IPL 2026: வரும் ஐபிஎல் போட்டியில் பல சதம் விளாச வாய்ப்புள்ள 5 இந்திய வீரர்கள்

மும்பை: டி20 கிரிக்கெட்டில் சதம் அடிப்பது பெரிய சாதனையாகும். ஆனால், ரன் திருவிழா நடக்கும் ஐபிஎல் தொடரில், பல பேட்ஸ்மேன்கள் ஒரே சீசனில் பல சதம் அடித்துள்ளனர். இந்த நிலையில், ஐபிஎல் 2026 தொடரில் ஒரு சதத்திற்கு மேல் அடிக்க வாய்ப்புள்ள 5 வீரர்கள் குறித்து தற்போது பார்க்கலாம்.

ஐபிஎல் வரலாற்றில் விராட் கோலி அதிகபட்சமாக 8 சதங்களுடன் முதலிடத்தில் உள்ளார். அவரைத் தொடர்ந்து ஜோஸ் பட்லர் 7 சதங்களுடன் இருக்கிறார். ஒரு ஐபிஎல் சீசனில் பல சதங்கள் அடிப்பது சவாலானாலும், கோலி 2016 ஐபிஎல் சீசனில் மட்டும் நான்கு சதங்களை விளாசி அசத்தினார். இந்த சீசனுக்கு முன்னதாக, ஐபிஎல் 2026-ல் ஒன்றுக்கு மேற்பட்ட சதம் அடிக்க வாய்ப்புள்ள 5 இந்திய வீரர்களைப் பற்றி இங்குப் பார்ப்போம்.

விராட் கோலி: ஐபிஎல் சதங்கள் என்று வரும்போது, விராட் கோலி முதலிடத்தில் தனித்து நிற்கிறார். அவர் ஐபிஎல் வரலாற்றில் அதிக (8) சதங்கள் அடித்த சாதனையைப் படைத்துள்ளார். கோலி 2016 சீசனில் நான்கு சதங்களையும், 2023 சீசனில் இரண்டு சதங்களையும் விளாசினார். அவரது நம்பமுடியாத உடல் தகுதி, அசைக்க முடியாத வெற்றி வேட்கை, மற்றும் ஒற்றை ஆண்டில் பல சதங்கள் அடித்த அனுபவம் ஆகியவற்றுடன், 2026-லும் இந்தச் சாதனையை மீண்டும் வீரராக கோலி நிகழ்த்துவார் என எதிர்பார்க்கப்படுகிறது.

கே.எல். ராகுல்: ஐபிஎல்-லில் மிகவும் திறமையான மற்றும் நிலையான தொடக்க ஆட்டக்காரர். அவர் இதுவரை நான்கு ஐபிஎல் சதங்களை அடித்துள்ளார். மேலும், 2022 சீசனில் இரண்டு சதங்களை அடித்து, ஒற்றை சீசனில் பல சதங்கள் அடிக்க முடியும் என்பதையும் நிரூபித்துள்ளார். ஐபிஎல் 2026-ல் ஆரம்பத்திலேயே ராகுல் தனது இயல்பான ஆட்டத்திற்குத் திரும்பினால், இன்னும் இரண்டு அல்லது அதற்கு மேற்பட்ட சதங்களை எளிதாகச் சேர்க்க முடியும்.

சஞ்சு சாம்சன்: அதிரடி விக்கெட் கீப்பர்-பேட்ஸ்மேனான சஞ்சு சாம்சன், மூன்று ஐபிஎல் சதங்களை தன்வசம் வைத்துள்ளார் (2017, 2019, 2021). ஒரே சீசனில் பல சதங்களை அவர் அடித்ததில்லை என்றாலும், அவரது அதிரடியான ஆடும் திறன் பவுலர்களுக்கு அச்சுறுத்தலை ஏற்படுத்துகிறது. ICC T20 உலகக் கோப்பை 2026-ல் இந்தியாவின் வெற்றியில் அவரது முதிர்ச்சியான ஷாட் தேர்வு, இன்னிங்சிசை கட்டமைத்த விதத்தை பார்த்தால், அவர் இந்த தொடரில் பட்டையை கிளப்பலாம்.

இஷான் கிஷன்: கடந்த ஐபிஎல் 2025 சீசனில் சன்ரைசர்ஸ் ஹைதராபாத் அணிக்காக அதிரடி தொடக்கங்களை வழங்கிய இஷான் கிஷன், வரும் ஐபிஎல் தொடரில் சாதிக்கலாம் என எதிர்பார்க்கலாம். ICC T20 உலகக் கோப்பை 2026 தொடரில் 317 ரன்கள் குவித்த அவர், அபரிமிதமான தன்னம்பிக்கையுடனும், சிறந்த சர்வதேச ஃபார்முடனும் இந்த ஆண்டு பல சதங்களை அடிக்கச் சரியான மனநிலையில் உள்ளார்.

அபிஷேக் ஷர்மா: அச்சமற்ற T20 கிரிக்கெட்டின் ஐகானாக அபிஷேக் ஷர்மா திகழ்கிறார். சன்ரைசர்ஸ் ஹைதராபாத் அணிக்காக விளையாடும் அவர், பவர்ப்ளேயில் எதிரணி பந்துவீச்சைச் சிதைக்கிறார். கோலி அல்லது ராகுலைப் போல அதிக சதங்களை இன்னும் அவர் குவிக்கவில்லை. எனினும், 20-25 பந்துகளில் 60-70 ரன்கள் குவிப்பது, சதம் எப்போதும் சில ஓவர்களுக்குள் உள்ளது என்பதன் அறிகுறி. இந்த சீசனில் அவர் களத்தில் நிலைத்து ஆடினால், ஐபிஎல் 2026-ல் பல சதங்களை அடிக்கும் ஆற்றலைப் பெற்றுள்ளார்.