IPL 2026 GT vs KKR: கொல்கத்தா அணியில் அதிரடி வீரர் நீக்கம்.. டிம் சீஃபெர்ட் சேர்ப்பு.. பிளேயிங் 11!

அகமதாபாத்: 2026 ஐபிஎல் கிரிக்கெட் தொடரின் 25-வது லீக் போட்டியில் குஜராத் டைட்டன்ஸ் மற்றும் கொல்கத்தா நைட் ரைடர்ஸ் அணிகள் மோதுகின்றன. அகமதாபாத் நரேந்திர மோடி மைதானத்தில் நடைபெறவுள்ள இந்தப் போட்டியில் டாஸ் வென்ற கொல்கத்தா அணியின் கேப்டன் அஜிங்க்யா ரகானே முதலில் பேட்டிங் செய்வதாக அறிவித்துள்ளார்.

புள்ளிப்பட்டியலில் 10-வது இடத்தில் இருக்கும் கொல்கத்தா அணி, இந்த சீசனில் இதுவரை ஒரு வெற்றியைக் கூட பதிவு செய்யவில்லை. இதனால் இந்தப் போட்டியில் வெற்றி பெற வேண்டிய கட்டாயத்தில் அந்த அணி உள்ளது. டாஸ் வென்ற பிறகு பேசிய ரகானே, "எங்கள் பேட்டர்கள் எவ்வித அழுத்தமும் இன்றி சுதந்திரமாக விளையாட வேண்டும் என்று விரும்புகிறேன். புள்ளிவிவரங்களைப் பார்க்காமல், பயமில்லாத கிரிக்கெட்டை வெளிப்படுத்துவதே எங்கள் நோக்கம். அதற்காகவே முதலில் பேட்டிங் செய்கிறோம்" என்றார்.

மறுபுறம் குஜராத் டைட்டன்ஸ் அணியின் கேப்டன் சுப்மன் கில் கூறுகையில், "நாங்கள் டாஸ் வென்றிருந்தால் முதலில் பந்துவீசவே விரும்பியிருப்போம். இங்கு வெயில் அதிகமாக இருப்பதால், ஆட்டத்தின் இரண்டாம் பாதியில் பனிப்பொழிவு முக்கியப் பங்கு வகிக்கும் என்று கருதுகிறேன். கொல்கத்தா அணியை குறைந்த ரன்களுக்குள் கட்டுப்படுத்த முயற்சிப்போம்" எனத் தெரிவித்தார். குஜராத் அணியின் கேப்டனாக அதிக போட்டிகளில் விளையாடிய வீரர் என்ற சாதனையை சுப்மன் கில் சமன் செய்துள்ளார். .

அணி மாற்றங்கள்:

கொல்கத்தா நைட் ரைடர்ஸ் அணியில் ஒரு மாற்றம் செய்யப்பட்டுள்ளது. அதிரடி வீரர் பின் ஆலனுக்குப் பதிலாக டிம் சீஃபெர்ட் அணிக்குள் கொண்டு வரப்பட்டுள்ளார். குஜராத் டைட்டன்ஸ் அணியில் எவ்வித மாற்றமும் செய்யப்படவில்லை. கடந்த போட்டியில் விளையாடிய அதே வீரர்களுடன் அந்த அணி களம் இறங்குகிறது. அகமதாபாத் ஆடுகளம் பேட்டிங்கிற்குச் சாதகமாக இருக்கும் என்பதால் ரன் மழை பொழிய வாய்ப்பு உள்ளது.

விளையாடும் வீரர்கள் விவரம்:

குஜராத் டைட்டன்ஸ்: சுப்மன் கில் (கேப்டன்), சாய் சுதர்சன், ஜோஸ் பட்லர், வாஷிங்டன் சுந்தர், கிளென் பிலிப்ஸ், ராகுல் திவேதியா, ரஷித் கான், காகிசோ ரபாடா, அசோக் சர்மா, பிரசித் கிருஷ்ணா, முகமது சிராஜ்.

குஜராத் டைட்டன்ஸ் இம்பாக்ட் சப்ஸ்: ஜேசன் ஹோல்டர், ஷாருக் கான், மானவ் சுதர், குல்வந்த் கெஜ்ரோலியா, அனுஜ் ராவத்

கொல்கத்தா நைட் ரைடர்ஸ்: டிம் சீஃபெர்ட், சுனில் நரைன், அஜிங்க்யா ரகானே (கேப்டன்), அங்கிரிஷ் ரகுவன்ஷி, கேமரூன் கிரீன், ரிங்கு சிங், ரமன்தீப் சிங், ரோவ்மன் பவல், அனுகுல் ராய், வைபவ் அரோரா, கார்த்திக் தியாகி.

கொல்கத்தா நைட் ரைடர்ஸ் இம்பாக்ட் சப்ஸ்: வருண் சக்கரவர்த்தி, ஃபின் ஆலன், தேஜஸ்வி தஹியா, நவ்தீப் சைனி, மணீஷ் பாண்டே