IPL 2026: டெல்லி அணி பலவீனமானது என்பதால் தான் சிஎஸ்கே வென்றதா? அஸ்வின் பேச்சால் ரசிகர்கள் கோபம்

சென்னை: ஐபிஎல் 2026 சீசனில் சிஎஸ்கேக்கு எதிரான ஆட்டத்தில் டெல்லி அணி தோல்வியை தழுவிய நிலையில், அந்த அணியின் பேட்டிங் மிகவும் பலவீனமாக இருந்ததாக அஸ்வின் கூறியுள்ளார்.நிதிஷ் ராணா, விப்ராஜ் நிகம் நீக்கப்பட, டெல்லி அணி பேட்டிங் வரிசையை மாற்றியமைத்தது. ஃபார்மில் இருந்த சமீர் ரிஸ்வி 3ஆம் இடத்திற்கும், கேப்டன் அக்‌ஷர் படேல் 4ஆம் இடத்திற்கும் வந்தனர்.

"இம்பாக்ட் பிளேயர்" விதி இருந்தும், ஆஷுதோஷ் ஷர்மாவுடன் 7-ல் பேட்டிங் முடிவடைந்தது. அறிமுக வீரரான ஆகிப் நபி இந்தப் போட்டியில் சோபிக்கவில்லை.டெல்லியின் ரன் சேஸிங்கில் பேட்டிங் பலமில்லாமல் இருந்தது பெரிய பங்கு வகித்தது. கடைசி ஓவர்களில் டிரிஸ்டன் ஸ்டப்ஸுக்கு சரியான கம்பெனி கிடைக்கவில்லை.

அக்‌ஷர் படேல், சமீர் ரிஸ்வி அடுத்தடுத்து ஆட்டமிழந்தது அணிக்கு மேலும் பின்னடைவை ஏற்படுத்தியது.குல்தீப் யாதவ், டி நடராஜன், முகேஷ் குமார், லுங்கி எங்கிடி போன்ற பலவீனமான பேட்டிங் வரிசையுடன் களமிறங்கிய டெல்லி அணியின் முடிவை அஸ்வின் கடுமையாக விமர்சித்தார். அவர்களின் பீல்டிங், பந்துவீச்சு திட்டமிடலையும் அவர் சாடினார்.

தனது யூடியூப் சேனலில் பேசிய அஸ்வின் "இன்று டெல்லி எத்தனை தவறுகளைச் செய்தது? குல்தீப் தன் முழு ஓவர் ஒதுக்கீட்டையும் முடிக்கவில்லை. நடராஜன் 50 ரன்களை வாரி வழங்கினார், அவர் சஞ்சுவிற்கு ஸ்லோயர் பந்துகளைப் பிட்சில் வீசினார். சஞ்சுவிற்கு வீசக்கூடாத பந்து என்றால், அது ஆட போதுமான நேரம் கொண்ட ஷார்ட் பிட்ச் பந்துதான். அவரது ஓவர் முடிவதற்குள் அவர் யார்க்கரை பயன்படுத்தவே இல்லை."

"டெல்லிக்கு இன்னொரு பிரச்சனை, அவர்களின் கீழ்வரிசை இந்தத் தொடரிலேயே மிகவும் பலவீனமானது. இன்று ஆகிப் நபி விளையாடினார், அவருக்கு 2 ஓவர்கள். குல்தீப் 2 ஓவர்கள். அவர்களின் பந்துவீச்சு ஒதுக்கீடுகள் முடிக்கப்படவில்லை. கே.எல். ராகுல், பதும் நிஸ்ஸங்கா இந்தப் போட்டியைத் தொடங்கியிருந்தால், எளிதாக வென்றிருக்கலாம்."

நட்சத்திர சுழற்பந்து வீச்சாளர் குல்தீப் யாதவ், தன் இரண்டு ஓவர்களில் விக்கெட்டுகளின்றி 24 ரன்கள் விட்டுக்கொடுத்தார். எட்டாவது ஓவரில் பந்துவீச வந்த அவர், 12வது ஓவரில் மீண்டும் களமிறங்கியபோது சஞ்சு சாம்சன், ஆயுஷ் மாத்ரே ஆகியோரால் இரண்டு சிக்ஸர்கள் விளாசப்பட்டார்.

ஒரு கட்டத்தில், ஐந்தாவது ஓவரில் 61-0 என வலுவாக இருந்த டெல்லி, அடுத்த மூன்று ஓவர்களில் நான்கு விக்கெட்டுகளை இழந்து 76-4 என சரிந்தது. டேவிட் மில்லர், டிரிஸ்டன் ஸ்டப்ஸ் ஜோடி அணியை போட்டியில் தக்கவைக்க முயன்றாலும், இறுதியில் இலக்கை எட்டவில்லை. சிஎஸ்கே அணி முதல் போட்டியை வென்ற நிலையில், டெல்லி அணி பலவீனமாக இருந்தது என்று அஸ்வின் பேசி இருப்பது சிஎஸ்கே வீரர்களின் நம்பிக்கையை குலைக்கும் விதமாக இருப்பதாக ரசிகர்கள் குறை கூறியுள்ளனர்.

போட்டிக்குப் பிந்தைய பேட்டியில், கேப்டன் அக்‌ஷர் படேல், "நாங்கள் நல்ல தொடக்கத்தைப் பெற்றோம். ஆனால் பவர் பிளேவுக்குப் பிறகு, அடுத்தடுத்து சில விக்கெட்டுகளை இழந்தது உத்வேகத்தை உடைத்தது. இப்படி ஒரு சேஸிங்கில், விக்கெட்டுகள் சேர்ந்து விழுவது மிகவும் கடினமாக்கியது. அங்கிருந்துதான் ஆட்டம் கைநழுவியது" என்றார். தொடக்கத்தில் டெல்லி வென்றாலும், அடுத்தடுத்த தோல்விகளால் துவண்டுள்ள நிலையில், ஏப்ரல் 18 அன்று பெங்களூரு சின்னசாமி ஸ்டேடியத்தில் நடப்பு சாம்பியன் ஆர்சிபி-யை எதிர்கொள்ள உள்ளது. டெல்லி அணி தற்போது 4 புள்ளிகளுடன் 4வது இடத்தில் உள்ளது.