IPL 2026: சாம்சன் ஒரு மெர்சிடிஸ் பென்ஸ் போன்றவர்.. CSK இதை செய்தால் பலமான அணியாகி விடும்-ஸ்ரீகாந்த்

சென்னை: ஐபிஎல் 2026 தொடரில் சிஎஸ்கே, குஜராத் டைட்டன்ஸ் அணிகள் மோதும் ஆட்டம் குறித்து . முன்னாள் இந்திய கேப்டன் ஸ்ரீகாந்த் முக்கிய கருத்து ஒன்றை வெளியிட்டுள்ளார். இந்த ஆட்டத்தில் சென்னை அணியின் சுழற்பந்து வீச்சாளர் அகீல் ஹுசைன், குஜராத் கேப்டன் சுப்மன் கில்லை வீழ்த்துவார் என்று கணித்துள்ளார்.

நடப்பு சீசனில் CSK அணியில் இணைந்த அகீல் ஹுசைன் சிறப்பான பங்களிப்பை அளித்துள்ளார். அவர் பங்கேற்ற மூன்று போட்டிகளில் ஐந்து விக்கெட்டுகளை 12.60 சராசரியிலும், 6.30 எக்கானமியிலும் வீழ்த்தியுள்ளார். அவர் ஆடிய இந்த மூன்று ஆட்டங்களிலும் சென்னை அணி வெற்றிபெற்றுள்ளது, மற்ற நான்கு போட்டிகளில் தோல்வியடைந்துள்ளது.

மறுபுறம், சுப்மன் கில் இந்த சீசனில் குஜராத் டைட்டன்ஸ் அணியின் நம்பிக்கை நட்சத்திரமாகத் திகழ்கிறார். ஆறு இன்னிங்ஸ்களில் களமிறங்கியுள்ள அவர், கிட்டத்தட்ட 50 சராசரியுடன் 297 ரன்கள் குவித்துள்ளார். அவரது ஸ்ட்ரைக் ரேட் 149.24 ஆக உள்ளது.

அகீல் ஹுசைன்-கில் மோதல் குறித்துப் பேசிய ஸ்ரீகாந்த், "அகீல் ஒரு இம்பாக்ட் துணை வீரராக இருக்கக்கூடாது. நேரடியாக பிளேயிங் லெவனில் இருக்க வேண்டும். குஜராத் அணிக்கு எதிராக ஆட்டத்தைத் திருப்பும் முக்கிய பந்துவீச்சாளர் அவர்தான். கில்லை இன்சைட்-அவுட் கவர் ட்ரைவ் ஆட முயற்சிக்கும்போது அகீல் கிளீன் அப் செய்வார். CSK பவுலர்களிடமிருந்து GT-க்கு ஓய்வு கிடைக்காது."

தடுமாறும் கார்த்திக் சர்மாவுக்குப் பதிலாக உர்வில் பட்டை அணியில் சேர்க்க வேண்டும் என ஸ்ரீகாந்த் வலியுறுத்தினார். "உர்வில் பட்டேல் 3-ம் இடத்திலும், ப்ரெவிஸ் 4-ம் இடத்திலும், டூபே 5-ம் இடத்திலும், சரஃபராஸ் கான் 6-ம் இடத்திலும் பேட்டிங் செய்ய வேண்டும். CSK வலுவாகக் களமிறங்கும். பலவீனமாக இருந்த பந்துவீச்சு, இப்போது பலமாக மாறியுள்ளது" என்று அவர் நம்பிக்கை தெரிவித்தார்.

ஐபிஎல் 2026 சீசனின் தொடக்கத்தில் சென்னை அணி 0-3 என்ற பின்னடைவுடன் ஆரம்பித்தாலும், பின்னர் மீண்டு வந்துள்ளது. கடைசியாக விளையாடிய நான்கு போட்டிகளில் மூன்றில் வெற்றி பெற்று, பிளேஆஃப் சுற்றுக்கான வாய்ப்புகளைத் தக்கவைத்துக் கொண்டது.

முன்னாள் கேப்டன் ஸ்ரீகாந்த், CSK பேட்டிங் சஞ்சு சாம்சனை பெரிதும் நம்பியுள்ளது என பாராட்டினார். இந்த சீசனில் சாம்சனை சென்னை அணியின் முக்கிய பேட்டிங் தூண் என்று வர்ணித்தார். ஏழு போட்டிகளில் 58.60 சராசரியுடன் 293 ரன்களையும், 178.65 ஸ்ட்ரைக் ரேட்டையும் பதிவு செய்து, அவர் அணியின் முன்னணி ரன் குவிப்பாளராக உள்ளார்.

"CSK பேட்டிங் முழுதும் சஞ்சு சாம்சனைச் சார்ந்துள்ளது. அவர் ரோல்ஸ் ராய்ஸ் கே.எல். ராகுல் போல வித்தியாசமான கிளாஸில் இருக்கிறார். ராகுல் ரோல்ஸ் ராய்ஸ் என்றால், சஞ்சு ஒரு மெர்சிடிஸ் பென்ஸ் போல மிகவும் மென்மையாக இருப்பார். எதிரிகளை அழிக்கும் மெர்க் டாங்க் போல, அவர் வெவ்வேறு மட்டத்தில் விளையாடுகிறார்" என்று ஸ்ரீகாந்த் புகழ்ந்துரைத்தார்.

CSK கேப்டன் ருதுராஜ் கெய்க்வாட்டுக்கும் ஸ்ரீகாந்த் ஆலோசனைகளை வழங்கினார். "ருதுராஜ் தனது பலமான 'V’ பகுதிக்கு நேராக ஆட வேண்டும். தற்போது அவருக்கு எதுவும் சரியாக நடக்காவிட்டாலும், நேராக ஆடத் தொடங்கினால் அவர் ரன் குவிப்பார். GT அணிக்கு எதிரான போட்டியில் அவர் குறைந்தபட்சம் 50 ரன்களை எடுப்பார்" என்று ஸ்ரீகாந்த் நம்பிக்கை தெரிவித்தார்.தற்போது ஐபிஎல் தொடரில் கெய்க்வாட் மோசமான ஃபார்மில் உள்ளார். ஏழு இன்னிங்ஸ்களில் அவரது சராசரி 15க்கும் குறைவாகவும், ஸ்ட்ரைக் ரேட் 119.54 ஆகவும் உள்ளது.