IPL 2026: பிராப்சிம்ரன் சிங் அபார சாதனை.. சூர்யகுமார், அபிஷேக் யாதவ்க்கு பிறகு 3வது வீரர் என பெருமை

சந்திகார்: பஞ்சாப் கிங்ஸ் அணியின் தொடக்க ஆட்டக்காரரான பிரப்சிம்ரன் சிங், ஐபிஎல் 2026 தொடரில், 400 ரன்கள் மைல்கல்லை எட்டியுள்ளார். மும்பை இந்தியன்ஸுக்கு எதிரான போட்டியில் இந்தச் சாதனையை அவர் நிகழ்த்தினார். தரம்சாலாவில் நடைபெற்ற இந்தப் போட்டியில், தீபக் சாஹரின் பந்துவீச்சில் ஒரு ரன் எடுத்து ஆறாவது ஓவரில் பிரப்சிம்ரன் இந்த முக்கிய மைல்கல்லை அடைந்தார். விக்கெட் கீப்பர்-பேட்டரான இவர், 32 பந்துகளில் 57 ரன்கள் குவித்து அசத்தினார்.

இந்தச் சாதனையுடன், பிரப்சிம்ரன் சிங் சாதனை பட்டியலிலும் இணைந்துள்ளார். சூர்யகுமார் யாதவ் மற்றும் அபிஷேக் சர்மாவுக்குப் பிறகு, பல ஐபிஎல் சீசன்களில் 400 ரன்களுக்கு மேல் எடுத்த மூன்றாவது அன்-கேப்ட் இந்திய வீரர் என்ற பெருமையைப் பெறுகிறார்.

சூர்யகுமார் யாதவ், இந்திய அணிக்காக விளையாடுவதற்கு முன் 2018, 2019, 2020 ஆகிய சீசன்களிலும், அபிஷேக் சர்மா 2022, 2024 ஆகிய சீசன்களிலும் இதைச் செய்துள்ளனர். பிரப்சிம்ரனுக்கு இது 2025 மற்றும் 2026 ஆம் ஆண்டின் இரண்டாவது சீசனாகும்.

சமீப வாரங்களாக தனது உடற்தகுதி குறித்து எழுந்த விமர்சனங்களுக்கு, தனது அதிரடி ஆட்டத்தால் பதிலடி கொடுத்தார். 32 பந்துகளில் 57 ரன்கள் எடுத்த அவரது இன்னிங்ஸில் ஆறு பவுண்டரிகளும், நான்கு சிக்ஸர்களும் அடங்கும். ஷர்துல் தாக்கூர் வீசிய 12வது ஓவரில் ஆட்டமிழப்பதற்கு முன்னதாக, தனது அணிக்கு வலுவான தொடக்கத்தை இவர் அளித்தார். இந்த சீசனில் இது அவரது ஐந்தாவது அரைசதமாகும்.

IPL 2026: முதலிடத்தில் ஆர்சிபி இருந்தாலும், தொடரை விட்டு வெளியேறும் அபாயம்.. விவரம்

பிரப்சிம்ரன் சிங் இந்த சீசனில் பஞ்சாப் கிங்ஸ் அணியின் அதிக ரன் குவித்த வீரராக உள்ளார். இதுவரை 12 போட்டிகளில் 439 ரன்கள் சேர்த்துள்ள இவர், 21 சிக்ஸர்களையும், 48 பவுண்டரிகளையும் விளாசியுள்ளார். இவரது ஸ்ட்ரைக் ரேட் 170.15 ஆக இருக்கிறது. தனது உடற்தகுதி குறித்த குற்றச்சாட்டுகள் மற்றும் அணியின் ஃபார்ம் குறைந்து வருவது தொடர்பான விவாதங்களுக்கு பதிலளிக்கும் விதமாக, 'அமைதி' எமோஜி கொண்ட இன்ஸ்டாகிராம் ஸ்டோரியையும், சட்டை அணியாத புகைப்படத்தையும் பகிர்ந்ததால், இவர் சமூக வலைத்தளங்களில் பேசுபொருளானார்.