IPL 2026: சதம் அடிக்க முயற்சிப்பது சுயநலம்.. அணியின் வெற்றியே முக்கியம்.. சாதனைக்கு பிறகு சாம்சன் கருத்து

டெல்லி: சஞ்சு சாம்சனின் அபார ஆட்டத்தால் சென்னை சூப்பர் கிங்ஸ் அணி டெல்லி கேபிடல்ஸை வீழ்த்தி இந்த சீசனின் ஐந்தாவது வெற்றியைப் பதிவு செய்தது. அவர் ஆட்டமிழக்காமல் 87 ரன்கள் குவித்து அணியை வெற்றிப் பாதைக்கு அழைத்துச் சென்றார்.

டெல்லிக்கு எதிரான போட்டியில் சாம்சன் 52 பந்துகளில் ஆட்டமிழக்காமல் 87 ரன்கள் விளாசினார். இதில் 6 சிக்ஸர்களும் 7 பவுண்டரிகளும் அடங்கும். கார்த்திக் ஷர்மாவுடன் இணைந்து 66 பந்துகளில் 114 ரன்கள் குவித்து, சென்னை அணிக்கு வெற்றியை உறுதி செய்தார்.

இது டெல்லிக்கு எதிராக சென்னை அணி எடுத்த ஐந்தாவது 100 ரன் பார்ட்னர்ஷிப். அதே ஐபிஎல் சீசனில் டெல்லி கேபிடல்ஸ் அணிக்கு எதிராக இரண்டு நூறு ரன்களுக்கும் அதிகமான கூட்டணிகளை (கார்த்திக் ஷர்மாவுடன் 114 ரன்கள் மற்றும் ஆயுஷ் மாத்ரேவுடன் 113 ரன்கள்) அமைத்த முதல் பேட்ஸ்மேன் சஞ்சு சாம்சன் ஆவார்.

IPL 2026: சிஎஸ்கே அணி பிளே ஆப்க்கு தகுதி பெற இன்னும் எத்தனை போட்டி வெல்லனும்?

ருதுராஜ் கெய்க்வாட் டெல்லிக்கு எதிராக அதிக சதக் கூட்டணிகளில் (மூன்று) பங்கேற்றாலும், அவை வெவ்வேறு ஐபிஎல் சீசன்களில் (2021, 2022, 2023) அமைந்தன என்பது குறிப்பிடத்தக்கது.ஆட்ட நாயகன் விருது பெற்ற சஞ்சு சாம்சன், போட்டிக்குப் பிந்தைய நேர்காணலில், "உங்களுக்கு எது சிறப்பாக வேலை செய்கிறது என்பதைக் கண்டுபிடித்து, அடிப்படை விஷயங்களில் நிலைத்திருப்பது முக்கியம். இந்த வடிவத்தில் உங்கள் கரங்களின் திறமையை நம்ப வேண்டும். எனது ஆரம்ப நகர்வுகளில் பணியாற்றி வருகிறேன், அது இப்போதெல்லாம் சிறப்பாக செயல்படுகிறது," எனத் தெரிவித்தார்.

IPL 2026: சிஎஸ்கே அணி பிளே ஆப்க்கு தகுதி பெற இன்னும் எத்தனை போட்டி வெல்லனும்?

அணியின் வெற்றிக்காக தனிப்பட்ட சத மைல்கல்லை தியாகம் செய்ததாக சாம்சன் தெரிவித்தார். "சதத்தை எட்டுவது சுயநலமாக இருந்திருக்கும். அதனால், ஆட்டத்தை வெல்வோம், மற்ற பார்ட்னர் நன்றாக பேட்டிங் செய்து கொண்டிருந்தார். ஆட்டமிழக்காமல் திரும்பி வந்து, ஆட்டத்தை முடித்து வைப்பது அதிக திருப்தியை அளிக்கிறது. இன்னும் சில போட்டிகள் உள்ளன. மீண்டும் மூன்று இலக்க ரன்களை எட்டுகிறேனா என்று பார்ப்போம்," என்று சாம்சன் கூறினார்.