CSK vs LSG: ஒரே ஓவரில் 28 ரன்கள்.. 6,6,6,6, தொடர்ந்து 4 சிக்சர் பறக்கவிட்ட மிட்செல் மார்ஷ்.. அன்சூல் பாவம்

லக்னோ: ஐபிஎல் 2026 தொடரில் சென்னை சூப்பர் கிங்ஸ் (CSK) அணிக்கு எதிரான லீக் ஆட்டத்தில், லக்னோ சூப்பர் ஜெயண்ட்ஸ் தொடக்க வீரர் மிட்செல் மார்ஷ் தனது அதிரடி பேட்டிங் மூலம் அனைவரையும் கவர்ந்தார். அவரது ஆட்டத்தால் லக்னோ அணிக்கு ஒரு வலுவான துவக்கம் கிடைத்தது.

லக்னோவின் 188 ரன்கள் சேஸிங்கின் ஐந்தாவது ஓவரில் அன்ஷுல் கம்போஜை எதிர்கொண்ட மார்ஷ், நான்கு தொடர்ச்சியான சிக்ஸர்கள் அடித்து அந்த ஓவரில் மட்டும் 28 ரன்களைக் குவித்தார். முதல் பந்தை கவர் திசைக்கு மேல் சிக்ஸருக்குப் பறக்கவிடுத்த அவர், தொடர்ந்து டீப் மிட்-விக்கெட் மற்றும் இரண்டு முறை டீப் ஸ்கொயர் லெக் திசையில் சிக்ஸர்களைப் பதிவு செய்தார்.

ஐந்தாவது பந்தை தவறவிட்டாலும், கடைசிப் பந்தை பவுண்டரிக்கு அனுப்பி ஓவரை முழுமையாகப் பயன்படுத்திக்கொண்டார். , மிட்செல் மார்ஷ் 38 பந்துகளில் 7 சிக்ஸர்கள் மற்றும் 9 பவுண்டரிகளுடன் 90 ரன்கள் எடுத்திருந்தார்.

IPL 2026: சிஎஸ்கே, லக்னோ அணி வீரர்கள் கருப்பு பேட்ஜ் அணிந்து விளையாடிய காரணம் என்ன?

நடப்பு ஐபிஎல் 2026 தொடரில், மிட்செல் மார்ஷ் 11 இன்னிங்ஸ்களில் 150.80 ஸ்ட்ரைக் ரேட்டுடன் 377 ரன்கள் குவித்து, 111 ரன்களை சிறந்த ஸ்கோராகப் பதிவுசெய்துள்ளார். லக்னோ சூப்பர் ஜெயண்ட்ஸ் அணி கடந்த ஆண்டு நடந்த 2026 ஏலத்திற்கு முன்னதாக இந்த ஆஸ்திரேலிய ஆல்ரவுண்டரை ₹3.4 கோடிக்கு தக்கவைத்தது.

முதலில் பேட் செய்ய பணிக்கப்பட்ட சென்னை சூப்பர் கிங்ஸ் அணி, நிர்ணயிக்கப்பட்ட 20 ஓவர்களில் 5 விக்கெட் இழப்பிற்கு 187 ரன்கள் எடுத்தது. சிஎஸ்கேவின் முதல் மூன்று பேட்ஸ்மேன்கள் சோபிக்கவில்லை. ஆனால், கார்த்திக் சர்மா 42 பந்துகளில் 71 ரன்கள் (5 சிக்ஸர்கள், 6 பவுண்டரிகள்) அடித்து நட்சத்திர வீரராகத் திகழ்ந்தார். அவருக்குத் துணையாக, டிவால்ட் ப்ரெவிஸ் 16 பந்துகளில் 25 ரன்களும், ஷிவம் துபே 16 பந்துகளில் 32* ரன்களும் சேர்த்தனர்.

IPL 2026: சிஎஸ்கே-வை கொத்து பரோட்டா போட்ட லக்னோ.. பவுலர்களை தூக்கி எறிந்த பைசன் மிட்செல் மார்ஷ்

லக்னோ பந்துவீச்சில் ஆகாஷ் சிங், சென்னை அணியின் முதல் மூன்று பேட்ஸ்மேன்களையும் வீழ்த்தி முன்னணி விக்கெட் வீச்சாளராகத் திகழ்ந்தார். முகமது ஷமி மற்றும் ஷாபாஸ் அகமது ஆகியோர் தலா ஒரு விக்கெட்டை கைப்பற்றினர். லக்னோ சூப்பர் ஜெயண்ட்ஸ் ஏற்கனவே ஐபிஎல் 2026 ப்ளேஆஃப் சுற்றுக்கான வாய்ப்பை இழந்த நிலையில், இந்தப் போட்டியில் சென்னை சூப்பர் கிங்ஸ் தோல்வியை தழுவி, அது அவர்களின் ப்ளேஆஃப் வாய்ப்புகளை வெகுவாகப் பாதிக்கும்.