LSG vs DC-யாருப்பா நீங்க? 65-5 எடுத்து தடுமாறிய டெல்லி! போட்டியை தலைக் கீழ் மாறிய ஆஸ்டோஷ்..DC வெற்றி

விசாகப்பட்டினம் : ஐபிஎல் 2025 ஆம் ஆண்டு சீசனில் லக்னோ அணிக்கு எதிரான லீக் ஆட்டத்தில் டெல்லி அணி ஒரு விக்கெட் வித்தியாசத்தில் திரில் வெற்றி பெற்றது. விசாகப்பட்டினத்தில் நடைபெற்ற இந்த ஆட்டத்தில் டாஸ் வென்ற டெல்லி அணி முதலில் பந்துவீச்சை தேர்வு செய்தது.

இதனை அடுத்து களமிறங்கிய லக்னோ அணியில் தொடக்க வீரர் மார்க்கரம் 15 ரன்களில் ஆட்டம் இழக்க, இரண்டாவது விக்கெட்டுக்கு ஜோடி சேர்ந்த மிட்செல் மார்ஷ், பூரான் ஆகியோர் அபாரமாக விளையாடி ரன்களை குவித்தனர். இந்த ஜோடியை பிரிக்க முடியாமல் டெல்லி வீரர்கள் தடுமாறினர்.

மிச்சல் மார்ஸ் 36 பந்துகளில் 72 ரன்கள் குவித்தார். இதில் ஆறு பவுண்டரிகளும், ஆறு சிக்ஸர்களும் அடங்கும். நிக்கோலஸ் பூரான் 30 பந்துகளில் 75 ரன்கள் எடுத்தார். அதே போன்று டேவிட் மில்லர் 19 பந்துகளில் 27 ரன்கள் எடுக்க மற்ற வீரர்கள் சொற்ப ரன்களில் ஆட்டம் இழந்தனர். இதனால் லக்னோ அணி 20 ஓவர் முடிவில் எட்டு விக்கெட் இழப்பிற்கு 209 ரன்கள் எடுத்தது.

டெல்லி பந்துவீச்சு தரப்பில் மிட்செல் ஸ்டார்க் மூன்று விக்கெட்டுகளையும், குல்தீப் யாதவ் இரண்டு விக்கெட்டுகளையும் கைப்பற்றினர். இதனை அடுத்து டெல்லி அணி 212 ரன்கள் எடுத்தால் வெற்றி என்ற கடின இலக்குடன் களமிறங்கியது. தொடக்க வீரராக விளையாடிய ஜேக் பிரேசர் ஒரு ரன்னிலும் அபிஷேக் போரெல் டக்அவுட் ஆகவும் சமீர் ரிஷி நான்கு ரன்களிலும் ஆட்டம் இழந்தனர்.

இதனால் டெல்லி அணி ஏழு ரன்கள் எடுப்பதற்குள் மூன்று விக்கெட்டுகளை இழந்து தடுமாறியது. இதனை அடுத்து டுபிளசிஸ் மற்றும் கேப்டன் அக்சர் பட்டேல் ஆகியோர் பொறுப்பாக விளையாடிய ரன்களை சேர்த்தனர். ஓரளவுக்கு அதிரடி காட்டத் தொடங்கிய அக்சர் பட்டேல் 11 பந்துகளில் 22 ரன்கள் எடுத்த நிலையில் ஆட்டம் இழந்தார்.

டுபிளசிஸ் 29 ரன்களில் வெளியேற டெல்லி அணி 113 ரன்களுக்கு ஆறு விக்கெட்டுகளை இழந்து தடுமாறியது. டெல்லி அணியின் தோல்வி உறுதி என எதிர்பார்த்த நிலையில் இம்பேக்ட் வீரராக களம் இறங்கிய ஆஸ்டோஷ் சர்மா லக்னோவின் பந்துவீச்சை சுளுக்கு எடுத்தார். இவருக்கு விபராஜ் நிகம் நல்ல துணை நிற்க, இருவரும் ஜோடி சேர்ந்து லக்னோவின் பந்துவீச்சை சுக்குநூறாக உடைத்தனர்.

இதனால் லக்னோ ஸ்கோர் கிடுகிடுவென உயர்ந்தது. ஒரு கட்டத்தில் கடைசி மூன்று ஓவரில் 39 ரன்கள் தேவைப்பட்டது. அப்போது ஆஸ்டோஸ் சர்மா இரண்டு சிக்ஸர், ஒரு பவுண்டரி என 18 ரன்களை எடுத்தார். இதனால் இலக்கு 12 பந்துகளுக்கு 22 ரன்கள் என மாறியது. 19 வது ஓவரில் இரண்டு பவுண்டரி ஒரு சிக்சர் என டெல்லி அடிக்க கடைசி ஓவரில் வெறும் ஆறு ரன்கள் தான் தேவைப்பட்டது.இதில் மூன்றாவது பந்தில் ஆஸ்டோஷ் சர்மா சிக்சர் அடிக்க டெல்லி அணி ஒரு விக்கெட் வித்தியாசத்தில் திரில் வெற்றி பெற்றது.