IPL 2026 ஏலத்தில் லக்னோ சூப்பர் ஜெயண்ட்ஸ் வாங்கிய வீரர்கள் மற்றும் முழு அணி லிஸ்ட்.. பண்ட் படை தயார்

அபுதாபி: ஐபிஎல் 2026 தொடருக்கான மினி ஏலம் ஐக்கிய அரபு அமீரகத்தில் உள்ள அபுதாபியில் நடைபெற்றது. இந்த ஏலத்தில் லக்னோ சூப்பர் ஜெயண்ட்ஸ் (LSG) அணி வாங்கிய வீரர்கள் மற்றும் முழுமையான அணி விவரங்களை இங்கே காண்போம்.

ரிஷப் பண்ட் தலைமையில் களம் காணும் லக்னோ சூப்பர் ஜெயண்ட்ஸ் அணி, இந்த மினி ஏலத்தில் ரூ.22.95 கோடி கையிருப்புடன் நுழைந்தது. அணியின் பந்துவீச்சுத் துறையை வலுப்படுத்தும் நோக்கில் செயல்பட்ட லக்னோ நிர்வாகம், சில முக்கிய வெளிநாட்டு வீரர்களை மிகக்குறைந்த விலையில் வாங்கி ஆச்சரியப்படுத்தியுள்ளது.

லக்னோ அணியின் முதல் தேர்வாக இலங்கை சுழற்பந்து வீச்சு ஆல்-ரவுண்டர் வனிந்து ஹசரங்கா அமைந்தார். ரவி பிஷ்னாய் விடுவிக்கப்பட்ட நிலையில், அந்த இடத்தை நிரப்ப ஹசரங்காவை அவரது அடிப்படை விலையான ரூ.2 கோடிக்கு லக்னோ வாங்கியது. இவரை வாங்க வேறு எந்த அணியும் போட்டியிடாதது லக்னோவுக்கு லாபமாக அமைந்தது.

அதேபோல், தென்னாப்பிரிக்காவின் அசுர வேகப்பந்து வீச்சாளர் ஆன்ரிச் நோர்ட்ஜேவை வெறும் ரூ.2 கோடி அடிப்படை விலையில் வாங்கியது இந்த ஏலத்தின் சிறந்த தேர்வாக கருதப்படுகிறது. 150 கி.மீ வேகத்தில் பந்துவீசக்கூடிய இவர் கொல்கத்தா நைட் ரைடர்ஸ் அணியால் விடுவிக்கப்பட்டவர்.

உள்ளூர் வீரருக்கு ஜாக்பாட்

சர்வதேச வீரர்களைக் குறைந்த விலையில் வாங்கிய லக்னோ, உள்ளூர் வீரரான விக்கெட் கீப்பர் பேட்ஸ்மேன் முகுல் சவுத்ரிக்கு பெரிய தொகையைச் செலவிட்டது. மும்பை இந்தியன்ஸ் அணியுடன் போட்டி போட்டு, 30 லட்சம் அடிப்படை விலை கொண்ட இவரை ரூ.2.60 கோடிக்கு லக்னோ தட்டித் தூக்கியது.

லக்னோ சூப்பர் ஜெயண்ட்ஸ் (LSG) அணியின் முழு விவரம்:

ஏலத்தில் வாங்கப்பட்ட வீரர்கள்:

வனிந்து ஹசரங்கா - ₹2 கோடி
ஆன்ரிச் நோர்ட்ஜே - ₹2 கோடி
முகுல் சவுத்ரி - ₹2.60 கோடி
நமன் திவாரி - ₹1 கோடி
அக்ஷத் ரகுவன்ஷி - ₹2.20 கோடி

ஜோஷ் இங்கிலிஸ் - ₹8.60 கோடி

தக்கவைக்கப்பட்ட மற்றும் டிரேட் செய்யப்பட்ட வீரர்கள் (Retained Squad):

ரிஷப் பண்ட் (கேப்டன்)
நிக்கோலஸ் பூரன்
எய்டன் மார்க்ரம்
மிட்செல் மார்ஷ்
முகமது ஷமி (SRH-ல் இருந்து டிரேட் செய்யப்பட்டவர்)
அர்ஜுன் டெண்டுல்கர் (MI-ல் இருந்து டிரேட் செய்யப்பட்டவர்)
மயங்க் யாதவ்
ஆவேஷ் கான்
மொஹ்சின் கான்
அப்துல் சமத்
ஆயுஷ் பதோனி
மேத்யூ பிரீட்ஸ்கே
ஹிம்மத் சிங்
ஷபாஸ் அகமது
அர்ஷின் குல்கர்னி
மணிமாறன் சித்தார்த்
திக்வேஷ் ரதி
பிரின்ஸ் யாதவ்
ஆகாஷ் சிங்

அணியிலிருந்து விடுவிக்கப்பட்ட முக்கிய வீரர்கள்:

ரவி பிஷ்னாய், டேவிட் மில்லர், ஷர்துல் தாக்கூர் (மும்பை அணிக்கு டிரேட் செய்யப்பட்டார்), ஆகாஷ் தீப், ஷமர் ஜோசப், ஆர்யன் ஜூயல், யுவராஜ் சவுத்ரி, ராஜ்வர்தன் ஹங்கர்கேகர்.