IPL 2026- சிஎஸ்கே அணிக்கு 8 ஆண்டாக தொடரும் சாபம்.. மீண்டும் அந்த நம்பரை தாண்ட முடியாமல் தோல்வி

ஐபிஎல் 2026 கிரிக்கெட் தொடரில் சென்னை சூப்பர் கிங்ஸை 10 ரன்கள் வித்தியாசத்தில் வீழ்த்தி சன்ரைசர்ஸ் ஹைதராபாத் அணி, அசத்தல் வெற்றியைப் பதிவு செய்தது. முதலில் பேட் செய்த எஸ்ஆர்ஹெச், 194 ரன்கள் குவிக்க, பதிலுக்கு சிஎஸ்கே 184/8 ரன்கள் மட்டுமே எடுத்தது. இந்த வெற்றி, நடப்பு தொடரில் சென்னை அணி சந்தித்த ஆறாவது போட்டியில் பதிவான நான்காவது தோல்வி ஆகும்.

சன்ரைசர்ஸ் ஹைதராபாத் அணியின் பேட்டிங்கிற்கு அபிஷேக் சர்மா 59 ரன்கள் மற்றும் ஹென்ரிச் கிளாசன் 59 ரன்கள் ஆகியோரின் அதிரடியான அரைசதங்கள் வலு சேர்த்தன. இருவரும் அணியின் ஸ்கோரை உயர்த்தியதுடன், சவால்மிக்க 195 ரன்கள் இலக்கை நிர்ணயிக்க முக்கிய காரணமாக அமைந்தனர். அவர்களின் ஆட்டத்தால், ஹைதராபாத் அணி பவர் ப்ளேயிலேயே 70 ரன்களுக்கு மேல் குவித்து அதிரடி துவக்கத்தை அளித்தது.

சென்னை அணியின் பந்துவீச்சில் ஜேமி ஓவர்டன் மற்றும் அன்ஷுல் கம்போஜ் தலா மூன்று விக்கெட்டுகளைக் கைப்பற்றி சிறப்பாக செயல்பட்டனர். ஓவர்டன் அபிஷேக் சர்மா, அனிகேட் வர்மா, நிதிஷ் குமார் ரெட்டி ஆகியோரின் விக்கெட்டுகளை வீழ்த்தினார். கம்போஜ், ஹென்ரிச் கிளாசன், ஷிவாங் குமார் மற்றும் லியாம் லிவிங்ஸ்டோன் ஆகியோரை ஆட்டமிழக்கச் செய்து, சன்ரைசர்ஸ் அணியை 194/9 ரன்களுக்கு கட்டுப்படுத்த உதவினார்.

195 ரன்கள் இலக்கை நோக்கி சென்னை சூப்பர் கிங்ஸ் களமிறங்கியது. பிரஃபுல் ஹிங்கே பந்துவீச வந்தார். கடந்த ஆட்டத்தின் நாயகனான ஹிங்கே பந்துவீச்சில் சஞ்சு சாம்சன் (7 ரன்கள்) ஒரு அற்புதமான சிக்ஸருடன் துவங்கினார். கேப்டன் ருதுராஜ் கெய்க்வாடும் அடுத்தடுத்து இரண்டு பவுண்டரிகளை அடித்து ஓவரை முடித்தார். முதல் ஓவர் முடிவில் சிஎஸ்கே விக்கெட் இழப்பின்றி 15 ரன்கள் எடுத்து அதிரடியாகத் தொடங்கியது.

இரண்டாம் ஓவரை நிதிஷ் குமார் ரெட்டி வீசி உடனடி தாக்கத்தை ஏற்படுத்தினார். அவர் வந்த முதல் பந்திலேயே சஞ்சு சாம்சனை வெளியேற்றினார். இந்த ஓவரில் ஆயுஷ் மாத்ரே ஒரு கேட்ச் வாய்ப்பிலிருந்து தப்பினார், கீப்பர் ஹென்ரிச் கிளாசன் அந்த கேட்ச்சை தவறவிட்டார்.

பெரிய ஷாட்டுக்கு முயன்ற ஆயுஷ் மாத்ரேஹென்ரிச் கிளாசன் பிடித்த அபாரமான டைவிங் கேட்ச்சால் வெளியேறினார். சென்னை 5 ஓவர்களில் 66/3 என தடுமாறியது. சர்பராஸ் கான் மற்றும் மேத்யூ ஷார்ட் ஜோடி அணியின் சரிவைத் தடுக்க முயன்றது. இதன் மூலம் சிஎஸ்கே 6 ஓவர்களில் 76/3 ரன்கள் எடுத்தது, ஸ்கோர் நகர்ந்தது.

சர்பராஸ் கான் மற்றும் டீவால்ட் பிரெவிஸ் இருவரையும் அடுத்தடுத்து வீழ்த்தி சென்னை அணியின் மிடில் ஆர்டருக்கு பெரும் அச்சுறுத்தலாக விளங்கினார். இதனால் சிஎஸ்கே 11 ஓவர்களில் 113/5 ரன்கள் எடுத்தது, ரன் சேர்க்கும் வேகம் குறைந்தது.. ஷார்ட் மற்றும் தூபே ரன் எடுக்க திணறினர். ஹுசைன் யார்க்கர்கள், பவுன்சர்கள் மற்றும் மெதுவான பந்துகளை கலந்து வீசினார். எனினும், சகிப் ஹுசைன் மிக முக்கியமான திருப்புமுனையை ஏற்படுத்தினார், சிவம் தூபேயை (17 ஓவர்) போல்ட் ஆக்கினார். தூபே வெளியேறியதால், சென்னை அணிக்கு 19 பந்துகளில் 41 ரன்கள் என்ற இக்கட்டான தேவை ஏற்பட்டது.

இஷான் மாலிங்கா தனது பந்துவீச்சை மீண்டும் தொடர, பெரிய ஷாட்டுக்கு முயன்ற மேத்யூ ஷார்ட் (16 ஓவர்) அனிகேட் வர்மாவிடம் கேட்ச் கொடுத்து வெளியேறினார். இது சென்னை அணி மீதான அழுத்தத்தை மேலும் அதிகரித்தது. சகிப் ஹுசைன் மற்றும் நிதிஷ் குமார் ரெட்டி ஆகியோர் இறுக்கமான பந்துவீச்சை வெளிப்படுத்தினர். யார்க்கர்கள், பவுன்சர்கள் மற்றும் குறைந்த வேக பந்துகளை கலந்து வீசி ரன் சேர்க்க கடும் நெருக்கடி கொடுத்தனர்.

ஆட்டத்தின் கடைசி கட்டத்தில் சென்னை அணிக்கு 12 பந்துகளில் 30 ரன்களும், பின்னர் கடைசி 7 பந்துகளில் 21 ரன்களும் தேவைப்பட்டன. நிதிஷ் குமார் ரெட்டி 19வது ஓவரை வீசினார். அன்ஷுல் கம்போஜ் ஒரு ஃபுல் டாஸ் பந்தில் முக்கியமான சிக்ஸரை விளாசினார். இதில் ஒரு ரன்-அவுட் வாய்ப்பு தவறவிடப்பட்டதுடன், ஒரு வைடு பந்தும் சன்ரைசர்ஸ் அணிக்கு கவலைகளை அதிகரித்தன. ஜேமி ஓவர்டன் சிங்கிள்ஸ் மூலம் போட்டியை நகர்த்தினார்.

இறுதி ஓவரை வீச வந்த பிரஃபுல் ஹிங்கே மீது பெரும் எதிர்பார்ப்பு இருந்தது. ஹிங்கே நிதானமாக பந்துவீசினார். ஜேமி ஓவர்டன் விக்கெட்டை வீழ்த்தி, சன்ரைசர்ஸ் ஹைதராபாத் அணி சென்னை சூப்பர் கிங்ஸ் அணியை 10 ரன்கள் வித்தியாசத்தில் வீழ்த்தி வெற்றியை உறுதி செய்தார். சென்னை சூப்பர் கிங்ஸ் அணி 184/8 ரன்களுடன் தோல்வியை தழுவியது. ஹிங்கேவின் துல்லியமான பந்துவீச்சும் இறுதிநேர அழுத்தத்தைச் சமாளித்ததும் சன்ரைசர்ஸ் வெற்றிக்கு வழிவகுத்தன.

இதன் மூலம் 2018ஆம் ஆண்டுக்கு பிறகு சிஎஸ்கே அணி இதுவரை ஒரு முறை கூட 190 ரன்களுக்கு மேல் வெற்றிக்கரமாக சேஸ் செய்தது கிடையாது. 190 ரன்கள் மேல் சென்றாலே, கடந்த 8 ஆண்டுகளாக சிஎஸ்கே தோல்வியை தழுவி வருகிறது. இந்த சாபம் இன்னும் முடியவில்லை. ஆனால் இந்த காலக் கட்டத்தில் தான் சிஎஸ்கே 3 ஐபிஎல் கோப்பையை வென்றது குறிப்பிடத்தக்கது.