ஆர்சிபி கிடையாது.. இந்த அணி தான் ஐபிஎல் 2026 கோப்பையை வெல்லும்.. அக்சர் பட்டேல் கருத்து

கொல்கத்தா: 2026 ஐபிஎல் பிளேஆஃப் சுற்றுக்கு முன்னதாக, டெல்லி கேப்பிடல்ஸ் அணியின் கேப்டன் அக்சர் படேல், இந்த ஆண்டு ஐபிஎல்கோப்பையை வெல்லும் அணி குறித்த தனது கணிப்பை வெளியிட்டுள்ளார்.நடப்புச் சாம்பியன் ராயல் சேலஞ்சர்ஸ் பெங்களூரு, 2022 சாம்பியன் குஜராத் டைட்டன்ஸ் அணிகள் மே 26 செவ்வாய்க்கிழமை தர்மசாலாவில் முதல் குவாலிபையரில் மோதுகின்றன.

மே 27 புதன்கிழமை அன்று, 2016 சாம்பியன் சன்ரைசர்ஸ் ஹைதராபாத் (எஸ்ஆர்ஹெச்) மற்றும் முதல் ஐபிஎல் சாம்பியன் ராஜஸ்தான் ராயல்ஸ் (ஆர்ஆர்) அணிகள் நியூ சண்டிகரில் உள்ள முல்லன்பூரில் எலிமினேட்டர் சுற்றில் சந்திக்கின்றன.

முதல் தகுதிச்சுற்றில் வெற்றி பெறும் அணி நேரடியாக இறுதிப்போட்டிக்குச் செல்லும். தோல்வியுறும் அணி, எலிமினேட்டர் சுற்றில் வெற்றி பெறும் அணியுடன் மே 29 வெள்ளிக்கிழமை அன்று நியூ சண்டிகரில் நடைபெறும் இரண்டாவது தகுதிச்சுற்றில் மோதும். இதில் வெற்றி பெறும் அணி ஐபிஎல் 2026 இறுதிப்போட்டிக்குத் தகுதிபெறும். இறுதிப்போட்டி மே 31 ஞாயிற்றுக்கிழமை அன்று அகமதாபாத்தில் உள்ள நரேந்திர மோடி மைதானத்தில் நடைபெறுகிறது.

IPL 2026: ஹர்திக் பாண்டியா கேப்டன்ஷி சரியில்லை.. மும்பை தோல்விக்கு குறித்து கோட்ச் பொலார்ட் தடாலடி

மே 24 அன்று ஈடன் கார்டனில் கொல்கத்தா நைட் ரைடர்ஸ் அணியை டெல்லி கேப்பிடல்ஸ் 40 ரன்கள் வித்தியாசத்தில் வீழ்த்திய பிறகு, அக்சர் படேலிடம் பிளேஆஃப்களில் வலிமையான அணி குறித்து கேட்கப்பட்டது.

இதற்கு பதில் அளித்த அவர், "எஸ்ஆர்ஹெச் அணி மிகவும் வலிமையாகத் தெரிகிறது. அவர்களின் முதல் மூன்று பேட்டர்கள் ரன்களைக் குவிக்கும் போது, அந்த அணியைத் தடுப்பது மிகவும் கடினம். எனவே, நான் எஸ்ஆர்ஹெச் அணியைத் தேர்ந்தெடுக்கிறேன்," என்று அக்சர் படேல் தெரிவித்தார்.

நடப்பு ஐபிஎல் லீக் சுற்றில், எஸ்ஆர்ஹெச் 18 புள்ளிகளுடன் (9 வெற்றி, 5 தோல்வி) மூன்றாவது இடத்தைப் பிடித்தது. ஆர்சிபி மற்றும் ஜிடி அணிகளுடன் ஒப்பிடுகையில் குறைவான நிகர ஓட்ட விகிதம் (NRR) காரணமாகவே இவர்களுக்கு மூன்றாவது இடம் கிடைத்தது.

ஹைதராபாத் அணிக்காக, ஹென்ரிச் கிளாசன், இஷான் கிஷன் மற்றும் அபிஷேக் சர்மா ஆகிய மூன்று பேட்டர்கள் நடப்பு சீசனில் 500 ரன்களுக்கும் மேல் குவித்து அசத்தியுள்ளனர். எஸ்ஆர்ஹெச்-ன் கடைசி லீக் போட்டியிலும் (மே 22) ஆர்சிபிக்கு எதிராக ராஜீவ் காந்தி மைதானத்தில் இந்த மூவரும் அரைசதங்கள் அடித்து, 55 ரன்கள் வித்தியாசத்தில் அணி வெற்றிபெற உதவினர். ஆஸ்திரேலியாவின் டிராவிஸ் ஹெட்டும் ஒரு முக்கிய வீரராகத் திகழ்கிறார்.

IPL 2026 பிளே ஆஃப் சுற்று அட்டவணை விவரம்.. யார் எந்த அணியுடன் மோதுகிறார்கள்? எலிமினேட்டர் எப்போது?

பந்துவீச்சில், கேப்டன் கம்மின்ஸ், இலங்கை வீரர் இஷான் மலிங்கா மற்றும் அறிமுகமில்லாத இந்திய வேகப்பந்து வீச்சாளர் சகிப் ஹுசைன் ஆகியோர் முக்கியப் பங்காற்றுவார்கள்.சகிப் ஹுசைன், ஏப்ரல் 13, 2026 அன்று ராஜஸ்தான் ராயல்ஸ் அணிக்கு எதிராக ஐபிஎல் அறிமுகமானார். தனது முதல் 10 ஐபிஎல் போட்டிகளில் ஒவ்வொன்றிலும் குறைந்தபட்சம் ஒரு விக்கெட்டாவது வீழ்த்தி, ஐபிஎல் வரலாற்றில் இச்சாதனையை நிகழ்த்திய முதல் வீரர் ஆவார்.