IPL 2026: ஆர்சிபி அணி பெங்களூருவில் எத்தனை போட்டியில் விளையாடும்.. வெளியான அறிவிப்பு

ஐபிஎல் 2026 சீசனுக்கான மிக முக்கியமான அறிவிப்பு ராயல் சேலஞ்சர்ஸ் பெங்களூரு அணிக்கு வெளியாகியுள்ளது. பெங்களூருவில் உள்ள எம்.சின்னசாமி மைதானத்தில் அணி தனது ஐந்து ஹோம் போட்டிகளை நடத்த அதிகாரப்பூர்வ அனுமதி பெற்றுள்ளது. இந்தச் செய்தி வெளியானதும், RCB ரசிகர்கள் சமூக வலைத்தளங்களில் தங்கள் உற்சாகத்தை வெளிப்படுத்தத் தொடங்கிவிட்டனர்.

கடந்த சீசனில் RCB அணி சாம்பியன் பட்டம் வென்றதை அடுத்து, சின்னசாமி மைதானத்தில் ரசிகர்களுடன் கொண்டாட்ட நிகழ்ச்சிக்கு ஏற்பாடு செய்யப்பட்டது. அப்போது ஏற்பட்ட கூட்டநெரிசலில் துரதிர்ஷ்டவசமாக பல ரசிகர்கள் உயிரிழந்தனர். இந்த துயரச் சம்பவத்தை அடுத்து, சின்னசாமி மைதானத்தில் கிரிக்கெட் போட்டிகளை நடத்த தற்காலிக தடை விதிக்கப்பட்டது.

இதன் பின்னர், பாதுகாப்பு ஏற்பாடுகள் குறித்து மாநில அரசு மற்றும் அதிகாரிகள் விரிவான ஆலோசனை நடத்தினர். புதிய பாதுகாப்பு விதிமுறைகள், கூட்ட நெரிசலைக் கட்டுப்படுத்துதல், கூடுதல் போலீஸ் பாதுகாப்பு மற்றும் நுழைவு வாயில்களில் தீவிர கண்காணிப்பு போன்ற பல நடவடிக்கைகளை மேற்கொள்ள அரசு உறுதியளித்தது. இந்த உறுதியின் அடிப்படையில்தான் ஐபிஎல் 2026 சீசனில் ஐந்து ஹோம் போட்டிகளை நடத்த தற்போது அனுமதி வழங்கப்பட்டுள்ளது.

T20 WC: அரையிறுதியில் இந்த இந்திய வீரர் தான் அதிக ரன்கள் குவிப்பார்.. ரிக்கி பாண்டிங் கணிப்பு

சின்னசாமி மைதானம், பாரம்பரியமாக பேட்டிங் செய்ய சாதகமான மைதானமாகவே அறியப்படுகிறது. அதன் சிறிய பவுண்டரிகள் மற்றும் வேகமான அவுட்ஃபீல்ட் காரணமாக இங்கு பெரும்பாலும் அதிக ஸ்கோர் குவிக்கப்படுகிறது. இது RCB அணியின் அதிரடி பேட்டிங் வரிசைக்கு கூடுதல் பலமாக அமையும். மேலும், "ஈ சாலா கப் நம்டூ" என்ற ரசிகர்களின் முழக்கம் மீண்டும் மைதானத்தில் எதிரொலிக்க வீரர்கள் தயாராகி வருகின்றனர்.

சொந்த மைதானத்தில் விளையாடுவது எந்த ஒரு அணிக்கும் எப்போதும் ஒரு கூடுதல் பலத்தைக் கொடுக்கும். ரசிகர்கள் தரும் அமோக ஆதரவு வீரர்களின் நம்பிக்கையை அதிகரிக்கும். ஐபிஎல் 2026 சீசன் தொடங்குவதற்கு முன்பே பெங்களூருவில் கிரிக்கெட் காய்ச்சல் மெல்ல அதிகரிக்கத் தொடங்கியுள்ளது.

IPL 2026: பயிற்சியை தொடங்கிய சிஎஸ்கே.. இனி அதிரடி தான்.. சிக்சர்களை பறக்கவிட்ட தோனி, ருதுராஜ்

முழு அட்டவணை விரைவில் வெளியாக உள்ள நிலையில், RCB அணி தனது சொந்த மண்ணில் வெற்றிகரமான பயணத்தைத் தொடங்குமா என்ற எதிர்பார்ப்பு அதிகரித்துள்ளது. இந்த சீசன் மீண்டும் ஒரு மறக்க முடியாத அனுபவமாக RCB ரசிகர்களுக்கு அமையுமா என்பதே தற்போது அனைவரின் மனதிலும் எழும் முக்கிய கேள்வியாக உள்ளது.