IPL 2026: ருதுராஜ் ஃபார்ம்க்கு திரும்பிவிட்டார்.. சிஎஸ்கே மெல்ல அபாயகரமான அணியாக மாறுகிறது- அஸ்வின்

மும்பை: ஐபிஎல் 2026 சீசனில் சென்னை சூப்பர் கிங்ஸ் கேப்டன் ருதுராஜ் கெய்க்வாட் மீண்டும் தமது அதிரடி ஃபார்மை பெறத் தொடங்கியுள்ளார். இது குறித்து முன்னாள் இந்திய சுழற்பந்து வீச்சாளர் ரவிச்சந்திரன் அஸ்வின் ஒரு கணிப்பை வெளியிட்டுள்ளார். ஒவ்வொரு போட்டியையும் கடந்து செல்லும் நிலையில், சிஎஸ்கே அணி மிகவும் அபாயகரமானதாக மாறி வருகிறது என்று அவர் தெரிவித்துள்ளார்.

உள்நாட்டு மற்றும் ஃபிரான்சைஸ் கிரிக்கெட்டில் நிலையான ஆட்டத்திற்காக அறியப்பட்ட கெய்க்வாட், ஐபிஎல் 2026 தொடரின் ஆரம்ப ஏழு போட்டிகளில் தடுமாறினார். அப்போது அதிகபட்சம் 28 ரன்களுடன் அவர் மொத்தம் 104 ரன்கள் மட்டுமே எடுத்திருந்தார். இது ரசிகர்கள் மத்தியில் கவலையை ஏற்படுத்தியது.

எனினும், அவரது சிறப்பான ஆட்டத்திற்கான அறிகுறிகள் கடந்த ஞாயிற்றுக்கிழமை குஜராத் டைட்டன்ஸுக்கு எதிரான ஆட்டத்தில் வெளிப்பட்டன. அந்தப் போட்டியில் அவர் 60 பந்துகளில் 74 ரன்கள் எடுத்து ஆட்டமிழக்காமல் களத்தில் நின்றார். இந்த ஆட்டம் அவரது ஃபார்ம்க்கு ஒரு முக்கிய திருப்புமுனையாக அமைந்தது.

அந்த ஆட்டத்தில் பெற்ற வேகத்துடன், சனிக்கிழமை நடந்த மும்பை இந்தியன்ஸுக்கு எதிரான போட்டியிலும் கெய்க்வாட் திறம்படத் தொடர்ந்தார். அவர் 48 பந்துகளில் 67 ரன்கள் எடுத்து அமைதியான ஆட்டத்தை வெளிப்படுத்த, சிஎஸ்கே எட்டு விக்கெட் வித்தியாசத்தில் வென்றது. எம். ஏ. சிதம்பரம் ஸ்டேடியத்தில் மும்பை இந்தியன்ஸ் மீது சிஎஸ்கே லீக் இரட்டை வெற்றியைப் பதிவு செய்தது.

இது குறித்து பேசிய அஸ்வின், "அவரது ஃபார்ம் பற்றி எல்லோரும் பேசிக்கொண்டிருந்தனர். இந்த இன்னிங்ஸ் முந்தைய ஆட்டத்தின் மூலம் வந்தது.. அது ஒரு சவாலான ஆடுகளத்தில். செலவிட்ட நேரமும், அவர் ஆடிய விதமும் வைபவ் சூர்யவன்ஷி அல்லது அபிஷேக் சர்மா போன்றவர்களுடன் ஒப்பிட முடியாது," என்றார்.

"இது போன்ற விக்கெட்டுகளில் இப்படித்தான் விளையாட வேண்டும். ருதுராஜ் இந்தப் போட்டியில் சிறந்த வேகத்துடன் ஆடி, களத்தின் நிலைமைகளையும் நன்றாகப் புரிந்துகொண்டார். அவரது பங்கு முக்கியமானது."

"சிஎஸ்கே ஒன்று அல்லது இரண்டு விக்கெட்டுகளை இழந்திருந்தால், பேட்டிங் வரிசையில் அழுத்தம் கூடியிருக்கும். அவர் பொறுப்பேற்று விளையாடிய விதத்தால், சிஎஸ்கே ஒவ்வொரு போட்டியிலும் மேலும் ஆபத்தானதாக மாறி வருகிறது," என அஷ்வின் தனது கருத்தை தெரித்தார்.

மறுபுறம், மும்பை இந்தியன்ஸ் ஒரு நல்ல தொடக்கத்திற்குப் பிறகு சரிந்து, 159 ரன்களுக்கு 7 விக்கெட்டுகளை இழந்தது. அதிகபட்சமாக நமன் தீர் 57 ரன்கள் அடித்தார். ஆனால், அவர்களின் நடு வரிசை மீண்டும் தடுமாறி, அமைக்கப்பட்ட அடித்தளத்தைப் பயன்படுத்திக்கொள்ளத் தவறியது.

சிஎஸ்கேயின் பந்துவீச்சில் அன்ஷுல் கம்போஜ் 32 ரன்களுக்கு 3 விக்கெட்டுகளை வீழ்த்தி அசத்தினார். நூர் அகமது மற்றும் ஜேமி ஓவர்டன் ஆகியோர் மத்திய ஓவர்களில் நிலையான அழுத்தத்தைப் பிரயோகித்து, மும்பையின் ரன் வேகத்தைக் கட்டுப்படுத்தினர்.

இந்த இலக்கிற்கு பதிலளிக்கும் விதமாக, சிஎஸ்கே அதனை எளிதாகத் துரத்தியது. கேப்டன் ருதுராஜ் கெய்க்வாட் ஆட்டமிழக்காமல் 67* ரன்களும், கார்த்திக் ஷர்மா ஆட்டமிழக்காமல் 54* ரன்களும் எடுத்து அணியை வெற்றிப் பாதைக்கு அழைத்துச் சென்றனர்.

இந்த வெற்றி, அதன் பரம போட்டியாளர்களுக்கு எதிரான லீக் இரட்டை வெற்றியை உறுதிப்படுத்தியதுடன், மும்பை இந்தியன்ஸின் பிளேஆஃப் கனவுகளுக்கு ஒரு அடியாக அமைந்தது. அதே சமயம், சிஎஸ்கேயை பிளேஆஃப் ரேஸில் தன்னை உறுதியாக நிலைநிறுத்தியது.