IPL 2026: 28 பந்தில் சதம் அடித்த வீரரை களமிறக்க போகும் சிஎஸ்கே.. தோனி, ருதுராஜின் மாஸ்டர் பிளான்

மும்பை: சென்னை சூப்பர் கிங்ஸ் அணிக்கு பெரும் பின்னடைவாக, அதன் அதிரடி பேட்ஸ்மேன் ஆயுஷ் மத்ரே காயம் காரணமாக விலகியுள்ளார். கடந்த ஏப்ரல் 18 அன்று சன்ரைசர்ஸ் ஹைதராபாத்துக்கு எதிரான போட்டியில் அவருக்கு காயம் ஏற்பட்டது. இந்த சூழலில் வியாழக்கிழமை வான்கடே மைதானத்தில் நடைபெறும் முக்கியப் போட்டியில் மும்பை இந்தியன்ஸை சென்னை எதிர்கொள்கிறது.

ஐபிஎல் 2026 தொடரில் புள்ளிப்பட்டியலின் கடைசி இடங்களுக்கான இந்தப் போட்டி, இரு அணிகளுக்கும் மிக முக்கியத்துவம் வாய்ந்தது. ஐந்து முறை சாம்பியன்கள், தங்கள் ப்ளேஆஃப் கனவுகளை உயிர்ப்புடன் வைத்திருக்க இந்த மோதலில் கட்டாயம் வெல்ல வேண்டும்.

மாத்ரேவுக்குப் பதிலாக, சென்னை அணி அதே போன்ற மாற்று வீரரை களமிறக்க முனைப்புடன் உள்ளது. காயம் ஏற்படும் முன் சிறப்பாக செயல்பட்ட யு19 உலகக் கோப்பை வென்ற கேப்டன் மாத்ரேவின் இடத்திற்கு உர்வில் பட்டேலைத் தேர்வு செய்யலாம். 2025ல் சிஎஸ்கேவால் வாங்கப்பட்ட டாப்-ஆர்டர் பேட்ஸ்மேனான உர்வில் கடந்த ஆண்டு கேகேஆருக்கு எதிராக அறிமுகப் போட்டியில் தனது திறமையை வெளிப்படுத்தியிருந்தார்.

உர்வில் பட்டேலுடன், சென்னை அணிக்கு இரண்டு விலையுயர்ந்த புதுமுகங்களான கார்த்திக் ஷர்மா மற்றும் பிரசாந்த் வீரும் மாற்றுத் தேர்வுகளாக உள்ளனர். ஏலத்தில் பெரும் தொகைக்கு வாங்கப்பட்ட இவர்கள், இந்த சீசனில் சிஎஸ்கேவில் களமிறங்கியிருந்தாலும், எதிர்பார்த்தபடி சோபிக்கவில்லை.

நடப்பு சீசனில் மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் தலா ஆறு போட்டிகளில் விளையாடி, வெறும் நான்கு புள்ளிகளை மட்டுமே பெற்றுள்ளன. டாப்-4 இடத்திற்கான போட்டிக்கான வாய்ப்பு குறைந்தாலும், ப்ளேஆஃப் தகுதி பெற, ஐந்து முறை சாம்பியன்கள் இதை திருப்புமுனையாகக் கருதுகின்றன.

சென்னை அணி இம்முறை தொடக்கத்திலேயே ராஜஸ்தான் ராயல்ஸ், பஞ்சாப் கிங்ஸ், பெங்களூருவுக்கு எதிராக மூன்று தொடர் தோல்விகளைச் சந்தித்தது. பின்னர் டெல்லி கேபிடல்ஸ், கொல்கத்தா நைட் ரைடர்ஸ் அணிகளுக்கு எதிரான வெற்றிகள் புத்துணர்ச்சி அளித்தன. ஆனால், ஹைதராபாத்தில் ஏற்பட்ட தோல்வி, அவர்களின் வேகத்தைத் தடுத்து நிறுத்தியது.

மறுபுறம், மும்பை இந்தியன்ஸ் அணி கொல்கத்தா நைட் ரைடர்ஸ் அணியை வென்று சீசனைத் தொடங்கியது. எனினும், அதைத் தொடர்ந்து டெல்லி கேபிடல்ஸ், ராஜஸ்தான் ராயல்ஸ், பெங்களூரு மற்றும் பஞ்சாப் கிங்ஸுக்கு எதிராக தோல்வியைத் தழுவியது. குஜராத் டைட்டன்ஸ் அணிக்கு எதிரான வெற்றியின் மூலம் தங்கள் இரண்டாவது வெற்றியைப் பதிவு செய்து, மீண்டு வரும் முனைப்பில் உள்ளது.