IPL 2026: சிஎஸ்கே, மும்பை இந்தியன்ஸ் அணியின் அட்டவணை விவரம்

சென்னை: ஐந்து முறை சாம்பியனான சென்னை சூப்பர் கிங்ஸ் அணி, ஐபிஎல் 2026 தொடரில் புதிய உத்வேகத்துடன் களம் காணத் தயாராக உள்ளது. ருதுராஜ் கெய்க்வாட் தலைமையிலான இந்த அணி, மார்ச் 30 அன்று குவாஹாட்டியில் ராஜஸ்தான் ராயல்ஸுடன் தனது முதல் போட்டியில் மோதுகிறது.

கடந்த ஐபிஎல் 2025 சீசனில் அணி தனது வரலாற்றில் முதல் முறையாக புள்ளிப் பட்டியலில் கடைசி இடத்தைப் பிடித்தது. இந்த ஏமாற்றத்திற்குப் பிறகு, சென்னை இம்முறை வலுவாகத் திரும்பி, மீண்டும் தனது வெற்றியை நிலைநாட்ட ஆர்வமாக உள்ளது.

புதிய சீசனுக்காகச் சென்னை அணி சில முக்கிய மாற்றங்களைச் செய்துள்ளது. ரவீந்திர ஜடேஜா மற்றும் சாம் கரண் போன்ற முக்கிய வீரர்கள் வெளியேறிய நிலையில், ராஜஸ்தான் ராயல்ஸிலிருந்து சஞ்சு சாம்சன் அணியில் இணைக்கப்பட்டு பலப்படுத்தப்பட்டுள்ளது.CSK-விடம் அனுபவமிக்க மற்றும் இளம் வீரர்களைக் கொண்ட வலுவான பேட்டிங் யூனிட் உள்ளது. எனினும், பந்துவீச்சு சற்று அனுபவமற்றதாக இருப்பது கவலையை ஏற்படுத்தலாம்.

ஐபிஎல் 2026 தொடர் மார்ச் 28 அன்று தொடங்கவிருக்கும் நிலையில், சென்னையின் முதல் கட்ட போட்டி அட்டவணை இதோ: மார்ச் 30: ராஜஸ்தான் ராயல்ஸ் vs CSK (குவாஹாட்டி) – இரவு 7:30 ஏப்ரல் 3: CSK vs பஞ்சாப் கிங்ஸ் (சென்னை) – இரவு 7:30 ஏப்ரல் 5: RCB vs CSK (பெங்களூரு) – இரவு 7:30 ஏப்ரல் 11: CSK vs டெல்லி கேப்பிடல்ஸ் (சென்னை) - இரவு 7:30

CSK ஐபிஎல் 2026 வீரர்கள்: எம்.எஸ். தோனி (WK), ருதுராஜ் கெய்க்வாட் (C), சஞ்சு சாம்சன், ஆயுஷ் மகாத்ரே, டெவால்ட் ப்ரீவிஸ், சிவம் துபே, உர்வில் படேல், நூர் அஹ்மத், நாதன் எல்லிஸ், ஸ்ரேயாஸ் கோபால்.கலீல் அஹ்மத், ராமகிருஷ்ணா கோஷ், முகேஷ் சௌத்ரி, ஜாமி ஓவர்டன், குர்ஜப்நீத் சிங், அன்ஷுல் கம்போஜ், ஆகேல் ஹோசைன், பிரஷாந்த் வீர், கார்த்திக் சர்மா (WK), மேத்யூ ஷார்ட், அமன் கான், சர்பராஸ் கான், மேட் ஹென்றி, ராகுல் சாஹர், சாக் ஃபால்க்ஸ்.

இதே போன்று ஐந்து முறை ஐபிஎல் சாம்பியனான மும்பை இந்தியன்ஸ், ஐபிஎல் 2026 சீசனில் ஆறாவது பட்டத்தை வென்று புதிய சாதனை படைக்க ஆர்வமாக உள்ளது. 2020ஆம் ஆண்டுக்குப் பிறகு கோப்பையை வெல்லாத மும்பை அணி, இம்முறை அதனை முடிவுக்குக் கொண்டுவரத் தீவிரமாக உள்ளது.

ஹர்திக் பாண்டியா தலைமையில், MI 2025 சீசனில் சிறப்பாக விளையாடி பிளேஆஃப்களை எட்டியது. எனினும், எலிமினேட்டரில் பஞ்சாப் கிங்ஸ் அணியிடம் தோற்று கோப்பைக்கான வாய்ப்பை இழந்தது. டி காக், ஷெர்ஃபேன் ரூதர்ஃபோர்ட் போன்ற புதிய வீரர்களுடன் மும்பை, இந்த முறை மேலும் முன்னேற திட்டமிட்டுள்ளது.

மும்பை இந்தியன்ஸ் தனது ஹோம் போட்டிகளை வான்கடே மைதானத்தில் விளையாடும். ஐபிஎல் 2026க்கான மும்பை இந்தியன்ஸ் அணியின் அட்டவணை மார்ச் 29 கேகேஆர்க்குஎதிராக மும்பையில், ஏப்ரல் 4 டெல்லி கேபிட்டல்ஸ் அணிக்கு எதிராக டெல்லியில், ஏப்ரல் 7 ராஜஸ்தான் அணிக்கு எதிராக கவுஹாத்தியில், ஏப்ரல் 12 ஆர்சிபிக்கு எதிராக மும்பையில்.

MI ஐபிஎல் 2026 வீரர்கள்: ஹர்திக் பாண்டியா, ரோஹித் ஷர்மா, ஜஸ்பிரீத் பும்ரா, சூர்யகுமார் யாதவ், திலக் வர்மா, மிட்செல் சான்ட்னர், ட்ரென்ட் போல்ட், வில் ஜாக்ஸ், க்விண்டன் டி காக், ரியான் ரிக்கிள்டன், ஷர்துல் தாக்கூர், ஏ.எம். கசான்ஃபர்.அஸ்வினி குமார், கார்பின் போஷ், தீபக் சாஹர், மயாங்க் மார்க்கண்டே, நமன் திர், ரகு ஷர்மா, ராஜ் அங்கத் பாவா, ராபின் மின்ஸ், ஷெர்ஃபேன் ரூதர்ஃபோர்ட், டேனிஷ் மாலேவார், அதர்வா அங்கோலேகர், மயாங்க் ராவத், முகமது இஜ்ஹார்.