IPL 2026: வரலாற்றில் முதல் வீரர்.. விராட் கோலி உலக சாதனை.. யாராலும் தொட முடியாத உச்சம்

டெல்லி: ஐபிஎல் வரலாற்றில் 9000 ரன்களை கடந்த உலகின் முதல் வீரர் என்ற சாதனையை விராட் கோலி படைத்தார். ராயல் சேலஞ்சர்ஸ் பெங்களூர் அணிக்காக தனது 275வது ஐபிஎல் போட்டியில், அருண் ஜெட்லி மைதானத்தில் களமிறங்கினார். 76 ரன்கள் என்ற இலக்கை சேஸ் செய்த போது, வெற்றிக்கு எதிராக 11 ரன்கள் தேவைப்பட்ட நிலையில், ஆறாவது ஓவரின் கடைசி பந்தில் ஒரு ரன் எடுத்து இந்த மைல்கல்லை எட்டினார்.

இந்த சாதனையை கோலி 6732 பந்துகள் மட்டுமே எடுத்து கொண்டார். ஐபிஎல் அதிக ரன்கள் எடுத்தோர் பட்டியலில், கோலிக்கு அடுத்தபடியாக ரோகித் சர்மா (276 போட்டிகள், 7183 ரன்கள், 2 அணிகள்), ஷிகர் தவான், டேவிட் வார்னர், கேஎல் ராகுல் ஆகியோர் உள்ளனர்.

ஷிகர் தவான் 222 ஐபிஎல் போட்டிகளில் 6769 ரன்கள் சேர்த்தார். 2008 முதல் 2024 வரை அவர் டெல்லி கேபிடல்ஸ், மும்பை இந்தியன்ஸ், டெக்கான் சார்ஜர்ஸ், சன்ரைசர்ஸ் ஹைதராபாத், பஞ்சாப் கிங்ஸ் என ஐந்து அணிகளுக்காக விளையாடியுள்ளார்.

வெளிநாட்டு வீரர்களில் அதிக ரன்கள் எடுத்த டேவிட் வார்னர், 2009-2024 வரை டெல்லி கேபிடல்ஸ், சன்ரைசர்ஸ் ஹைதராபாத் என இரு அணிகளுக்காக 184 போட்டிகளில் 6565 ரன்கள் குவித்துள்ளார்.ஒரு ரன்னில் ஆட்டமிழந்த கேஎல் ராகுல், ராயல் சேலஞ்சர்ஸ் பெங்களூர், சன்ரைசர்ஸ் ஹைதராபாத், பஞ்சாப் கிங்ஸ், லக்னோ சூப்பர் ஜெயன்ட்ஸ், டெல்லி கேபிடல்ஸ் என ஐந்து அணிகளுக்காக 153 போட்டிகளில் 5580 ஐபிஎல் ரன்கள் எடுத்துள்ளார்.

டெல்லி கேபிடல்ஸ் அணிக்கு எதிரான நடப்பு போட்டியில் கோலி மேலும் 16 ரன்கள் (மொத்தம் 27) எடுத்தால், டி20யில் ஒரு அணிக்கு எதிராக 1200 ரன்கள் எடுத்த முதல் வீரர் ஆவார். டெல்லிக்கு எதிராக 34 போட்டிகளில் அவர் தற்போது 1184* ரன்கள் எடுத்துள்ளார்.

அருண் ஜெட்லி மைதானத்தில் நடக்கும் இதே போட்டியில் கோலி 35 ரன்கள் எடுத்தால், இந்தியாவில் ஐபிஎல்-லில் 8000 ரன்கள் கடந்த முதல் வீரர் என்ற சாதனையை புரிந்திருப்பார். இந்தியாவில் 231 ஐபிஎல் போட்டிகளில் கோலி 7976* ரன்கள் குவித்துள்ளார்.