இணைந்து இதுவரை அதிரடி ஆட்டம் ஆடி வந்தனர். தற்போது ஜோஸ் பட்லர் அந்த அணியிலிருந்து விலகி இருக்கிறார்.

இதை அடுத்து, நேற்று நடந்த போட்டியில் லக்னோ சூப்பர் ஜெயன்ட்ஸ் அணிக்கு எதிராக சுப்மன் கில் மற்றும் சாய் சுதர்சன் ஆட்டமிழந்ததை அடுத்து அந்த அணி சரிந்தது. 236 ரன்கள் என்ற இலக்கை துரத்தி ஆடிய அந்த அணி 202 ரன்கள் மட்டுமே எடுத்தது. இதை வைத்து ஒரு மீம் வெளியிட்டுள்ளனர். "முதல் மூன்று விக்கெட்டுகள் போனால் ரன் எடுக்க தெரியாதா" என நையாண்டி செய்து இந்த மீம் உள்ளது.

இங்கிலாந்து மற்றும் ஜிம்பாப்வே அணிகள் டெஸ்ட் போட்டியில் விளையாடி வருகின்றன. இந்த போட்டியின் முதல் நாள் ஆட்டத்தில் இங்கிலாந்து அணி மூன்று விக்கெட் இழப்பிற்கு 498 ரன்கள் எடுத்தது. அந்த அணியின் முதல் மூன்று பேட்ஸ்மேன்களும் சதம் அடித்தனர். இதை எடுத்து பிரகாஷ்ராஜ் "கில்லி" படத்தில் "டே டே டே" என மிரண்டு போய் சொல்வது போன்ற காட்சியை வைத்து ஒரு மீம் வெளியிட்டுள்ளனர். இது இங்கிலாந்து அணியின் ஆதிக்கத்தை வெளிப்படுத்துகிறது.

குஜராத் டைட்டன்ஸ் ஏற்கனவே பிளேஆஃப் சுற்றுக்கு முன்னேறிவிட்ட நிலையில், பிளேஆஃப் சுற்றுக்கு முன்னேறும் வாய்ப்பை இழந்த லக்னோ சூப்பர் ஜெயன்ட்ஸ் அணி அந்த அணியை வீழ்த்தியது. இதை வைத்து அண்ணாமலை படத்தில் ரஜினி சவால் விடும் காட்சியை மீமாக வெளியிட்டுள்ளனர். இது லக்னோவின் எதிர்பாராத வெற்றிக்கு ஒரு கிண்டலான தொனியை அளிக்கிறது.

ரிஷப் பண்ட் நேற்றைய போட்டியில் 6 பந்துகளில் 16 ரன்கள் எடுத்தார். இரண்டு சிக்ஸர்களை அடித்து இருந்தார். அதை பார்த்து சஞ்சீவ் கோயங்கா மகிழ்ச்சி அடைவது போல ஒரு மீமும் வெளியிடப்பட்டுள்ளது.

இந்தப் போட்டியில் முகமது சிராஜ் நிக்கோலஸ் பூரணை சீண்டியிருந்தார். அதற்கு பதிலடி அளிக்கும் வகையில் நிக்கோலஸ் பூரன் ஒரு சிக்ஸ் மற்றும் ஒரு பவுண்டரி அடித்தார். இதை வைத்து வடிவேலு "இது உனக்கு தேவையா?" என தன்னைத்தானே கேட்டுக் கொள்வது போன்ற ஒரு மீமை வெளியிட்டுள்ளனர். இது சிராஜின் சீண்டுதல் பூரானின் அதிரடி ஆட்டத்திற்கு வழிவகுத்ததைக் குறிக்கிறது.