IPL 2026: சும்மா ஒன்னும் கேப்டன் ஆகல.. அடிச்சி நொறுக்கிய சுப்மன் கில்.. GT அணிக்காக புதிய சாதனை

அகமதாபாத்: ஐபிஎல் 2026 தொடரில் ஆர்சிபி அணிக்கு எதிரான குஜராத் டைட்டன்ஸ் அணியின் 9வது லீக் போட்டியில், கேப்டன் ஷுப்மன் கில் வரலாற்றுச் சாதனை படைத்துள்ளார். குஜராத் டைட்டன்ஸ் அணிக்காக 100 சிக்ஸர்களை அடித்த முதல் வீரர் என்ற பெருமையை அவர் பெற்றுள்ளார்.

கில் விளையாடிய 68வது ஐபிஎல் போட்டி இது. 26 வயதான கில்,தனது சிக்ஸர் எண்ணிக்கையை 100 ஆக உயர்த்த மூன்று சிக்ஸர்கள் தேவைப்பட்ட நிலையில், ராயல் சேலஞ்சர்ஸ் பெங்களூரு அணி நிர்ணயித்த 156 ரன்கள் இலக்கைத் துரத்தும் போது 18 பந்துகளில் 43 ரன்கள் குவித்தார்.

கில், புவனேஷ்வர் குமார் வீசிய முதல் ஓவரின் மூன்றாவது பந்தில் முதல் சிக்ஸரையும், ஜோஷ் ஹேசில்வுட் வீசிய இரண்டாவது ஓவரின் நான்காவது பந்தில் இரண்டாவது சிக்ஸரையும் விளாசினார். அதே ஓவரின் ஆறாவது பந்தில், தனது 100வது சிக்ஸரை அடித்து குஜராத் டைட்டன்ஸ் பட்டியலில் முதல் வீரர் ஆனார்.

குஜராத் டைட்டன்ஸ் அணிக்காக ஐபிஎல் தொடரில் அதிக சிக்ஸர்களை அடித்த வீரர்களின் பட்டியலில் ஷுப்மன் கில் (68 போட்டிகள், 100 சிக்ஸர்கள்) முதலிடம் வகிக்கிறார். சாய் சுதர்சன் (49 போட்டிகள், 69 சிக்ஸர்கள்), டேவிட் மில்லர் (41 போட்டிகள், 44 சிக்ஸர்கள்), ஜோஸ் பட்லர் (23 போட்டிகள், 39 சிக்ஸர்கள்), ஹர்திக் பாண்டியா (31 போட்டிகள், 27 சிக்ஸர்கள்) அடுத்த நிலையில் உள்ளனர்.

ஐபிஎல் வரலாற்றில் ராயல் சேலஞ்சர்ஸ் பெங்களூருவின் விராட் கோலி ஒரே அணிக்காக அதிக சிக்ஸர் சாதனையை தன்வசம் வைத்துள்ளார். பெங்களூரு அணிக்காக 276 ஐபிஎல் போட்டிகளில் 306 சிக்ஸர்களை அவர் விளாசியுள்ளார். 300-க்கும் மேற்பட்ட சிக்ஸர்களை அடித்த உலகிலேயே ஒரே வீரர் இவரே. கோலி 13 பந்துகளில் 28 ரன்கள் எடுத்தார்.

அதிக சிக்ஸர்கள் அடித்த வீரர்களின் பட்டியலில் விராட் கோலியைத் தொடர்ந்து மும்பை இந்தியன்ஸ் அணியின் ரோகித் சர்மா (231 போட்டிகள், 259 சிக்ஸர்கள்) இரண்டாவது இடத்தில் உள்ளார். தற்போது போட்டிகளில் இருந்து விலகி இருக்கும் அவர் இந்தச் சாதனையை எட்டியுள்ளார்.

குஜராத் டைட்டன்ஸ் அணியின் அதிக ரன் குவித்த ஷுப்மன் கில், ஒட்டுமொத்த ஐபிஎல் தொடரில் 136 சிக்ஸர்களை அடித்துள்ளார். ஐபிஎல் 2022 மெகா ஏலத்திற்கு முன், கொல்கத்தா நைட் ரைடர்ஸ் அணிக்காக (2008-2021) 58 போட்டிகளில் விளையாடி 1417 ரன்கள் மற்றும் 36 சிக்ஸர்களை எடுத்தார்.