IPL 2026: சிஎஸ்கே வீரர் அகில் ஹூசைன் வெறித்தன பவுலிங்.. ரசிகர்களை கவர்ந்த மாஸ்க் கொண்டாட்டம்

மும்பை: மும்பை இந்தியன்ஸுக்கு எதிரான ஐபிஎல் 2026 போட்டியில், சென்னை சூப்பர் கிங்ஸ் அணியின் சுழற்பந்து வீச்சாளர் அகீல் ஹுசைன், அபாரமாக பந்துவீசி 17 ரன்களை விட்டு கொடுத்து 4 விக்கெட்டுகடிள கைப்பற்றினார். வான்கடே ஸ்டேடியத்தில் நடந்த இந்த ஆட்டத்தில், இடது கை சுழற்பந்து வீச்சாளர் நமன் திர்ரை மூன்று பந்துகளில் டக் அவுட்டாக்கி, தனது வழக்கமான மாஸ்க் கொண்டாட்டத்தை வெளிப்படுத்தினார்.

மும்பை இந்தியன்ஸ் 200 ரன்களுக்கு மேல் இலக்கை துரத்தி வந்த நிலையில், மூன்றாவது ஓவரில் நமன் தீர் விக்கெட் விழுந்தது. 90.6 கிமீ வேகத்தில் மிடில் மற்றும் லெக் ஸ்டம்பிற்கு அருகே வீசப்பட்ட பந்து, பிட்ச் ஆன பிறகு நேராகச் சென்றது. இதனால் திர் ஏமாந்து, பந்து ஸ்டம்பின் மேல் தாக்கி வெளியேறினார். இந்த விக்கெட்டின் மூலம் மும்பை இந்தியன்ஸ் 11 ரன்களுக்கு 3 விக்கெட்டுகளை இழந்து திணறியது.

அகீல் ஹுசைன் நமன் திர் விக்கெட்டை வீழ்த்தியதுடன் மட்டுமல்லாமல், ஒரு மெய்டன் ஓவரையும் வீசினார். 32 வயதான அவர், இதற்கு முன் டெல்லி கேபிடல்ஸுக்கு எதிராக 0/20 மற்றும் கொல்கத்தா நைட் ரைடர்ஸுக்கு எதிராக 1/26 என்ற அளவில் விக்கெட்டை வீழ்ந்தார். சூப்பர் கிங்ஸ் அகீல் ஹுசைனை 2026 ஏலத்தில் அவரின் அடிப்படை விலையான ₹2 கோடிக்கு வாங்கியது.

அகீல் ஹுசைன் இரண்டு முக்கியமான விக்கெட்டுகளை வீழ்த்தி, 207 ரன்கள் கொண்ட இலக்கைப் பேட்டிங்கிற்குச் சாதகமான வான்கடே ஸ்டேடியத்தில் தற்காக்கும் பணியில் சென்னை சூப்பர் கிங்ஸ் அணிக்கு ஒரு சிறந்த தொடக்கத்தை வழங்கினார். அவர் நமன் திர்ரை மட்டுமல்லாமல், டேனிஷ் மாலேவாரையும் டக் அவுட்டாக்கினார். இதற்கிடையில், முகேஷ் சவுத்ரி, குயின்டன் டி காக்கின் முக்கியமான விக்கெட்டை 7 ரன்களுக்கு வீழ்த்தினார்.

இதே போன்று சூர்யகுமார் 30 பந்துகளில் 35 ரன்கள் எடுத்த நிலையில், அகில் ஹூசைன் பந்துவீச்சில் ஆட்டமிழந்தார். அப்போது மீண்டும் அகில் ஹூசைனும், நூர் அஹமதும் முகத்தில் மீண்டும் கை வைத்து மாஸ்க் கொண்டாட்டத்தில் ஈடுபட்டனர். முன்னதாக, முதலில் பேட் செய்த சென்னை சூப்பர் கிங்ஸ், 20 ஓவர்களில் 6 விக்கெட்டுகளை இழந்து 207 ரன்கள் குவித்தது. தொடக்க வீரர் சஞ்சு சாம்சன் 54 பந்துகளில் 101 ரன்கள் அடித்து கடைசி வரை ஆட்டமிழக்காமல் இருந்தார்.