IPL 2026: கடைசி வரை திக்..திக்.. திகில் கிளப்பிய டாப் 3 லீக் சுற்று போட்டிகள்

2026 ஐபிஎல் தொடர் ரசிகர்களுக்குப் பல மறக்க முடியாத போட்டிகளைப் பரிசளித்துள்ளது. கடைசி பந்து வரை சென்ற ஆட்டங்கள், சாதனை ரன் சேஸ்கள், தனிநபர் திறமைகள் என லீக் சுற்றுகள் முழுக்கவே பரபரப்புக்குக் பஞ்சமில்லை.தொடர் இறுதிக்கட்டத்தை நெருங்கியுள்ள நிலையில், ரசிகர்களை இருக்கையின் நுனிக்கே கொண்டு சென்ற டாப் 3 போட்டிகள் இதோ:

1. டெல்லி கேப்பிட்டல்ஸ் VS பஞ்சாப் கிங்ஸ் (போட்டி 55)

தர்மசாலாவில் நடந்த இந்தப் போட்டி, இந்த சீசனின் மிகச் சிறந்த ரன் சேஸ்களில் ஒன்றாக அமைந்தது.பஞ்சாப் கிங்ஸ்: முதலில் பேட்டிங் செய்த பஞ்சாப் அணி, பிரியான்ஷ் ஆர்யாவின் (56 ரன்கள்) அதிரடி மற்றும் கேப்டன் ஸ்ரேயாஸ் ஐயரின் (59 ரன்கள்) பொறுப்பான ஆட்டத்தால் 20 ஓவர்களில் 5 விக்கெட் இழப்பிற்கு 210 ரன்கள் குவித்தது.

டெல்லி கேப்பிட்டல்ஸ்: 211 ரன்கள் என்ற கடினமான இலக்கை நோக்கி ஆடிய டெல்லி அணிக்கு அக்சர் படேல் 30 பந்துகளில் 56 ரன்கள் எடுத்து அதிரடி திருப்பம் தந்தார். கடைசி கட்டத்தில் டேவிட் மில்லர் நிதானமாக விளையாடி அணியை வெற்றிப் பாதைக்கு அழைத்துச் சென்றார். 3 விக்கெட்டுகள் வித்தியாசத்தில் வென்ற டெல்லி அணி, இந்த சீசனின் மிக அதிகபட்ச ரன் சேஸ் சாதனையை நிகழ்த்தி பிளே-ஆஃப் வாய்ப்பையும் தக்கவைத்துக் கொண்டது.

2. குஜராத் டைட்டன்ஸ் VS பஞ்சாப் கிங்ஸ் (போட்டி 46)

அகமதாபாத்தில் நடந்த இந்தப் போட்டியிலும் பஞ்சாப் அணி ஒரு பரபரப்பான ஆட்டத்தை எதிர்கொண்டது.

பஞ்சாப் கிங்ஸ்: ஆரம்பத்தில் விக்கெட்டுகளை இழந்து தடுமாறிய பஞ்சாப் அணி, சூர்யான்ஷ் ஷெட்ஜே (57 ரன்கள்) மற்றும் மார்கஸ் ஸ்டோய்னிஸின் அதிரடியால் 9 விக்கெட் இழப்பிற்கு 163 ரன்கள் எடுத்தது. குஜராத் அணியின் பந்துவீச்சாளர் ஜேசன் ஹோல்டர் சிறப்பாகச் செயல்பட்டு 4 விக்கெட்டுகளை வீழ்த்தினார்.

IPL 2026: பிளே ஆப் சுற்றுக்கு ராஜஸ்தான் தகுதி.. பஞ்சாப், கொல்கத்தா அணிகள் வெளியேறியது

குஜராத் டைட்டன்ஸ்: இலக்கை நோக்கி ஆடிய குஜராத் அணிக்கு சாய் சுதர்சன் அரைசதம் அடித்து தூணாக நின்றார். கடைசி ஓவர்களில் வாஷிங்டன் சுந்தர் பதற்றமில்லாமல் விளையாடி அணியை வெற்றி பெறச் செய்தார். 1 பந்து மீதமிருந்த நிலையில் குஜராத் அணி 6 விக்கெட் இழப்பிற்கு 167 ரன்கள் எடுத்து, 4 விக்கெட் வித்தியாசத்தில் த்ரில் வெற்றி பெற்றது.

3. ராயல் சேலஞ்சர்ஸ் பெங்களூரு vs கொல்கத்தா நைட் ரைடர்ஸ் (போட்டி 57)

ராய்ப்பூரில் நடந்த இந்தப் போட்டி, விராட் கோலியின் அசாத்திய பேட்டிங்கிற்கு சாட்சியாக அமைந்தது.கொல்கத்தா நைட் ரைடர்ஸ்: அங்க்ரிஷ் ரகுவன்ஷியின் (71 ரன்கள்) சிறப்பான ஆட்டம் மற்றும் ரிங்கு சிங்கின் (அவுட் ஆகாமல் 49 ரன்கள்) அதிரடியால் கொல்கத்தா அணி 4 விக்கெட் இழப்பிற்கு 192 ரன்கள் என்ற சவாலான இலக்கை நிர்ணயித்தது.

ராயல் சேலஞ்சர்ஸ் பெங்களூரு: கடந்த இரண்டு போட்டிகளில் ரன் ஏதும் எடுக்காமல் (டக் அவுட்) அவுட் ஆகியிருந்த விராட் கோலி, விமர்சனங்களுக்குத் தன் பேட் மூலம் பதிலடி தந்தார். 60 பந்துகளில் 11 பவுண்டரிகள் மற்றும் 3 சிக்ஸர்களுடன் 105 ரன்கள் எடுத்து இறுதிவரை ஆட்டமிழக்காமல் இருந்தார். கோலியின் இந்த 9-வது ஐபிஎல் சதத்தின் உதவியோடு, பெங்களூரு அணி 5 பந்துகள் மீதமிருந்த நிலையில் 6 விக்கெட் வித்தியாசத்தில் அபார வெற்றி பெற்று புள்ளிப் பட்டியலில் முதலிடத்தைப் பிடித்தது.

உங்களுக்கு எல்லாம் கிரிக்கெட் அறிவே கிடையாது.. இந்திய டி20 கேப்டன் சூர்யகுமார் காட்டம்

இது தவிர, குவஹாத்தியில் மழையால் பாதிக்கப்பட்ட போட்டியில் மும்பை இந்தியன்ஸ் அணியை ராஜஸ்தான் ராயல்ஸ் வீழ்த்திய ஆட்டமும் இந்த சீசனின் விறுவிறுப்பான போட்டிகளில் ஒன்றாகக் கருதப்படுகிறது.