IPL 2026: செஞ்சூரி அடிச்சிருப்பேன்.. அவுட்டானதும், கடுப்பான கோலி.. மனைவி அனுஷ்கா சோகம்

தரம்சாலா: ஐபிஎல் 2026 தகுதிச்சுற்று 1 போட்டியில், குஜராத் டைட்டன்ஸ் (GT) அணியின் ஜேசன் ஹோல்டர், ராயல் சேலஞ்சர்ஸ் பெங்களூரு (RCB) நட்சத்திர வீரர் விராட் கோலியின் விக்கெட்டை வீழ்த்தி அசத்தினார். இப்போட்டி இமாச்சல பிரதேச கிரிக்கெட் சங்க மைதானத்தில் நடைபெற்றது.

ஹோல்டர் வீசிய ஷார்ட் பந்தை காலின் பக்கம் இழுக்க முயன்றபோது, பந்து பேட்டின் எட்ஜில் பட்டு ஸ்டம்பை தாக்க கோலி ஆட்டமிழந்தார். 25 பந்துகளில் ஒரு சிக்ஸர், ஐந்து பவுண்டரிகளுடன் 43 ரன்கள் எடுத்த அவர், 9வது ஓவரில் ஆர்சிபி 93/2 என்ற நிலையில் வெளியேறினார். தனது தவறை எண்ணி கோலி அதிர்ச்சியடைந்தார்.

கோலி அவுட்டான போது, அவரது மனைவி அனுஷ்கா சர்மாவும் ஷாக் ஆனார். இந்த 43 ரன்கள் மூலம் நடப்பு சீசனில் 600 ரன்களைக் கடந்த விராட் கோலி (37), ஒரு சதம், நான்கு அரைசதங்கள் அடித்துள்ளார். கோலியின் விக்கெட்டை வீழ்த்திய அதே ஓவரில், ஜேசன் ஹோல்டர் தேவ்தத் படிக்கல்லையும் வெளியேற்றி, கோலி-படிக்கல் பார்ட்னர்ஷிப் உடைத்து ஜிடி அணிக்கு திருப்புமுனையேற்படுத்தினார்.

IPL 2026: தெறிக்கவிட்ட ரபாடா.. உலக அளவில் மாபெரும் சாதனை.. இது பேட்டர் கேம்னு யார் சொன்னா?

முன்னதாக, ககிசோ ரபாடா வெங்கடேஷ் ஐயரை 19 ரன்களில் ஆட்டமிழக்கச் செய்தார். 9.1 ஓவர்கள் முடிவில் ஆர்சிபி 97/3 என்று இருந்தது. கேப்டன் ரஜத் படிதார் மற்றும் க்ருணால் பாண்டியா களத்தில் இருந்தனர்.

ஐபிஎல் 2026 புள்ளிப்பட்டியலில் ஆர்சிபி முதலிடமும், ஜிடி இரண்டாம் இடமும் பிடித்ததால், இரு அணிகளுக்கும் இறுதிப்போட்டிக்குச் செல்ல இரண்டு வாய்ப்புகள் உண்டு. இந்தப் போட்டியில் வெற்றி பெறும் அணி நேரடியாக இறுதிப் போட்டிக்கு முன்னேறும், தோற்கும் அணி தகுதிச்சுற்று 2-ல் மோதும்.

IPL 2026: ஒரு விக்கெட்டுக்கு இத்தனை கோடியா? பும்ரா உள்ளிட்ட 5 பவுலர்களின் மோசமான செயல்பாடு

ஐபிஎல் 2026 தொடரில் இது இரு அணிகளும் மோதும் மூன்றாவது போட்டி. முதல் ஆட்டத்தில் பெங்களூருவில் ஆர்சிபி 5 விக்கெட்டுகளாலும், அடுத்த போட்டியில் அகமதாபாத்தில் ஜிடி 4 விக்கெட்டுகளாலும் வெற்றி பெற்றன. கடந்த ஆண்டு ஐபிஎல் 2025 கோப்பையை வென்ற ஆர்சிபி, தொடர்ச்சியாக இரண்டாவது பட்டத்தைப் பாதுகாக்க முனைப்புடன் உள்ளது.