IPL 2026: தனித்துவமான பேட்டர்ஸ் பட்டியலில் இணைந்த லக்னோ வீரர் மிட்செல் மார்ஷ்.. அண்ணனை போல் தம்பி

சென்னை: ஐபிஎல் 2026 தொடரில் சென்னை சூப்பர் கிங்ஸ் அணிக்கு எதிரான போட்டியில் லக்னோ சூப்பர் ஜெயன்ட்ஸ் அணியின் தொடக்க வீரரான மிட்செல் மார்ஷ்,முக்கிய மைல்கல்லை எட்டியுள்ளார். மே 10 அன்று நடந்த இப்போட்டியில் 10 ரன்கள் மட்டுமே எடுத்திருந்தாலும், LSG அணிக்காக ஐபிஎல் தொடரில் 1000 ரன்களைக் கடந்து சாதனை படைத்தார்.

நடப்பு ஐபிஎல் சீசனில் LSG அணிக்காக அதிக ரன்கள் குவித்த மிட்செல் மார்ஷ், தனது 24-வது இன்னிங்ஸிலேயே 1000 ரன்களை எட்டினார். லக்னோ அணிக்காக, ஒரு அணிக்காக மிக விரைவாக 1000 ரன்களைக் கடந்த முதல் வீரர் என்ற பெருமையை அவர் பெற்றுள்ளார்.

ஒட்டுமொத்தமாக, 25-க்கும் குறைவான இன்னிங்ஸ்களில் ஒரே அணிக்காக 1000 ஐபிஎல் ரன்களை அடித்த ஆறாவது வீரர் இவராவார்.மிட்செல் மார்ஷுக்கு முன், கே.எல். ராகுல், நிக்கோலஸ் பூரன் மற்றும் ஆயுஷ் படோனி ஆகியோரும் லக்னோ சூப்பர் ஜெயன்ட்ஸ் அணிக்காக ஐபிஎல் தொடரில் 1000 ரன்களை எட்டியுள்ளனர் என்பது குறிப்பிடத்தக்கது.

ஒரு குறிப்பிட்ட ஐபிஎல் அணிக்காக மிக விரைவாக 1000 ரன்களைக் கடந்த உலக சாதனை கிறிஸ் கெய்லிடம் உள்ளது. ராயல் சேலஞ்சர்ஸ் பெங்களூரு (RCB) அணிக்காக கெய்ல், வெறும் 20 இன்னிங்ஸ்களில் இந்த மைல்கல்லை எட்டினார்.

இவரைத் தொடர்ந்து, ஷான் மார்ஷ் பஞ்சாப் கிங்ஸ் அணிக்காக 21 இன்னிங்ஸ்களிலும், முன்னாள் மேற்கிந்திய தீவுகள் வீரர் லெண்டல் சிம்மன்ஸ் மும்பை இந்தியன்ஸ் அணிக்காக 23 இன்னிங்ஸ்களிலும் 1000 ரன்களை எட்டியுள்ளனர். கே.எல். ராகுல் பஞ்சாப் கிங்ஸ் அணிக்காக தனது 23-வது ஐபிஎல் இன்னிங்ஸில் 1000 ரன்களைக் கடந்தார்.

24 இன்னிங்ஸ்களில் ஒரே அணிக்காக 1000 ஐபிஎல் ரன்களைக் குவித்த வீரர்களில், சென்னை சூப்பர் கிங்ஸ் அணியின் டேவன் கான்வே, டெல்லி கேப்பிடல்ஸ் அணியின் கே.எல். ராகுல் மற்றும் லக்னோவின் மிட்செல் மார்ஷ் ஆகிய மூவரும் இடம்பெற்றுள்ளனர். இவர்களுடன், 25 இன்னிங்ஸ்களில் இந்த மைல்கல்லை எட்டிய மேத்யூ ஹேடன் மற்றும் சாய் சுதர்சன் ஆகியோரும் உள்ளனர்.