IPL 2026: அபிஷேக் சர்மா மோசமான சாதனை.. ஒரே ஆண்டில் 7வது முறையாக வாங்கிய முட்டை

IPL 2026: சன்ரைசர்ஸ் ஹைதராபாத் அணியின் தொடக்க ஆட்டக்காரர் அபிஷேக் ஷர்மா, ஒரு ஆண்டில் ஏழு டி20 டக்குகளைப் பதிவு செய்த முதல் இந்தியர் என்ற மோசமான சாதனையை நிகழ்த்தியுள்ளார். ஐபிஎல் 2026 சீசனில் ராஜஸ்தான் ராயல்ஸ் அணிக்கு எதிரான போட்டியில் டக் அவுட் ஆனது மூலம் அபிஷேக் சர்மா இந்த சாதனைக்கு சொந்தக்காரர் ஆனார்.

ஐதராபாத் ராஜீவ் காந்தி சர்வதேச மைதானத்தில் நடைபெற்ற ஐபிஎல் 2026 போட்டி ஒன்றில், ஜோஃப்ரா ஆர்ச்சர் வீசிய ஒரு ஷார்ட் பந்தை தவறாக அடித்து டீப் தேர்ட் பகுதியில் பிடிபட்டார். இது 2026ஆம் ஆண்டில் அவரது 18வது இன்னிங்ஸாக அமைந்ததுடன், அவர் முதல் பந்திலேயே டக் அவுட்டாகி, ஏழாவது டக்கை பதிவு செய்தார்.

முன்னதாக, சஞ்சு சாம்சன் (2024) மற்றும் ரோஹித் ஷர்மா (2018) ஆகியோர் ஆறு டக்குகளுடன் இந்த சாதனையை வைத்திருந்தனர். ஆனால், சாம்சன் மற்றும் ரோஹித் தலா 32 இன்னிங்ஸ்களில் ஆறு டக்குகளை எடுத்தனர். அபிஷேக், இந்த மோசமான சாதனையை 2026 ஆம் ஆண்டின் முதல் நான்கு மாதங்களிலேயே முறியடித்துள்ளார்.

2026 ஆம் ஆண்டில் வேறு எந்த பேட்ஸ்மேனும் ஐந்து டி20 டக்குகளைக் கூட எட்டவில்லை. அபிஷேக் ஷர்மாவின் அதிரடி அணுகுமுறை இருமுனைக் கத்தி போன்றது. ஒருபுறம், அவரது திறன், மன உறுதி மற்றும் தீவிரமான ஆக்ரோஷம் அவரை 2025 ஆம் ஆண்டில் உலகின் மிக உயர்ந்த டி20 பேட்ஸ்மேனாக உயர்த்தியது. மறுபுறம், அதே அணுகுமுறை இப்போது எதிர்மறையான விளைவுகளைத் தருகிறது.

அபிஷேக் மற்றும் டிராவிஸ் ஹெட் ஆகியோரின் பங்களிப்பு இல்லாதது 2025 இல் SRH அணியைப் பாதித்ததுபோல், 2026 ஆம் ஆண்டிலும் தொடர்கிறது. தங்கள் மிகச்சிறந்த மேட்ச் வின்னிங் வீரர்களுடன் தொடர்ந்து செல்வதா அல்லது ஒருவரை அல்லது இருவரையும் நீக்கி இளம் வீரர்களுக்கு வாய்ப்பு தருவதா என்ற குழப்பம் சன்ரைசர்ஸ் அணியில் தொடர்கிறது.

இந்திய அணி தேர்வைப் பொறுத்தவரை, அபிஷேக் ஷர்மா குறைந்த ரன்களை எடுக்கும்போது, வைபவ் சூர்யவன்ஷி போன்ற வீரர்களிடமிருந்து அவருக்கு அழுத்தம் அதிகரிக்கும். சூர்யவன்ஷி கிட்டத்தட்ட அபிஷேக்கின் அணுகுமுறையைப் பின்பற்றினாலும், மிகச் சிறந்த முடிவுகளைப் பெற்று வருகிறார். இந்த சூழ்நிலை, இந்திய அணி நிர்வாகத்தின் பொறுமையை நிச்சயம் சோதிக்கும்.