IPL 2026: 26 ரன்களுக்கு 4 விக்கெட்டுகள்.. தோல்வியிலிருந்து டெல்லியை காப்பாற்றிய EX சிஸ்கே வீரர் ரிஸ்வி

லக்னோ: ஐபிஎல் 2026 தொடரின் டெல்லி கேபிடல்ஸ் அணி தங்களது முதல் போட்டியில் லக்னோ சூப்பர் ஜெயண்ட்ஸை எதிர்கொண்டு ஆறு விக்கெட் வித்தியாசத்தில் அபார வெற்றியை பதிவு செய்தது. லக்னோவின் எகானா மைதானத்தில் நடைபெற்ற இந்த ஆட்டத்தில், இம்பாக்ட் பிளேயர் சமீர் ரிஸ்வியின் சிறப்பான ஆட்டம் டெல்லி அணிக்கு வெற்றி பெற்றுக்கொடுத்ததில் முக்கிய பங்காற்றினார்,

முதலில் பேட்டிங் செய்த லக்னோ சூப்பர் ஜெயண்ட்ஸ் அணி, டெல்லியின் கட்டுக்கோப்பான பந்துவீச்சுக்கு ஈடுகொடுக்க முடியாமல் திணறியது. நிர்ணயிக்கப்பட்ட 20 ஓவர்களும் முழுவதுமாக ஆவதற்கு முன்பே, 18.4 ஓவர்களிலேயே அனைத்து விக்கெட்டுகளையும் இழந்து 141 ரன்கள் மட்டுமே எடுத்தது. இந்த இலக்கு, டெல்லி கேபிடல்ஸ் அணிக்கு 142 ரன்கள் என்ற சற்றே எளிதான இலக்கை நிர்ணயித்தது.

லக்னோ அணி சார்பில், கேப்டன் ரிஷப் பன்ட் தொடக்க வீரராக களமிறங்கி வெறும் 7 ரன்களிலும், ஐடன் மார்க்ரம் 11 ரன்களிலும், ஆயுஷ் படோனி டக் அவுட்டிலும் வெளியேறி ஏமாற்றமளித்தனர். மிட்செல் மார்ஷின் பங்களிப்பு மட்டுமே லக்னோவின் ஸ்கோரை ஓரளவு உயர்த்த உதவியது. எனினும், வரிசையாக விக்கெட் விழுந்ததால், ஒரு வலுவான ஸ்கோரை எட்ட விடாமல் தடுத்தது.

IPL 2026: முகமது ஷமி வரலாற்று சாதனை.. சொன்னதை செய்தார்.. பக்கத்தில் யாருமே இல்ல!

142 ரன்கள் என்ற இலக்கை துரத்தி களமிறங்கிய டெல்லி கேபிடல்ஸ் அணிக்கு, ஆரம்பமே அதிர்ச்சிகரமாக அமைந்தது. முகமது ஷாமியின் முதல் பந்திலேயே கே.எல். ராகுல் டக் அவுட்டாகி வெளியேறியது டெல்லி ரசிகர்களுக்கு பெரும் பின்னடைவை ஏற்படுத்தியது.

நிதிஷ் ராணா சில நம்பிக்கையூட்டும் ஷாட்களை அடித்தாலும், மொஹ்சின் கானிடம் தனது விக்கெட்டை இழந்தார். பிரின்ஸ் யாதவ் தனது துல்லியமான பந்துவீச்சால் பதும் நிசங்கா மற்றும் அக்ஸர் படேல் ஆகியோரின் விக்கெட்டுகளை கைப்பற்றினார். குறுகிய நேரத்தில் 4 விக்கெட்டுகளை இழந்த டெல்லி அணி, 26 ரன்களுக்குள் தடுமாறியது. இது அணியின் வெற்றி வாய்ப்பை மிகவும் கடினமாக்கியது. டெல்லி ரசிகர்கள் சோகத்தில் மூழ்கினர்.

இந்த இக்கட்டான சூழ்நிலையில், களமிறங்கிய இம்பாக்ட் பிளேயர் சமீர் ரிஸ்வியும், டிரிஸ்டன் ஸ்டப்ஸும் இணைந்து டெல்லி அணியின் நம்பிக்கையை மீட்டெடுத்தனர். இருவரும் ஆட்டத்தின் போக்கை மாற்றும் ஒரு சிறப்பான பார்ட்னர்ஷிப்பை அமைத்தனர். விக்கெட் சரிவை தடுத்து நிறுத்திய அவர்கள், நிதானமாக ரன்களைக் குவிக்கத் தொடங்கினர்.

போட்டியின் பாதி கட்டத்தில், அதாவது 10 ஓவர்கள் முடிவில், டெல்லி அணி 77 ரன்களுக்கு 4 விக்கெட்டுகளை இழந்திருந்தது. இந்த நேரத்திற்குள், ரிஸ்வி – ஸ்டப்ஸ் ஜோடி உறுதியான 50 ரன்கள் பார்ட்னர்ஷிப்பை அமைத்து, டெல்லி அணியை ஆபத்தான நிலையில் இருந்து ஓரளவு மீட்டிருந்தது. இது ரசிகர்களுக்கு சற்றே ஆறுதலை அளித்தது.

சமீர் ரிஸ்வி குறிப்பாக சுழற்பந்து வீச்சாளர்களுக்கு எதிராக அதிரடியாக ஆடினார். ஐடன் மார்க்ரம் போன்ற பந்துவீச்சாளர்களை இலக்காகக் கொண்டு ரன்களை வேகமாகச் சேர்த்தார். அவரது துரிதமான ஷாட்கள் மூலம், ரிஸ்வி நம்பமுடியாத வகையில் தனது அரைசதத்தை பூர்த்தி செய்தார். அணியின் ஸ்கோர் வேகமாக உயர இது உதவியது.

ரிஸ்வி மற்றும் ஸ்டப்ஸ் இருவரும் இணைந்து மிகவும் நிதானமான, ஆனால் அதே சமயம் அதிரடியான ஆட்டத்தை வெளிப்படுத்தி டெல்லி அணிக்கு புத்துயிர் கொடுத்தனர். இதனால் டெல்லி கேபிடல்ஸ் அணி முழு கட்டுப்பாட்டில் இருப்பதாக தோன்றியது. லக்னோ சூப்பர் ஜெயண்ட்ஸ் அணிக்கு விக்கெட் வீழ்த்த வேண்டிய கட்டாயம் ஏற்பட்டது.

ஆட்டத்தின் இறுதி 30 பந்துகளில் வெற்றிக்கு 29 ரன்கள் மட்டுமே தேவைப்படும் மிகவும் வசதியான நிலைக்கு டெல்லி அணி வந்தது. மொஹ்சின் கான் வீசிய 15.5 ஓவரில், சமீர் ரிஸ்வி ஒரு சிறப்பான சிக்ஸர் அடித்து, இந்த அற்புதமான 100 ரன்கள் பார்ட்னர்ஷிப்பை எட்டினார். இந்த சிக்ஸர் டெல்லி அணி வெற்றிக்குத் தேவையான ரன்களை 16ஆக குறைத்தது. இது ஆட்டத்தில் ஒரு திருப்புமுனையாக அமைந்தது.

IPL 2026: சுள்ளான் சூடு ஆனேன்.. சூளுக்கு எடுத்திருவன்.. தென்னாப்பிரிக்க வீரரை வம்பிழுத்த பிரின்ஸ் யாதவ்

கடைசி வரை ஆட்டமிழக்காமல் நின்ற ரிஸ்வி 47 பந்துகளில் 70 ரன்கள் குவித்தார். இதில் 5 சிக்சர்களும், 4 பவுண்டரிகளும் அடங்கும். ஸ்டப்ஸ் 39 ரன்கள் எடுக்க, டெல்லி அணி 17.1 ஓவரில் 4 விக்கெட்டுகளை மட்டுமே இழந்து டெல்லி அணி வெற்றி பெற்றது. இதன் மூலம் புள்ளி பட்டியலில் டெல்லி அணி 3வது இடத்திற்கு முன்னேறியது.