ஐபிஎல் வரலாற்றில் ஆர்சிபி வீரர் மோசமான சாதனை.. இதுவரை இதுக்கு முன் இப்படி நடந்ததே இல்ல

மும்பை: ஐபிஎல் 2026 தொடரில் ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையே போட்டி நடைபெற்றது. இதில் ஆர்சிபி அணியின் தொடக்க ஆட்டக்காரரான ஃபில் சால்ட் முதல் பந்திலேயே ஆட்டமிழந்து ரசிகர்களுக்கு அதிர்ச்சியளித்தார். ஜோஃப்ரா ஆர்ச்சர் வீசிய பந்தில் துருவ் ஜூரெல் வசம் பிடிபட்டு அவர் பெவிலியன் திரும்பினார்.

ஃபில் சால்ட்டின் இந்த அவுட், அவரை ஐபிஎல் வரலாற்றில் ஒரு புதிய பட்டியலில் இணைத்தது. ஐபிஎல் போட்டியில் மூன்று முறை முதல் பந்திலேயே ஆட்டமிழந்த முதல் வீரர் என்ற விரும்பத்தகாத சாதனையை அவர் படைத்தார். ராயல் சேலஞ்சர்ஸ் பெங்களூருவுக்கு இது 2026 ஐபிஎல் தொடரின் மூன்றாவது போட்டியாகும் என்பது குறிப்பிடத்தக்கது.

முன்னதாக, ஃபில் சால்ட் மே 2, 2023 அன்று டெல்லி கேப்பிடல்ஸ் அணிக்காக குஜராத் டைட்டன்ஸுக்கு எதிராக அகமதாபாத்தில் விளையாடியபோது முகமது ஷமி பந்தில் முதல் பந்திலேயே வெளியேறினார். அதைத் தொடர்ந்து, ஏப்ரல் 8, 2024 அன்று கொல்கத்தா நைட் ரைடர்ஸ் அணிக்காக களமிறங்கியபோது, சென்னை சூப்பர் கிங்ஸ் பந்துவீச்சாளர் துஷார் தேஷ்பாண்டே பந்தில் முதல் பந்திலேயே ஆட்டமிழந்தார். இது ஒரு கோல்டன் டக் ஆக பதிவானது.

இருப்பினும், ஃபில் சால்ட் தனது முதல் டக்கை ஏப்ரல் 24, 2023 அன்று சன்ரைசர்ஸ் ஹைதராபாத்துக்கு எதிராக டெல்லி கேப்பிடல்ஸ் அணிக்காக பதிவு செய்தார். ராஜீவ் காந்தி சர்வதேச மைதானத்தில் நடைபெற்ற அந்தப் போட்டியில் அவர் மூன்றாவது பந்தில் ஆட்டமிழந்தார் என்பது இங்கு கவனிக்கத்தக்கது.

ஐபிஎல் வரலாற்றில் அதிக முறை முதல் பந்தில் ஆட்டமிழந்த வீரர்களில், முன்னாள் இந்திய விக்கெட் கீப்பர் பேட்ஸ்மேன் பார்த்திவ் பட்டேல் முதலிடத்தில் உள்ளார். அவர் ஆறு அணிகளுக்காக 139 ஐபிஎல் போட்டிகளில் விளையாடி நான்கு முறை முதல் பந்தில் வெளியேறியுள்ளார். ஃபில் சால்ட்டைத் தவிர்த்து, டிவைன் ஸ்மித், பிருத்வி ஷா மற்றும் கே.எல். ராகுல் ஆகிய நான்கு வீரர்களும் தலா மூன்று முறை முதல் பந்தில் ஆட்டமிழந்துள்ளனர்.

ஃபில் சால்ட் ஆட்டமிழந்த பிறகு, நடப்பு சாம்பியன்களான ஆர்சிபி அணிக்காக தேவதத் படிக்கல் மூன்றாவது இடத்தில் களமிறங்கினார். புள்ளிப்பட்டியலில் முதலிடத்திலுள்ள ராஜஸ்தான் ராயல்ஸுக்கு எதிரான இப்போட்டியில் அவர் விளையாடினார். நடப்பாண்டு ஐபிஎல் தொடரின் முதல் இரண்டு போட்டிகளிலும் படிக்கல் இரண்டு அரை சதங்கள் அடித்து சிறப்பான ஃபார்மில் உள்ளார்.