ஐபிஎல் தொடரில் சிஎஸ்கே அணி எத்தனை சூப்பர் ஓவரில் ஆடி உள்ளது? ஐபிஎல் சூப்பர் ஓவர் முழு பட்டியல்

மும்பை: ஐபிஎல் களத்தில், ரன் மழை கொட்டும் ஆட்டங்கள் ஒருபுறம், கடைசி பந்து வரை பரபரப்பை கூட்டும் ஆட்டங்கள் மறுபுறம். ஆனால், இந்த இரண்டையும் மிஞ்சும் ஒரு தருணம் உண்டென்றால், அது சூப்பர் ஓவர் தான்.

மின்னல் வேகத்தில் நடக்கும் இந்த ஒரு ஓவர் ஆட்டம், ரசிகர்களின் இதயத்துடிப்பை எகிறச் செய்யும். கடந்த 17 ஆண்டுகளில், ஐபிஎல் வரலாற்றில் 14 சூப்பர் ஓவர்கள் நிகழ்ந்துள்ளன.

அதில் சென்னை சூப்பர் கிங்ஸ் அணி ஒரே ஒரு சூப்பர் ஓவரில் தான் ஆடி உள்ளது. 2010 ஆம் ஆண்டு கிங்ஸ் லெவன் பஞ்சாப் அணிக்கு எதிராக சிஎஸ்கே அணி சூப்பர் ஓவரில் ஆடி இருந்தது. சிஎஸ்கே அணி உட்பட ஐபிஎல் வரலாற்றில் விளையாடப்பட்ட ஒவ்வொரு சூப்பர் ஓவரிலும் என்ன நடந்தது என பார்க்கலாம்.

ஐபிஎல் வரலாற்றில் நடந்த சூப்பர் ஓவர்களின் பட்டியல்:

1. கொல்கத்தா நைட் ரைடர்ஸ் vs ராஜஸ்தான் ராயல்ஸ் (ஐபிஎல் 2009): ஐபிஎல் வரலாற்றில் முதல் சூப்பர் ஓவர் இதுவே. இரு அணிகளும் 150 ரன்கள் எடுத்தன. ராஜஸ்தான் ராயல்ஸ் முதலில் சூப்பர் ஓவரில் விளையாடி 16 ரன்களை இலக்காக நிர்ணயித்தது. கொல்கத்தா நைட் ரைடர்ஸ் 11 ரன்கள் மட்டுமே எடுத்து தோல்வியடைந்தது.

2. சென்னை சூப்பர் கிங்ஸ் vs கிங்ஸ் லெவன் பஞ்சாப் (ஐபிஎல் 2010): இரு அணிகளும் 136 ரன்கள் எடுத்தன. சென்னை சூப்பர் கிங்ஸ் 10 ரன்களை இலக்காக நிர்ணயித்தது. கிங்ஸ் லெவன் பஞ்சாப் வெற்றிகரமாக துரத்தி வெற்றி பெற்றது.

3. ராயல் சேலஞ்சர்ஸ் பெங்களூர் vs டெல்லி டேர்டெவில்ஸ் (ஐபிஎல் 2013): இரு அணிகளும் 152 ரன்கள் எடுத்தன. ஆர்சிபி முதலில் சூப்பர் ஓவரில் விளையாடி 15 ரன்களை இலக்காக நிர்ணயித்தது. டெல்லி டேர்டெவில்ஸ் 11 ரன்கள் மட்டுமே எடுத்தது, ஆர்சிபி வெற்றி பெற்றது.

4. சன்ரைசர்ஸ் ஹைதராபாத் vs ராயல் சேலஞ்சர்ஸ் பெங்களூர் (ஐபிஎல் 2013): இரு அணிகளும் 130 ரன்கள் எடுத்தன. சன்ரைசர்ஸ் ஹைதராபாத் 21 ரன்களை இலக்காக நிர்ணயித்தது. ஆர்சிபி 15 ரன்கள் மட்டுமே எடுத்து தோல்வியடைந்தது.

5. ராஜஸ்தான் ராயல்ஸ் vs கொல்கத்தா நைட் ரைடர்ஸ் (ஐபிஎல் 2014): 152 ரன்கள் சமநிலையில் முடிந்த பிறகு, ராஜஸ்தான் ராயல்ஸ் 12 ரன்களை இலக்காக நிர்ணயித்தது. கே.கே.ஆர் 11 ரன்கள் மட்டுமே எடுத்து தோல்வியடைந்தது.

6. ராஜஸ்தான் ராயல்ஸ் vs கிங்ஸ் லெவன் பஞ்சாப் (ஐபிஎல் 2015): இரு அணிகளும் 191 ரன்கள் எடுத்தன. கிங்ஸ் லெவன் பஞ்சாப் 16 ரன்களை இலக்காக நிர்ணயித்தது. ராஜஸ்தான் ராயல்ஸ் 6 ரன்கள் மட்டுமே எடுத்து தோல்வியடைந்தது.

7. மும்பை இந்தியன்ஸ் vs குஜராத் லயன்ஸ் (ஐபிஎல் 2017): இரு அணிகளும் 153 ரன்கள் எடுத்தன. மும்பை இந்தியன்ஸ் முதலில் சூப்பர் ஓவரில் விளையாடி 12 ரன்களை இலக்காக நிர்ணயித்தது. குஜராத் லயன்ஸ் 6 ரன்கள் மட்டுமே எடுத்து தோல்வியடைந்தது.

8. டெல்லி கேப்பிடல்ஸ் vs கொல்கத்தா நைட் ரைடர்ஸ் (ஐபிஎல் 2019): இரு அணிகளும் 185 ரன்கள் எடுத்தன. டெல்லி கேப்பிடல்ஸ் 11 ரன்களை இலக்காக நிர்ணயித்தது. கொல்கத்தா அணி 7 ரன்கள் மட்டுமே எடுத்து தோல்வியடைந்தது.

9. மும்பை இந்தியன்ஸ் vs சன்ரைசர்ஸ் ஹைதராபாத் (ஐபிஎல் 2019): இரு அணிகளும் 162 ரன்கள் எடுத்தன. மும்பை இந்தியன்ஸ் முதலில் சூப்பர் ஓவரில் விளையாடி 9 ரன்களை இலக்காக நிர்ணயித்தது. சன்ரைசர்ஸ் ஹைதராபாத் 8 ரன்கள் மட்டுமே எடுத்து தோல்வியடைந்தது.

10. டெல்லி கேப்பிடல்ஸ் vs கிங்ஸ் லெவன் பஞ்சாப் (ஐபிஎல் 2020): இரு அணிகளும் 157 ரன்கள் எடுத்தன. கிங்ஸ் லெவன் பஞ்சாப் 3 ரன்களை இலக்காக நிர்ணயித்தது. டெல்லி கேப்பிடல்ஸ் 4 ரன்கள் எடுத்து வெற்றி பெற்றது.

11. ராயல் சேலஞ்சர்ஸ் பெங்களூர் vs மும்பை இந்தியன்ஸ் (ஐபிஎல் 2020): 201 ரன்கள் சமநிலையில் முடிந்த பிறகு, ஆர்சிபி 8 ரன்களை இலக்காக நிர்ணயித்தது. மும்பை இந்தியன்ஸ் 7 ரன்கள் மட்டுமே எடுத்து தோல்வியடைந்தது.

12. கொல்கத்தா நைட் ரைடர்ஸ் vs சன்ரைசர்ஸ் ஹைதராபாத் (ஐபிஎல் 2020): இரு அணிகளும் 163 ரன்கள் எடுத்தன. கொல்கத்தா நைட் ரைடர்ஸ் 3 ரன்களை இலக்காக நிர்ணயித்தது. சன்ரைசர்ஸ் ஹைதராபாத் 2 ரன்கள் மட்டுமே எடுத்து தோல்வியடைந்தது.

13. மும்பை இந்தியன்ஸ் vs கிங்ஸ் லெவன் பஞ்சாப் (ஐபிஎல் 2020): ஐபிஎல் வரலாற்றில் மிக பரபரப்பான போட்டிகளில் ஒன்றாக இது அமைந்தது. இரு அணிகளும் 176 ரன்கள் எடுத்தன. முதல் சூப்பர் ஓவரும் சமநிலையில் முடிந்ததால், இரண்டாவது சூப்பர் ஓவர் நடத்தப்பட்டது. மும்பை இந்தியன்ஸ் 12 ரன்களை இலக்காக நிர்ணயித்தது. கிங்ஸ் லெவன் பஞ்சாப் வெற்றிகரமாக துரத்தி வெற்றி பெற்றது.

14. டெல்லி கேப்பிடல்ஸ் vs சன்ரைசர்ஸ் ஹைதராபாத் (ஐபிஎல் 2021): இரு அணிகளும் 159 ரன்கள் எடுத்தன. டெல்லி கேப்பிடல்ஸ் 8 ரன்களை இலக்காக நிர்ணயித்தது. சன்ரைசர்ஸ் ஹைதராபாத் 7 ரன்கள் மட்டுமே எடுத்து தோல்வியடைந்தது.

2021-ஆம் ஆண்டில் சூப்பர் ஓவருக்குப் பிறகு, கடந்த மூன்று ஐபிஎல் சீசன்களில் ஒரு சூப்பர் ஓவர் கூட நிகழவில்லை.