IPL 2026: பிரின்ஸ் சுப்மன் கில் பராக்.. அசுர பலத்துடன் திரும்பும் குஜராத் டைட்டன்ஸ்.. சம்பவம் இருக்கு!

டெல்லி: ஐபிஎல் 2026 சீசனில் குஜராத் டைட்டன்ஸ் அணி கேப்டன் சுப்மன் கில், ஏப்ரல் 8 ஆம் தேதி புதன்கிழமை டெல்லி கேப்பிடல்ஸ் அணிக்கு எதிரான போட்டியில் மீண்டும் களமிறங்குவார் என சாய் சுதர்சன் உறுதிப்படுத்தியுள்ளார். ஐபிஎல் 2026 சீசனின் முதல் இரண்டு போட்டிகளில் அடைந்த தோல்விகளுக்குப் பிறகு, GT அணி மீண்டு வர கில்லின் வருகை மிக முக்கியத்துவம் வாய்ந்தது.

தசைபிடிப்பு காரணமாக, கில் கடந்த போட்டியில் பங்கேற்கவில்லை. இதன்மூலம், குஜராத் டைட்டன்ஸ் அணிக்காக தொடர்ந்து நான்கு ஆண்டுகள் துல்லியமாக 1468 நாட்கள் ஐபிஎல் போட்டிகள் எதையும் தவறவிடாமல் விளையாடிய அவரது சாதனை முடிவுக்கு வந்தது.

கில் இல்லாத முந்தைய போட்டியில், ஆப்கானிஸ்தான் ஆல்-ரவுண்டர் ரஷித் கான் GT அணியை வழிநடத்தினார். ராஜஸ்தான் ராயல்ஸ் அணிக்கு எதிராக ஆறு ரன்கள் வித்தியாசத்தில் தோல்வியடைந்த குஜராத் அணிக்கு, ரவி பிஷ்னோயின் அபார பந்துவீச்சு இரண்டாவது தொடர் தோல்வியைப் பரிசளித்தது. இந்த சீசனின் மோசமான தொடக்கத்தால், GT தற்போது புள்ளிகள் பட்டியலில் ஒன்பதாவது இடத்தில் உள்ளது.

கேப்டன் கில்லின் வருகை சரியான தருணத்தில் அமைந்துள்ளது. சீசனின் ஆரம்பத்திலேயே தடுமாறிக்கொண்டிருக்கும் GT அணிக்கு, அவரது பேட்டிங், கேப்டன்ஷி பெரும் பலம் சேர்க்கும்.இருப்பினும், குஜராத் அணிக்கு வரவிருக்கும் சவால் சுலபமானதல்ல. அக்ஸர் படேல் தலைமையிலான டெல்லி கேப்பிடல்ஸ் அணி இந்த சீசனில் வலுவான தொடக்கத்தைக் கண்டுள்ளது.

லக்னோ சூப்பர் ஜெயன்ட்ஸ் மற்றும் மும்பை இந்தியன்ஸ் அணிகளுக்கு எதிராகப் போராடி வென்றுள்ளது. ஷமீர் ரிஸ்வி இரண்டு ஆட்டங்களில் 160 ரன்கள் குவித்து, DCயின் பேட்டிங் வரிசையில் முக்கிய வீரராகத் திகழ்கிறார்.DC நான்காவது இடத்தில் வசதியாக அமர்ந்திருக்க, ஒன்பதாவது இடத்தில் உள்ள GT மேலே வர கடுமையாகப் போராடி வருகிறது. இந்த சூழ்நிலையில், புதன்கிழமை நடைபெறவுள்ள இந்த மோதல் மிகுந்த எதிர்பார்ப்பை உருவாக்கியுள்ளது.