ஐபிஎல் 2026 அட்டவணை முதல் 20 நாள் போட்டிகள் விவரம் வெளியீடு.. சிஎஸ்கே முதல் போட்டி எப்போது?

ஐபிஎல் 2026 சீசனுக்கான முதல் 20 நாட்களுக்கான அட்டவணையை மட்டும் பிசிசிஐ வெளியிடப்பட உள்ளது. உலகெங்கிலும் உள்ள கிரிக்கெட் ரசிகர்கள் ஆவலுடன் எதிர்பார்த்துக் கொண்டிருக்கும் இந்த 19வது இந்தியன் பிரீமியர் லீக் தொடரில் மொத்தமாக 84 லீக் போட்டிகள் நடைபெற உள்ளது.

இந்த ஆண்டு அட்டவணை தமிழ்நாடு, மேற்கு வங்கம் ஆகிய சட்டமன்றத் தேர்தல்களைக் கருத்தில் கொண்டு இரு கட்டங்களாக அறிவிக்கப்படும் என்பது குறிப்பிடத்தக்கது.ஐபிஎல் 2026 தொடரின் தொடக்க கால அட்டவணை குறித்து பிசிசிஐ அதிகாரப்பூர்வமாக வெளியிட்டுள்ளது.

நடப்பு சாம்பியன் ராயல் சேலஞ்சர்ஸ் பெங்களூரு அணி மார்ச் 28 அன்று சன்ரைசர்ஸ் ஹைதராபாத் அணியுடன் பெங்களூரு சின்னசாமி மைதானத்தில் மோதும். இந்த போட்டிதான் ஐபிஎல் 2026 சீசனின் முதல் போட்டியாக இருக்கும். ஆர்சிபி அணி 2025 ஐபிஎல் கோப்பையை பஞ்சாப் கிங்ஸ் அணியை வீழ்த்தி வென்றது குறிப்பிடத்தக்கது. சென்னை அணி தங்களுடைய முதல் போட்டியை மார்ச் 30ஆம் தேதி ராஜஸ்தானை எதிர்கொள்கிறது. இந்த போட்டி கவுஹாத்தியில் நடைபெற உள்ளது.

டி20 உலககோப்பையை கோயிலுக்கு எடுத்து சென்றது ஏன்? கம்பீர் பதில்

ராயல் சேலஞ்சர்ஸ் பெங்களூருவின் ஏப்ரல் 12 வரையிலான முதல் கட்ட ஆட்டங்கள்: மார்ச் 28 அன்று சன்ரைசர்ஸ் ஹைதராபாத் (பெங்களூரு), ஏப்ரல் 5 அன்று சென்னை சூப்பர் கிங்ஸ் (பெங்களூரு), ஏப்ரல் 10 அன்று ராஜஸ்தான் ராயல்ஸ் (குவஹாத்தி), ஏப்ரல் 12 அன்று மும்பை இந்தியன்ஸ் (மும்பை) ஆகிய அணிகளுடன் நடைபெற உள்ளன.

சென்னை சூப்பர் கிங்ஸ் (சிஎஸ்கே) அணி மார்ச் 30 அன்று ராஜஸ்தான் ராயல்ஸ் (குவஹாத்தி), ஏப்ரல் 3 அன்று பஞ்சாப் கிங்ஸ் (சென்னை), ஏப்ரல் 5 அன்று ராயல் சேலஞ்சர்ஸ் பெங்களூரு (பெங்களூரு), ஏப்ரல் 11 அன்று டெல்லி கேபிடல்ஸ் (சென்னை) அணிகளுடன் முதல் கட்ட ஆட்டங்களில் மோதுகிறது.

மும்பை இந்தியன்ஸ் (எம்ஐ) அணியின் முதல் கட்டப் போட்டிகள் மார்ச் 29 அன்று கொல்கத்தா நைட் ரைடர்ஸ் (மும்பை), ஏப்ரல் 4 அன்று டெல்லி கேபிடல்ஸ் (டெல்லி), ஏப்ரல் 7 அன்று ராஜஸ்தான் ராயல்ஸ் (குவஹாத்தி), ஏப்ரல் 12 அன்று ராயல் சேலஞ்சர்ஸ் பெங்களூரு (மும்பை) ஆகிய அணிகளுக்கு எதிராக நடைபெற உள்ளன.

கொல்கத்தா நைட் ரைடர்ஸ் (கேகேஆர்) அணியின் ஏப்ரல் 12 வரையிலான முதல் கட்ட ஆட்டங்கள்: மார்ச் 29 அன்று மும்பை இந்தியன்ஸ் (மும்பை), ஏப்ரல் 2 அன்று சன்ரைசர்ஸ் ஹைதராபாத் (கொல்கத்தா), ஏப்ரல் 6 அன்று பஞ்சாப் கிங்ஸ் (கொல்கத்தா), ஏப்ரல் 9 அன்று லக்னோ சூப்பர் ஜெயன்ட்ஸ் (கொல்கத்தா) ஆகியவற்றுடன் அமைந்திருக்கின்றன.

பஞ்சாப் கிங்ஸ் (பிபிகேஎஸ்) ஏப்ரல் 12 வரையிலான முதல் கட்டப் போட்டிகளில்: மார்ச் 31 அன்று குஜராத் டைட்டன்ஸ் (முல்லன்பூர்), ஏப்ரல் 3 அன்று சென்னை சூப்பர் கிங்ஸ் (சென்னை), ஏப்ரல் 6 அன்று கொல்கத்தா நைட் ரைடர்ஸ் (கொல்கத்தா), ஏப்ரல் 11 அன்று சன்ரைசர்ஸ் ஹைதராபாத் (முல்லன்பூர்) ஆகிய அணிகளை எதிர்கொள்கிறது.

டெல்லி கேபிடல்ஸ் (டிசி) அணியின் முதல் கட்ட ஆட்டங்கள்: ஏப்ரல் 1 அன்று லக்னோ சூப்பர் ஜெயன்ட்ஸ் (லக்னோ), ஏப்ரல் 4 அன்று மும்பை இந்தியன்ஸ் (டெல்லி), ஏப்ரல் 8 அன்று குஜராத் டைட்டன்ஸ் (டெல்லி), ஏப்ரல் 11 அன்று சென்னை சூப்பர் கிங்ஸ் (சென்னை) ஆகிய அணிகளுடன் நடைபெறவுள்ளன.

IPL 2026: தோனி அனைத்து போட்டிகளிலும் விளையாடுவார்.. ஆனால்.... ட்விஸ்ட் வைத்த சிஎஸ்கே சிஇஓ காசி விஸ்வநாதன்

குஜராத் டைட்டன்ஸ் (ஜிடி) அணியின் முதல் கட்ட ஆட்டங்கள்: மார்ச் 31 அன்று பஞ்சாப் கிங்ஸ் (முல்லன்பூர்), ஏப்ரல் 4 அன்று ராஜஸ்தான் ராயல்ஸ் (அகமதாபாத்), ஏப்ரல் 8 அன்று டெல்லி கேபிடல்ஸ் (டெல்லி), ஏப்ரல் 12 அன்று லக்னோ சூப்பர் ஜெயன்ட்ஸ் (லக்னோ) ஆகிய அணிகளுக்கு எதிராக நடைபெறும். ரசிகர்கள் இந்த போட்டிகளை காண ஆவலுடன் காத்திருக்கின்றனர்.