IPL 2026: ‘என்ன யார்க்கர் இது!’.. வலைப்பயிற்சியில் விராட் கோலியை திணறடித்த புவனேஷ்வர் குமார்

பெங்களூர்: ராயல் சேலஞ்சர்ஸ் பெங்களூரு அணி, ஐபிஎல் 2026 தொடருக்கான தனது தீவிரப் பயிற்சியை பெங்களூரு சின்னசாமி மைதானத்தில் தொடங்கியுள்ளது. கேப்டன் ரஜத் படிதார் தலைமையிலான இந்த அணியின் வலைப்பயிற்சியில், நட்சத்திர பேட்ஸ்மேன் விராட் கோலி மற்றும் அனுபவ வேகப்பந்து வீச்சாளர் புவனேஷ்வர் குமார் இடையேயான மோதல் தற்போது ரசிகர்களின் கவனத்தை ஈர்த்துள்ளது.

வலைப்பயிற்சியின் போது புவனேஷ்வர் குமார் வீசிய ஒரு துல்லியமான யார்க்கர் பந்து, விராட் கோலியின் தடுப்பாட்டத்தை மீறிச் சென்று அவரைத் திணறடித்தது. இது தொடர்பான வீடியோ தற்போது சமூக வலைத்தளங்களில் பரவி வருகிறது. கடந்த சீசனுக்கு முன்பாக பெங்களூரு அணியில் இணைந்த புவனேஷ்வர் குமார், 14 போட்டிகளில் 17 விக்கெட்டுகளை வீழ்த்தி அணியின் பந்துவீச்சில் முக்கிய பங்காற்றினார். குறிப்பாக, டெத் ஓவர்களில் விக்கெட்டுகளை வீழ்த்தும் அவரது திறமை இந்த ஆண்டும் அணிக்குப் பெரிய பலமாக இருக்கும் என எதிர்பார்க்கப்படுகிறது.

கடந்த 2025 ஆம் ஆண்டு பஞ்சாப் கிங்ஸ் அணியை வீழ்த்தி தனது முதல் ஐபிஎல் கோப்பையை வென்ற பெங்களூரு அணி, இந்த ஆண்டும் அதே உத்வேகத்துடன் கோப்பையைத் தக்கவைக்கும் முனைப்பில் களமிறங்குகிறது. சர்வதேச டி20 போட்டிகளிலிருந்து ஓய்வு பெற்றிருந்தாலும் விராட் கோலி தற்போது மிகச் சிறந்த ஃபார்மில் உள்ளார். சமீபத்தில் தென்னாப்பிரிக்கா மற்றும் நியூசிலாந்து அணிகளுக்கு எதிரான ஒருநாள் தொடர்களில் அதிரடியாக விளையாடி முறையே 302 மற்றும் 240 ரன்களைக் குவித்து மிரட்டினார். இதில் 3 சதங்களும் அடங்கும். கடந்த ஆண்டு ஐபிஎல் தொடரில் 144.71 ஸ்ட்ரைக் ரேட்டுடன் 657 ரன்கள் குவித்து பெங்களூரு அணி கோப்பையை வெல்ல முக்கியக் காரணமாக இருந்தார் விராட் கோலி.

IPL 2026: சிஎஸ்கே தந்த ஆல்-ரவுண்டர் விலகல்.. ராஜஸ்தான் ராயல்ஸ் அணிக்கு சாம் கரனால் பின்னடைவு

2026 ஐபிஎல் தொடரில் விராட் கோலி இரண்டு மிகப்பெரிய வரலாற்றுச் சாதனைகளைப் படைக்கக் காத்திருக்கிறார். ஐபிஎல் வரலாற்றில் 9000 ரன்களை எட்டிய முதல் வீரர் என்ற பெருமையையும், ஒரே அணிக்காக டி20 போட்டிகளில் 10000 ரன்களைக் கடந்த முதல் வீரர் என்ற உலகச் சாதனையையும் அவர் படைக்க உள்ளார். பெங்களூரு அணியின் இந்தத் தீவிரப் பயிற்சி அந்த அணி ரசிகர்களிடையே பெரும் எதிர்பார்ப்பை ஏற்படுத்தியுள்ளது.

ஐபிஎல் கதவை திறங்க.. பாகிஸ்தானுக்கு டாட்டா பைபை காட்ட தயாராக இருக்கும் வெளிநாட்டு வீரர்கள்!