IPL 2026: மணிக்கு 148.1 கிமீ வேகத்தில் பந்துவீசிய கேகேஆர் வீரர்.. சிதறிய சஞ்சு சாம்சன் ஸ்டம்ப்கள்

சென்னை: ஐபிஎல் 2026 சீசனில் சிஎஸ்கே அணியின் நட்சத்திர வீரர் சஞ்சு சாம்சன் அதிரடியாக விளையாடி வந்த நிலையில், கேகேஆர் வீரர் கார்த்திக் தியாகி அபாரமாக பந்துவீசி அவரை ஆட்டமிழக்க வைத்தார். இது ஆட்டத்தில் திருப்புமுனையை ஏற்படுத்தியது.

சிஎஸ்கே இன்னிங்ஸின் 12வது ஓவரில் இந்த விக்கெட் வீழ்ந்தது. இதற்கு முந்தைய பந்தில் சிக்ஸர் விட்டு கொடுத்த தியாகி, அடுத்த பந்தை மணிக்கு 148.1 கிமீ வேகத்தில் வீசினார். மிடில் மற்றும் ஆஃப் திசையில் ஃபுல்-லென்த் ஆக வந்த அந்தப் பந்தை, 'ஸ்கொயர்' ஷாட் ஆட முயன்ற சாம்சன் அதை தவறவிட, பந்து ஸ்டம்புகளை பதம் பார்த்தது.

32 பந்துகளில் 48 ரன்கள் சாம்சன் விளாசிய நிலையில், 3 சிக்ஸர்கள், 4 பவுண்டரிகள் அடித்திருந்தார். எடுத்த இந்த விக்கெட்டினால், சூப்பர் கிங்ஸ் 111 ரன்களுக்கு மூன்றாவது விக்கெட்டை இழந்தது. முந்தைய போட்டியில் சாம்சன் டெல்லி கேபிடல்ஸ் அணிக்கு எதிராக ஆட்டமிழக்காமல் சதம் விளாசியிருந்தார்.

இப்போட்டியில் சிஎஸ்கே, சஞ்சு சாம்சன் மற்றும் 17 பந்துகளில் 38 ரன்கள் எடுத்த ஆயுஷ் மத்ரே என இரு முக்கிய பேட்டர்களை இழந்தது. சாம்சனை தியாகி வெளியேற்ற, ஆயுஷ் மத்ரேவை வைபவ் அரோரா அவுட்டாக்கினார். முன்னதாக, ருதுராஜ் கெய்க்வாடை அன்குல் ராய் குறைவான ரன்களுக்கு வெளியேற்றினார்.

14 ஓவர்கள் முடிவில் சென்னையின் ஸ்கோர் 136/3 ஆக இருந்தது. அப்போது டேவால்ட் பிரெவிஸ் 18 பந்துகளில் 25 மற்றும் சர்பராஸ் கான் 11 பந்துகளில் 13 களத்தில் இருந்தனர்.மூன்று தொடர் தோல்விகளுக்குப் பிறகு டெல்லி கேபிடல்ஸ் அணியை வென்று முதல் வெற்றியைப் பதிவு செய்த சிஎஸ்கே, அதே நல்ல ஃபார்மை தொடர முனைப்பு காட்டும்.

மறுபுறம், அஜிங்க்யா ரஹானே தலைமையிலான நைட் ரைடர்ஸ் அணி, ஐபிஎல் 2026ல் இன்னும் வெற்றியின் சுவையை ருசிக்கவில்லை. மூன்று போட்டிகளில் தோல்வியடைந்துள்ள கொல்கத்தா, பஞ்சாப் கிங்ஸ் உடனான ஒரு போட்டியை மழையால் இழந்தது.கடந்த 2025ஆம் ஆண்டு நடந்த போட்டியில், சூப்பர் கிங்ஸ் அணி இரண்டு விக்கெட் வித்தியாசத்தில் கொல்கத்தா நைட் ரைடர்ஸ் அணியை வீழ்த்தியது.