IPL 2026: சிஎஸ்கே அணி பிளே ஆப்க்கு தகுதி பெற இன்னும் எத்தனை போட்டி வெல்லனும்?

மும்பை: ஐபிஎல் 2026 ஆம் ஆண்டு சீசனில் சென்னை சூப்பர் கிங்ஸ் அணி டெல்லி கேப்பிட்டல் அணிக்கு எதிராக 8 விக்கெட்டுகள் வித்தியாசத்தில் அபார வெற்றியை பெற்றது. முதலில் பேட்டிங் செய்த டெல்லி அணி 155 ரன்கள் மட்டுமே எடுக்க சிஎஸ்கே அணி இரண்டு விக்கெட்டுகளை மட்டுமே இழந்தது.

15 பந்துகள் எஞ்சிய நிலையில் வெற்றியை பெற்றது. இதன் மூலம் சென்னை சூப்பர் கிங்ஸ் அணி 10 போட்டிகளில் விளையாடி 5 வெற்றி 5 தோல்வி என பத்து புள்ளிகளுடன் தற்போது புள்ளி பட்டியலில் தொடர்ந்து ஆறாவது இடத்தில் நீடிக்கிறது.

டெல்லி அணி 4 வெற்றி ஆறு தோல்வி என எட்டு புள்ளிகளுடன் ஏழாம் இடத்தில் உள்ளது. பஞ்சாப் அணி 13 புள்ளிகளுடன் முதல் இடத்திலும் ஆர் சி பி, சன்ரைசர்ஸ், ராஜஸ்தான், குஜராத் ஆகிய அணிகள் தலா 12 புள்ளிகள் உடன் அடுத்தடுத்த இடத்தில் இருக்கின்றது. இந்த சூழலில் சிஎஸ்கே அணி பிளே ஆப் சுற்றுக்கு செல்ல வேண்டும் என்றால் எஞ்சியுள்ள நான்கு போட்டிகளில் மூன்று போட்டிகளில் கண்டிப்பாக வெற்றி பெற்று ஆக வேண்டும்.

CSK vs DC: ஆட்டத்தையே மாற்றிய பந்து.. ராகுலை வீழ்த்திய பின் அகில் ஹொசைன் செய்த முகமூடி கொண்டாட்டம்

இதன் மூலம் 16 புள்ளிகள் பெற்று நான்காவது இடத்தை பிடிக்க முடியும். ஒரு வேளை எஞ்சிய நான்கு போட்டிகள் வென்றால் சிஎஸ்கே அணி கண்டிப்பாக பிளே ஆப் சுற்றுக்கு சென்று விட முடியும். சிஎஸ்கே அணி இன்னும் லக்னோவுக்கு எதிராக இரண்டு போட்டிகளில் விளையாட வேண்டும். பஞ்சாப் அணிக்கு எதிராக ஒரு போட்டியில் விளையாட வேண்டும்.

IPL 2026: 102 கிலோ எடை இருந்தேன்.. தோனியை பார்த்து தான் வாழ்க்கை மாறியது.. மும்பை வீரர் ரகு சர்மா

இதேபோன்று டெல்லி அணியை பொறுத்தவரை எஞ்சியுள்ள நான்கு போட்டிகளில் வெற்றி பெற்றால் மட்டுமே 16 புள்ளிகளை பெற முடியும். அப்போதும் கூட மற்ற அணிகளின் தயவு இருந்தால் மட்டுமே வெற்றி பெற முடியும். எட்டாவது இடத்தில் உள்ள கொல்கத்தா அணிக்கும், ஒன்பதாவது இடத்தில் உள்ள மும்பை அணிக்கும்,பத்தாவது இடத்தில் உள்ள லக்னோ அணிக்கும் கிட்டத்தட்ட பிளே ஆப் சுற்று வாய்ப்பு முடிந்து விட்டது.