IPL 2026: ஆர்சிபி வீரர் ஹேசல்வுட் மகத்தான சாதனை.. சீட்டு கட்டு போல் சரிந்த டெல்லி பேட்டிங்

டெல்லி: ஐபிஎல் தொடரில் ராயல் சேலஞ்சர்ஸ் பெங்களூரு அணிக்காக 50 விக்கெட்டுகளை வீழ்த்திய முதல் வெளிநாட்டு பந்துவீச்சாளர் என்ற வரலாற்று சாதனையை ஆஸ்திரேலிய வேகப்பந்து வீச்சாளர் ஜோஷ் ஹேசில்வுட் படைத்தார். டெல்லி கேபிடல்ஸ் அணிக்கு எதிரான போட்டியில் கே.எல். ராகுலை ஆட்டமிழக்கச் செய்து அவர் இந்த மைல்கல்லை எட்டினார்.

டெல்லி அருண் ஜெட்லி ஸ்டேடியத்தில் நடைபெற்ற ஐபிஎல் 2026 போட்டியில், டெல்லி கேபிடல்ஸ் இன்னிங்ஸின் இரண்டாவது ஓவர் முதல் பந்திலேயே ராகுலை ஹேசில்வுட் அவுட் செய்தார். ராகுல், பஞ்சாப் கிங்ஸ் அணிக்கு எதிராக 152 ரன்கள் எடுத்து அவுட்டாகாமல் இருந்தார். 2025 சாம்பியன் RCB-க்காக ஹேசில்வுட் பங்கேற்ற 32வது ஐபிஎல் ஆட்டம் இது.

RCB-க்காக அதிக ஐபிஎல் விக்கெட்டுகளை வீழ்த்திய வெளிநாட்டு பந்துவீச்சாளர்களில் ஹேசில்வுட் முதலிடத்தில் உள்ளார். அவர் 32 போட்டிகளில் 50 விக்கெட்டுகளைக் கைப்பற்றினார். வனிந்து ஹசரங்கா (35), மிட்செல் ஸ்டார்க் (34), டேல் ஸ்டெய்ன் (32) மற்றும் ஷேன் வாட்சன் (25) ஆகியோர் அவருக்கு அடுத்தடுத்த இடங்களில் உள்ளனர்.

ஜோஷ் ஹேசில்வுட் 2022 முதல் RCB அணியில் உள்ளார். 2022ல் 12 போட்டிகளில் 20 விக்கெட்டுகள், 2023ல் காயத்தால் 3 போட்டிகளில் 3 விக்கெட்டுகள் எடுத்தார். அவர் 2024 சீசனைத் தவிர்த்தார். 2025ல் 12 போட்டிகளில் 22 விக்கெட்டுகளையும், இந்த 2026 சீசனில் இப்போட்டிக்கு முன் 4 போட்டிகளில் 4 விக்கெட்டுகளையும் வீழ்த்தியுள்ளார்.

ஐபிஎல் வரலாற்றில் ஆர்சிபி அணிக்காக அதிக விக்கெட்டுகள் எடுத்தவர் யுஸ்வேந்திர சாஹல் (113 போட்டிகளில் 139). RCB-க்காக ஹர்ஷல் படேல் (80 போட்டிகளில் 99) இரண்டாவது இடத்தில் உள்ளார். முகமது சிராஜ் (83 விக்கெட்டுகள்) மற்றும் ஆர். வினய் குமார் (72 விக்கெட்டுகள்) ஆகியோரும் ஹேசில்வுட்டின் 50 விக்கெட்டுகளை விட அதிக விக்கெட்டுகளை எடுத்துள்ளனர். இந்த ஆட்டத்தில் ஹேசல்வுட் 4 விக்கெட்டுகளை கைப்பற்ற டெல்லி அணி 75 ரன்களில் சுருண்டது.