CSK vs RR போட்டி மழையால் பாதிக்கப்பட வாய்ப்பு.. சிஎஸ்கே ரசிகர்களுக்கு ஏமாற்றம் தருமா முதல் போட்டி

கவுஹாத்தி: ஐபிஎல் 2026 தொடரின் பரபரப்பான லீக் போட்டியில், சென்னை சூப்பர் கிங்ஸ் அணி இன்று ராஜஸ்தான் ராயல்ஸை எதிர்கொள்கிறது. இந்த மோதல் ரசிகர்களிடையே எதிர்பார்ப்பை கிளப்பியுள்ளது.சென்னையின் சஞ்சு சாம்சன் தனது முன்னாள் அணியான ராஜஸ்தான் ராயல்ஸை முதன்முறையாக எதிர்கொள்வது இந்த சீசனின் உணர்வுபூர்வமான மோதலாகும். பத்தாண்டுகளுக்கும் மேலாக ராஜஸ்தான் கேப்டன் மற்றும் முக்கிய பேட்ஸ்மேனாக திகழ்ந்த சாம்சன், ரவீந்திர ஜடேஜாவுடன் டிரேட் மூலமாக சென்னைக்கு வந்தார்.

T20 உலகக் கோப்பையில் மூன்று அரை சதங்கள் அடித்து ஃபார்மில் உள்ள சாம்சன், கேப்டன் ருதுராஜ் கெய்க்வாட்டுடன் இன்னிங்ஸைத் தொடங்குவார். தோனி காயம் காரணமாக விலகியிருப்பதால், இந்த இணை சிஎஸ்கே தலைமையை ஏற்கும். பிரசாந்த் வீர், கார்த்திக் ஷர்மா, டேவால்ட் ப்ரெவிஸ், ஷிவம் டூபே போன்றோர் மிடில் ஆர்டரை வலுப்படுத்துவார்கள்.

நூர் அஹ்மத், அகீல் ஹுசைன், மேட் ஹென்றி, கலீல் அஹ்மத் கொண்ட பன்முக சிஎஸ்கே பவுலிங் பலம். சாம்சன் வெளியேறிய பிறகு, ரியான் பராக் தலைமையில் ராஜஸ்தான் புதிய சகாப்தம் காண்கிறது. ஜடேஜா வந்தாலும், ஃபினிஷிங் திறன் கவலையளிக்கிறது.

IPL 2026: தோனிக்கு பதில் இன்று களமிறங்க போகும் மாற்று வீரர் யார்?வாய்ப்புக்காக காத்திருக்கும் 3 பேர்

ராஜஸ்தான் பேட்டிங் யஷஸ்வி ஜெய்ஸ்வால், ஷிம்ரான் ஹெட்மையர் மற்றும் இளம் சூர்யவன்ஷியை நம்பியுள்ளது. ஜோஃப்ரா ஆர்ச்சர் தலைமையிலான பந்துவீச்சில் நிலைத்தன்மை கேள்விக்குறி. 2025 சீசனின் மோசமான செயல்பாட்டிற்குப் பிறகு, இரு அணிகளும் மீண்டு வர இப்போட்டி அவசியம்.

IPL 2026: கேகேஆரை ஏமாற்றிய ஆஸி. வீரர்.. கொடுத்த பணத்தை திரும்பி வாங்கனும்.. EX. வீரர் கருத்து

குவஹாத்தியில் நடைபெறும் இப்போட்டிக்கு, திங்கட்கிழமை மாலை வானிலை வெப்பம், ஈரப்பதம், ஓரளவு மேகமூட்டத்துடன் இருக்கும். சுமார் 86% ஈரப்பதம், 25% மழைப்பொழிவுக்கான வாய்ப்பும் உள்ளதால், ஆட்டம் சிறிது நேரம் தடைபடலாம்.